آیات محبوب کتاب مقدس از Salmos 34

به اشتراک گذاشتن

Itꞌéni Díos mé chjino itjen chꞌan, kixin sinchekaá chꞌan ti chojni kjuaxróxinhña tjejó la ko tꞌává a̱sén.

Kjueyáni Itꞌéni Díos la kjuáte̱he chꞌan la kjua̱tse̱n chꞌan kaín kjuachrakon kꞌuéchóntani.

Ti nkexro jína la itsjé nkehe náxrjónhña tso̱hen, kjánchó Itꞌéni Díos mé tsja̱tse̱n kaín tíha.

*Xrákira, tsjehéra kixin Itꞌéni Díos la jína la chéhe̱ tjejó ti nkexro tinkáchónki ti jehe chꞌan.

Méxra̱ ti nkexro tsinkáchónki Itꞌéni Díos la a̱ntsí tso̱chéhe̱ sin, la í tso̱suèhya sin.

Itꞌéni Díos mé tihin ti tꞌéya ti chojni tjikosáyehe ti jehe chꞌan la ko tsja̱tse̱n chꞌan kaín ti náxrjónhña chónta sin.

Ti ángel kuènté Díos la tꞌayakohen ti sin tjikosáyehe Díos la ko tjinki̱tsa ti jehe sin.

Chrokui̱to̱héra ti nkehe jínahña; la chrókjuáko̱xinra ti nkehe jína. Tjéyára ti kjuaxróxin la chréhéra.

Ti xi̱kaha la chrónixjahyara ninkehó nkehe jínahña, la ko ninkehó kjuachꞌia chrókꞌuaxrjexinhña ti irꞌuara.

Kixin Itꞌéni Díos mé tꞌayakohen chꞌan ti chojni jína la ko tsihin chꞌan ti tsꞌèya sin.

Méxra̱ nkoko̱a chrókꞌuejóni chróchjéheni kjuasáya Itꞌéni Díos kixin imá chónta chꞌan kjuachaxin.