KULAVA 5
5
Ava vanapihi navavafumisa mucilombo
1Yehova ahanjikile kuli Mose ngwenyi,
2 #
Levi 13.46. Valweze vana vaIsalele vafumise vaka-mbumba vosena mucilombo, nawose nawa ali navimwe vili nakumuhita, #19.11.nawose nawa napihi kuli mufu.
3Vafumisenumo namalunga namapwevo. Vatwalenu kusali yacilombo, mangana kucina navapihisa cilombo cavo, #35.34; Levi 26.12.mukaci kavo ngwatwamAmi.
4Vana vaIsalele valingile ngoco, vavafumixile mucilombo, nge omu ahanjikile Yehova kuli Mose, mukiko muvalingilile vana vaIsalele.
Luximbi lwakuvuluka kuxixisa
5Yehova ahanjikile kuli Mose ngwenyi,
6Hanjika kuli vana vaIsalele ngwove, #Levi 5.14—6.7.Cipwe lunga cipwe pwevo hakuvulumuna mulonga waxili wahamilonga yosena veji kuvulumunanga vatu, nakuhengesa kuli Yehova, mutu uze hakuhingika,
7numba hyetavile mulonga wenyi waxili navulumuna. Kaha axixisemo vyuma vyosena vize nahingikila, ahakileko cimbwa cimwe cakusokesa muvimbwa vitanu, avihane kuli ze napihisa hakuhingika.
8Oloze kaci nge mutu uze nahono kausoko wakuxixixila vize nahingikila, kaha vize nahingikila navaxixixila Yehova vipwe vyakapilixitu, hamwe nacizamba camukoko wakufwika xili, uze navamulingixila cakufwika xili.
9 #
Levi 7.32, 34; 10.14, 15. Namawanosena akuzundula kuvyuma vyavana vaIsalele vyajila vyosena nawa, aze navahana kuli kapilixitu, apwe enyi.
10Navyuma vyamutu himutu vyakujilika vyosena vipwe vyenyi. Vyuma vyose vize mwahana mutu kuli kapilixitu vipwe vyenyi.
Luximbi lwalisungu
11Yehova ahanjikile kuli Mose ngwenyi,
12Hanjika kuli vana vaIsalele uvambulile ngwove, Kaci pwevo lyamutu mwapyapumuka nakuhengesa kuli ikiye,
13kaci nge lunga weka mwasavala nenyi nakulimona nenyi, nge lunga lyenyi ahonene kucimona nameso enyi, nge cinapu cakusweka, nge pwevo nalipihisa, nge kwahona Cinjiho wakumupayisa, nge kavamukwacileko,
14nge lunga lyenyi mwevwa lisungu nakusungwila puwenyi, nge pwevo nalipihisa, mokomoko kaci nge lunga mwevwa lisungu nakusungwila puwenyi, kaha nge pwevo kalipihixileko,
15uze lunga akanehe puwenyi kuli kapilixitu. Kaha akanehe wana wenyi hali ikiye, cimbwa cimwe cakusokesa muvimbwa likumi vyalifwa cawunga wambale. Kanda akahingunwinaho majiko, cipwe kuhakaho #5.15:Ulilila waciputa, wakuwema nakulovola livumba lyamwaza. Tala Kulo. 30.34; Levi 2.1.lavona. Mwomwo ukiko wana wakulya wahalisungu, ukiko wana wakulya wakwanukilaho, wakwanukilaho kuhenga.
16Kaha kapilixitu akamupandamise pwevo, akamwimike kumeso aYehova.
17Kapilixitu akambate meya ajila mundeho yauma. Kapilixitu akanone nawa kulukungu luli hamavu #5.17:Tala 1.50.mutavanaku, akaluhake hameyaze.
18Kapilixitu akamwimike pwevo kumeso aYehova, akasangunune jikambu jakumutwe wapwevo, akahake wana wakulya wakwanukilaho mumavoko enyi, ukiko wana wakulya wahalisungu. Kaha kapilixitu akapwe nameyaze akwangwisa amasasu mulivoko lyenyi.
19Jino kapilixitu akamuxingise pwevo, akambe kuli pwevo ngwenyi, Kaci nge lunga kasavalile nayoveko, nge kawapyapumukile nakulipihisako, omu unasomboka lyehi kuli lunga lyove, kaha usambe kumeya akwangwisa amasasu awa.
20Oloze kaci nge unapyapumuka, omu unasomboka lyehi kuli lunga lyove, kaci nge unalipihisa, nge lunga weka nalimono nayove, ou azeneka kupwa lunga wakukumbata,
21kaha kapilixitu akamulweze pwevo ngwenyi, Lixinge luxingo lwakulyangwisa. Kapilixitu akambe kuli pwevo ngwenyi, Yehova akakulingise kupwa ucangu, vakaxinge ove muli vakwenu vatu, omu mwakazemukisa Yehova tungi yove nakujimbisa mujimba wove.
22Kaha meyawa akwangwisa nawengila mujimo lyove, nakujimbisa mujimba wove nakuzemukisa tungi yove. Kaha uze pwevo akambe ngwenyi, Amene, amene.
23Jino maxingo awa kapilixitu akawasoneke hamukanda, akawajimbanganyine mumeyaze amasasu,
24akamunwise pwevo meyaze akwangwisa amasasu. Kaha aze meya akwangwisa nawamwingila nakumusasa.
25Kapilixitu akatambule nawa uze wana wakulya wahalisungu kulivoko lyapwevo, akahungise wana wakulya uze kumeso aYehova, akaunehe kulijiko lyakulumbila.
26Kapilixitu akatapuleho livoko lyenyi lyato kuwana wakulya uze, kupwa oco cakwanukilaho, akacilumbile halijiko lyakulumbila. Hakukuminyina, numba hyanwise pwevo meyaze.
27Kahomu mwakalinga hanamunwisa lyehi meyaze, hinacikapwa, kaci nge nalipihisa lyehi nakuhengesa kuli lunga lyenyi, kaha aze meya akwangwisa nawamwingila nakusasa, mujimba wenyi hinaujimba, tungi yenyi hinayizemuka, kaha uze pwevo mwakapwa vamwangula lyehi muli vatu vakwavo.
28Oloze kaci nge uze pwevo kalipihixileko, kaci nge natomo, kaha mwasamba, mwemita lijimo.
29Elu lukiko luximbi lwahalisungu, omu mwapyapumuka pwevo nasomboka lyehi kuli lunga lyenyi, nakulipihisa,
30mokomoko omu mwevwa lunga lisungu nakusungwila puwenyi. Akemike pwevo kumeso aYehova, kaha kapilixitu akalinge kuli pwevo nge mwosenomu mwaya luximbi elu.
31Ngoco lunga kexi kukapwa namulonga wakuhengako, kaha pwevo kana mwakambata kuhenga cenyi.
Actualmente seleccionado:
KULAVA 5: LUE70
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Luvale Bible © Bible Society of Zambia, 1970.