KULAVA 4
4
Milimo eyi navavahana vaLevi
1Yehova ahanjikile kuli Mose nakuli Alone ngwenyi,
2Lavenu vana vaKohate muli vana vaLevi, kujitanga javo, kujizuvo javakakuluka javo,
3kufumisa kuli ava vamyaka makumi atatu nakusambula nakutwala kuli ava vamyaka makumi atanu, vosena vaze veji kwingilanga kumilimo nakuzata mumbalaka yakuliwanyina.
4Eyi yikiko milimo yavana vaKohate mumbalaka yakuliwanyina, kuvyuma vyajila cikuma.
5Omu navakatuka vaka-cilombo, Alone engilemo navana venyi, asukule #Kulo. 40.5.lihina lyakuvatasana lyacivamba, afwikise cikaxa caunjiho.
6Ahakeho cifwiko camalambu avambau, aleho lihina lyawanda uxikima lika, aselulemo mivanda yaco.
7Vale nawa lihina lyawanda uxikima hamesa yajimbolo jakutwamanga kumeso ami, ahakeho vyenga najinguto naviloso najipasa jakuhingunwisa. #Kulo. 25.30; Levi 24.5-9.Nambolo yize yamakumbi osena nawa yipwengaho.
8Kaha valeho lihina lyawanda ucila, vafwikeho cifwiko camalambu avambau, aselulemo mivanda yayo.
9Vambate nawa lihina lyawanda xikima vafwike Citumbikilo camanongo akumunyika, namanongo aco, najimanya jaco, navyenga vyaco vyakukwacila mule, najisaji jaco josena, vize veji kucizacixilanga milimo.
10Vacihake mucifwiko camalambu avambau, navyuma vyaco vyosena, vacihake hamuvanda.
11Vale nawa lihina lyawanda uxikima halijiko lyakulumbila lyaulu, vafwikeho cifwiko camalambu avambau, vaselulemo mivanda yalyo.
12Vambate vyuma vyakuzacisa milimo vyosena, vize veji kuzacisanga milimo muzuvo yajila, vavihake halihina lyawanda uxikima, vavifwike nacifwiko camalambu avambau, vavihake hamuvanda.
13Vafumise wuto #Kulo. 27.1-3.kulijiko lyakulumbila, valeho lihina lyaungonyi.
14Vahakeho vyuma vyalyo vyakuzacixilako milimo vyosena, namapanda akukwacila makala, namalovo akukwacisa nyama najifwoxolo najimbaxiya, navyuma vyakulijiko lyakulumbila vyosena. Kaha valeho cifwiko camalambu avambau, vaselulemo mivanda yalyo.
15N goco Alone navana venyi hakumanyisa kufwika zuvo yajila navyuma vyamuzuvo yajila vyosena, omu navasaka vaka-cilombo kukatuka, numba vana vaKohate vaheteko vavikulike. Oloze kanda vakwata havyuma vyajilako, kucina navafwa. Evi vikiko vinapu viteli vyavana vaKohate mumbalaka yakuliwanyina.
16Evi mwalama Eleyaza mwanakapilixitu Alone vikiko #Levi 24.1-3.maji alinongo #Kulo. 30.34-38.navize vyakulumba vyalivumba lyamwaza, #Levi 6.20.nawana wakulya wakuhana hakumbi hakumbi, #Kulo. 30.22-23.namaji akuwavisa, kulama #4.16:Tala 1.50.tavanaku yosena navyuma vyosena vize vilimo, zuvo yajila navyuma vyayo.
17Yehova ahanjikile kuli Mose nakuli Alone ngwenyi,
18Kanda mukateta muyaci wajitanga javaKohate muli vaLeviko.
19Oloze muvalinga ngana, mangana vayoyenga, vazeneke kufwa omu navapandama kuvyuma vyajila cikuma. Alone navana venyi vengile vatongwele mutu himutu milimo yenyi naciteli cenyi.
20Oloze vakivo kanda vakengila nakutala muno mwajilako cipwe akapyapya kakandende kaha, kucina navafwa.
21Yehova ahanjikile kuli Mose ngwenyi,
22Lava vana vaNgelexone nawa, kujizuvo javakakuluka javo, kujitanga javo,
23kufumisa kuli ava vamyaka makumi atatu nakusambula. Uvalava nakuheta kuli ava vamyaka makumi atanu, vosena vaze veji kwingilanga nakukafwa kumilimo, nakuzata milimo mumbalaka yakuliwanyina.
24Eyi yikiko milimo yajitanga javaNgelexone, hakuzata nahakumbata viteli.
25Vambatenga mahina atavanaku, nambalaka yakuliwanyina, nacifwiko cayo, #Kulo. 26.14.nacifwiko camalambu avambau cili helu lyayo, nacivamba cakucikolo cambalaka yakuliwanyina,
26namahina acipango akusukika, nacivamba cakucikolo cacipango cili kutavanaku nakulijiko lyakulumbila jingulwixi, najingoji jawo, navyuma vyamilimo yawo vyosena, navyuma vyosena navavilingisa. Mukiko vene munavazacila.
27Milimo yavaNgelexone yosena yipwenga nge omu navavalweza kuli Alone navana venyi, kuviteli vyavo vyosena nakukuzata cavo cosena. Kaha muvatongwela munavalamina viteli vyavo vyosena.
28Eyi yikiko milimo yajitanga javana vaNgelexone mumbalaka yakuliwanyina. Milimo yakuvalama yipwenga kulivoko lyaItamale mwanakapilixitu Alone.
29Vana vaMelali uvalava kujitanga javo, kujizuvo javakakuluka javo,
30kufumisa kuli ava vamyaka makumi atatu nakusambula. Uvalava nakuheta kuli ava vamyaka makumi atanu, vosena vaze veji kwingilanga kumilimo nakuzata milimo yamumbalaka yakuliwanyina.
31Eci cikiko citeli cavo navalamanga, nge mwaya milimo yavo yosena mumbalaka yakuliwanyina, maliva atavanaku, namikambo yawo, najipanda jayo, namanevo jayo,
32najipanda jacipango jingulwixi, namanevo jajo, najimbambo jajo, najingoji jajo, navyuma vyajo vyosena namilimo yajo yosena. Uvatongwela vyuma vize navalama kuviteli vyavo halijina halijina.
33Eyi yikiko milimo yajitanga javana vaMelali, nge kumilimo yavo yosena, mumbalaka yakuliwanyina, kulivoko lyaItamale mwanakapilixitu Alone.
34Ngoco vaMose naAlone navaka-kulitulaho jalizavu valavile vana vaKohate kujitanga javo, kujizuvo javakakuluka javo,
35kufumisa kuli ava vamyaka makumi atatu nakusambula, nakuheta kuli ava vamyaka makumi atanu, vosena vaze vengililenga kumilimo mangana vazate mumbalaka yakuliwanyina.
36Ava valavile vakuli vakivo kujitanga javo vapwile #4.36:2, 750.makombakaji avali namakulukaji atanu naavali namakumi atanu.
37Ava vakivo vaze valavile vakujitanga javaKohate, vosena vaze vazacilenga mumbalaka yakuliwanyina, vaze valavile kuli vaMose naAlone, nge omu avalwezele Yehova muli Mose.
38Ava valavile vakuli vana vaNgelexone kujitanga javo, kujizuvo javakakuluka javo,
39kufumisa kuli ava vamyaka makumi atatu nakusambula, nakuheta kuli ava vamyaka makumi atanu, vosena vaze vengililenga kumilimo nakuzata mumbalaka yakuliwanyina,
40ava valavile vakuli vakivo kujitanga javo, kujizuvo javakakuluka javo, vapwile #4.40:2, 630.makombakaji avali namakulukaji atanu nalimwe namakumi atatu.
41Ava vakivo vaze valavile vakujitanga javana vaNgelexone, vosena vaze vazacilenga mumbalaka yakuliwanyina, vaze valavile kuli vaMose naAlone, nge omu avalwezele Yehova
42Ava valavile vakujitanga javana vaMelali, kujitanga javo, kujizuvo javakakuluka javo,
43kufumisa kuli ava vamyaka makumi atatu nakusambula, nakuheta kuli ava vamyaka makumi atanu, vosena vaze vengililenga kumilimo nakuzata mumbalaka yakuliwanyina,
44ava valavile vakuli vakivo, kujitanga javo, vapwile #4.44:3, 200.makombakaji atatu namakulukaji avali.
45Ava vakivo vaze valavile vakujitanga javana vaMelali, vaze valavile kuli vaMose naAlone, nge omu alwezele Yehova muli Mose.
46Vosena vaze valavile vakuli vaLevi, vaze valavile kuli vaMose naAlone navaka-kulitulaho javaIsalele, kujitanga javo, kujizuvo javakakuluka javo,
47kufumisa kuli ava vamyaka makumi atatu nakusambula, nakuheta kuli ava vamyaka makumi atanu, vosena vaze vengililenga nakulinga milimo yakuzata namilimo yakumbata viteli mumbalaka yakuliwanyina,
48ava valavile vakuli vakivo vapwile #4.48:8, 580.makombakaji atanu naatatu namakulukaji atanu namakumi atanu naatatu.
49Nge muze avalwezele Yehova, mukiko vene muvavalavilile kuli Mose, mutu himutu nge kukuzata cenyi, nge kuciteli cenyi. Ngoco muvavalavilile kuli ikiye, nge omu valwezele Mose kuli Yehova.
Actualmente seleccionado:
KULAVA 4: LUE70
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Luvale Bible © Bible Society of Zambia, 1970.