2 Pita 3
3
Buzhoce bwa Mwami
1Nubafwunwa, luŋwalu nundamulembela lolu ndwabili. Muli ngawo oonse ndazanda kumuzhibalusha kwaamba mukwate mizeezo iluleme ku shintu sheshi shoonse. 2Nciceco ncicampa kumuzhibalusha mazwi akaamba bashinshimi basalala bakale kale, ulimwi u Mulawo wa Mwami Mufwutuli wesu ngumwakapewa u batumwa benu. 3#Jud 1:18Ucakutaanguna muli elele kuteelelesha kwaamba ku mazuba a mamanino bashikulimbusha balakeza kumulimbusha, balakazubuluka kwiza bucilila shisushi shibiyabi shamu myonzo yabo. 4Balakaamba ati, “Sa tali wezo wakashomezha ati ulakazhoka? No ulakazhoka liliye? Ba shaakale besu bakafwa kale kale, pele shintu shoonse shicili umbona mbushakaakubele kuhwa ku malenjelo.” 5#Mata 1:6-9Balilubya lubya lutuzhi kwaamba ku makancilo Leza wakalenga inshi izeulu. Wa kaandaanya inshi u meenzhi, inzho inshi yakazhingulukwa u meenzhi. 6#Mata 7:11Ulimwi inshi yacelya ciindi yakazonaunwa izambangulwe. 7Pele Leza u mazwi ngoona aza wakalenga izeulu inshi nshitubona usunu ulakashitenta u mulilo. Ulishibambile mpaka buzuba mbwakakabeteka u kuzonauna bantu basampaula Leza.
8 #
Inte 90:4
Kuli cintu comwi ncimuteelele kuluba pe, nubafwunwa, ncakuti ku Mwami, buzuba bomwi buli ukoya cuulu ca myaka, aco cuulu ca myaka cili ukoya buzuba bomwi. 9Taali ati Mwami Leza wamuka kucita shesho nshaakashomezha, ubutelaika bamwi, ngu shicamba, nkaambo ulazanda ati kutakabi naaba womwi wabo uzonauka, pele ulazanda ati boonse basanduke.
10 #
Mat 24:43; Lk 12:39; 1 Batesa 5:2; Cizu 16:15 Ubobo buzuba Mwami nakaazhoka, bulakashika ukoya bwize bwa muteu. Mu buzuba bobo, izeulu lilakamaninina u muhuhumo uzoosha. Shintu shoonse shilakeenzunuka ukupiya kuzoosha, ayo inshi u shesho shoonse nshiikwete, shilakapiya ca kumaninina! 11Ubobo, mukuba ati shoonse sheshi shilakazonaunwa munzhila yezhi, no mulakaba bantu bali buti? Mulyeelele kululama mubukale bwenu umu kukomba Leza, 12mukulindila kwenu kwa buzuba bwa Leza, u kubusebezela ca nsana kwaamba bushike ca kufwambaana. Mu buzuba bobo sha kwizeulu shilakatentwa u kuzonaunwa, asho shintu sha mwizeulu shilakeenzununwa iibangabanga lya Mulilo. 13#Aiz 65:17; 66:22; Cizu 21:1Pele uswe tulalindila ceco Leza ncaakashomezha, izeulu ipiya, iinshi impiya, momo bantu baluleme muba kaakala.
14Ubobo, nubafwunwa ku Mwami, mukulanjila shintu sheshi, amusalale u kupakamana kwaamba mukayanwe mu luumuno ubwiina kampenda. 15Amuzhibe kwaamba Leza ulafwila luse nkaambo ulazanda kwaamba ati amufwutule. Aze umbona mukwesu Paulu nakufwunwa, wakamulembela sheshi shoonse u busongo mbwaakamupa Leza. 16Wakaamba makani aza mu maŋwalu akwe oonse. Mu maŋwalu azo muli shimwi shintu shilakatazha kuteelela. Bantu ba shicinguni batashiticile mu myonzo balashipilinganya umbupanduluzhi umbuli mbubacita Malembe amwi a Leza. Nibacita bobo balalizonauna beni.
17Pele umwe nubafwunwa ku Mwami, bolya mbumushizhi kale sheshi, amucenjele kwaamba lweeno lwa bantu babiyabi lutamusowa ukuwa, kwaamba muzhimininwe ngumushimpile lushomo lwenu. 18Pele kamuya bukomena mu luse u muluzhibo lwa Mwami Mufwutuli wesu Jeso Kilisito.
Ukwakwe akube bulemu ubwasunu u mazuba oonse. Ameni.
Currently Selected:
2 Pita 3: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.