1 Johani BUPANDULUZHI
BUPANDULUZHI
Luŋwalu lwakutaanguna lwaka Johani lwakalembwa u Mutumwa Johani, akati ka myaka 85-90 AD. Johani talyaamba ati ngu mulembi wa luŋwalu lolu. Pele mu caandaano citaanzhi, ulatondezha ati ngu kamboni ku bumi u bubuke bwa Jeso (1:1-3). Inembelo ya luŋwalu lutaanzhi lwa Johani, ayo ilakozhana inembelo iyanwa mu Makani Mabotu ngaakalemba Johani. Cilashomwa kwaamba ati Johani nguwakalemba maŋwalu a Johani oonse otatwe. Aza maŋwalu wakaalembela ku munzhi wa Efeso.
Johani wakalemba luŋwalu lolu ku bashomi boonse ku ciindi imbungano niyakaakupenzhewa u bantu bakaakulyaamba kukwata luzhibo. Kushoma kwabo kakuli kwakuti Jeso ngu Leza pele katali muntu ulya maila ciindi nakaakuli anshi ano. Ukaambo kaka, Johani ulalemba ati ngu kamboni ku bumi bwaa Jeso ulimwi wakamukwata u matashi akwe (1:1-3). Muzeezo wa Johani mukulemba luŋwalu lolu, kooli wakuti lutangalo lwakwe lumaninine (1:4) u kukwabilila bashomi ku shibi (2:1) u kukwabilila bashomi kunjiisho shabubeshi (2:26) ulimwi u kushomezha bashomi ati bafwutulwa (5:13).
Mitwi ya Makani
Johani wapandulula luŋwalu lwakwe 1:1-4
Mumuni u mushinze 1:5—2:29
Bana ba Leza u bana ba mubiyabi 3:1-24
Injiisho sha bubeshi u sha lushinizho 4:1-6
Mulawo wa Lufwuno 4:7-21
Lushomo lwa buzundi 5:1-21
Currently Selected:
1 Johani BUPANDULUZHI: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.