Zakaria 1
1
FIZARANA VOALOHANY
Famporisihana hibebaka
1Tamin’ny volana fahavalo#1,1 Tamin’ny volana fahavalo: Efa 16 taona tamin’izay no niverenan’ny vahoaka avy tany amin’ny tany fahababoana., taona faharoa nanjakan’i Dariosa, ny tenin’i Iaveh dia natao tamin’i Zakaria, mpaminany, zanak’i Barakia, zanak’i Adô, nanao hoe: 2Tezitra mafy tamin’ny razanareo i Iaveh. 3Koa lazao amin’izy ireo hoe:
«Izao no lazain’i Iavehn’ny tafika: Miverena amiko ianareo, - teny marin’i Iavehn’ny tafika, - dia hiverina aminareo Aho, - hoy i Iavehn’ny tafika. 4Aza manaraka ny razanareo, izay nitorian’ny mpaminany taloha hoe: Izao no lazain’i Iavehn’ny tafika: Miverena ianareo, mialà amin’ny lalan-dratsinareo, sy amin’ny asa ratsinareo! nefa tsy nihaino sy tsy nasiany raharaha akory Aho, - teny marin’i Iaveh. - 5Ny razanareo aiza intsony ankehitriny? Ary ny mpaminany koa, moa mba nety ho velona mandrakizay va? 6Fa ny teniko sy ny didiko kosa, izay nasaiko nentin’ny mpaminany mpanompoko, moa tsy nahatratra ny razanareo va, ka dia nibebaka izy ireo#1,6 Ka dia nibebaka izy ireo: Nibebaka ihany, nefa ela loatra; ary efa tratry ny famaizana vao nibebaka. ary nanao hoe: Izay efa notapahin’i Iavehn’ny tafika hatao amintsika araka ny lalantsika sy araka ny asantsika dia nataony tamintsika tokoa.»
Fisehoana hita voalohany: ireo mpitaingin-tsoavaly
(Jereo Zak 6,2-7; Apôk 6,2-7)
7Tamin’ny andro faha-24n’ny volana, izay volana Sabata#1,7 Izay volana Sabata: febroary-marsa., tamin’ny taona faharoa nanjakan’i Dariosa, tonga tamin’i Zakaria mpaminany, zanak’i Barakia, zanak’i Adô, ny tenin’Andriamanitra, dia izao:
8Fahitana no azoko tamin’ny alina: ka nisy lehilahy nitaingin-tsoavaly#1,8 Nisy lehilahy nitaingin-tsoavaly: Anjely izany, ary filohan’ny antoko-mpitaingin-tsoavaly telo; izy ireo dia nirahina hisafo ny firenena manodidina an’i Israely sy handinika ny toetoetrany, ka manambara ny fijerin’Andriamanitra mitsinjo ny tany rehetra. menapìny nijanona teo amin’ny hazo mirta, amin’ny toerana malokaloka; sady nisy soavaly nemapìny sy mavomena ary fotsy teo aoriany. 9Ka hoy aho#1,9 Ka hoy aho: I Zakaria manontany ilay Anjely izay toy ny mpanoro hevitra azy, amin’ireto fahitana rehetra ireto, ka toa hitany mijoro eo anilany.: Inona ireo, tompoko? Dia hoy ilay Anjely niresaka tamiko: Hasehoko anao ny amin’ireo. 10Ary ralehilahy izay teo amin’ny mirta, niteny nanao hoe: Ireo no nirahin’i Iaveh hitety ny tany. 11Ka dia namaly ireo tamin’ny Anjelin’i Iaveh#1,11 Ny Anjelin’i Iaveh: Anjely solontenan’i Iaveh., izay teo amin’ny mirta ka nanao hoe: Efa nitety ny tany izahay, ka miadana sy mandry feizay avokoa ny tany#1,11 Miadana sy mandry feizay ny tany: Ny tany manodidina an’i Palestinina. Tamin’ny taona voalohandohany nanjakan’i Dariosa, dia nandry feizay tokoa ny tany rehetra; nefa ny tanànan’i Jodà mbola rava ihany.. 12Dia niteny ilay Anjelin’i Iaveh nanao hoe: Ry Iavehn’ny tafika ô, mandra-pahoviana Ianao no tsy hamindra fo amin’i Jerosalema sy ny tanànan’i Jodà, izay itezeranao efa hatramin’ny fitopolo taona#1,12 Fitopolo taona: Miantomboka amin’ny taona fandravana an’i Jerosalema no fanisana ireo fitopolo taona ireo, tamin’ny taona 588.? 13Ary i Iaveh nilaza teny soa, teny fampiononana tamin’ilay Anjely niresaka tamiko. 14Ary ity Anjely niresaka tamiko kosa nanao tamiko hoe: Ataovy antso avo izao:
Izao no lazain’i Iavehn’ny tafika: Efa azon’ny fahasaro-piaro mafy, an’i Jerosalema sy an’i Siôna Aho. 15Ary mbola azon’ny fahasaro-piaro mafy Aho hamely ny firenena#1,15 Hamely ny firenena. Mba tezitra tamin’i Israely ihany i Iaveh ka nasainy nosazin’ny firenena. Nefa ireo firenena ireo dia masiaka sy barbarianina, ka namely mafy loatra an’i Israely, fa noringanina, ka nifotitra tamin’izy ireo ny hatezeran’i Iaveh. izay milomano amin’ny harem-be. Satria Izaho moa, efa tezitra kely sahady, izy kosa niasa nankamin’ny fandravana ihany.
16Koa izao no lazain’i Iaveh: Miverina eto Jerosalema amin’indrafo Aho, ka ny tranoko haorina eto indray, - teny marin’i Iavehn’ny tafika, - ary ny famolaina hohenjanina amin’i Jerosalema.
17Ataovy antso avo koa izao: Izao no lazain’i Iavehn’ny tafika: Mbola hitobaka eto an-tanànako ny harem-be; ary mbola hampionona an’i Siôna i Iaveh, sy mbola hifidy an’i Jerosalema.
Currently Selected:
Zakaria 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.