Zakaria 2
2
Fisehoana hita faharoa: tandroka sy mpanefy
1Nanopy ny masoko aho, ka nahita: dia indreo nisy tandroka efatra#2,1 Tandroka efatra: Ireo tandroka ireo manambara ny fahavalon’i Israely rehetra avy amin’ny vazantany efatra nanafika azy.. 2Dia hoy aho tamin’ilay Anjely niresaka tamiko: «Inona moa ireto?» Ary hoy izy tamiko: «Ireo no tandroka nampihahaka an’i Jodà sy i Israely ary i Jerosalema.»
3Ary naneho mpanefy efatra tamiko i Iaveh. Ka hoy aho: «Tonga haninona ireto?» 4#2,4 Miadana ihany ny tany izao, nefa ho avy marina tokoa ny andro hamaliana ny fahavalon’i Israely. Dia namaly Izy nanao hoe: «Iretsy no tandroka nampihahaka an’i Jodà, ka tsy nisy olona nanatràka loha akory; fa ireto kosa, tonga hampahatahotra azy mafy, ary hanjera ny tandrok’ireo firenena nanangan-tandroka hamely ny tanin’i Jodà mba hampihahaka azy.»
Fisehoana hita fahatelo: ilay mpandrefy
5Nanopy ny masoko aho, ka nahita: ka indro nisy lehilahy nitondra kofehy famolaina#2,5 Nitondra kofehy famolaina: Mba handrefesana ny faritra manodidina ny tanàna izay hatao indray. teny an-tanany. 6Dia hoy aho: «Ho aiza ianao?» Ary hoy izy tamiko: «Handrefy an’i Jerosalema hahitana izay hatao sakany sy izay hatao lavany.»
7Tamin’izay niseho ilay Anjely niresaka tamiko, sady nisy Anjely anankiray hafa niseho hitsena azy; 8ka hoy izy taminy#2,8 Ka hoy izy (ilay Anjely mpanoro hevitra) taminy: Tamin’ny Anjely hafa voalaza ao amin’ny andininy faha-7. hoe: «Mandehana faingana, milazà amin’io zatovo io, ataovy hoe: ‹Honenana toy ny tanàna tsy mimanda#2,8 Honenana toy ny tanàna tsy mimanda: Tsy hodidinina manda ny tanàna, mora hitarany araka ny habetsahan’ny olona hiditra honina ao aminy. i Jerosalema, fa ho betsaka loatra ny olona sy ny biby ao aminy. 9Ary Izaho, - teny marin’i Iaveh, - no ho manda afo manodidina azy sy hahazo voninahitra eo afovoany.› »
Fiantsoana indroa an’ireo voasesitany
10Avia! Avia#2,10 Avia! Avia! Ny Anjelin’i Iaveh izany no miantso ny Jody tafajanona tany Babilôna sy mamporisika azy hody any amin’ny tanindrazany.! Mandosira avy any amin’ny tany avaratra,
- teny marin’i Iaveh, -
fa naeliko eny amin’ny faravazantany efatra ianareo
- teny marin’i Iaveh. -
11Avia, ry Siôna, vonjeo ny tenanao,
ianao izay monina ao amin’ny zanaka vavin’i Babilôna!
12Fa izao no lazain’i Iavehn’ny tafika:
Ho voninahiny no nanirahany ahy
ho any amin’ny firenena namabo anareo;
satria izay mikasika anareo
mikasika ny anakandriamasony.
13Fa indro Aho manetsika ny tanako eo ambonin’ireny,
ka izy ireo ho tonga remby ho an’ireo manompo azy;
ary ianareo, hahalala fa i Iavehn’ny tafika no naniraka ahy.
14Manaova hobim-pifaliana sy miravoravoa, ry zanaka vavin’i Siôna,
fa indro Aho tamy, ary honina ao afovoanao,
- teny marin’i Iaveh. -
15Amin’izany andro izany#2,15 Amin’izany andro izany, sns. Ny mpanompo sampy hibebaka sy hanompo ny Andriamanitr’i Israely.,
maro ny firenena hiraiki-po amin’i Iaveh,
ka ho vahoakako izy ireo;
ary Izaho honina ao afovoanao,
dia ho fantatrao fa i Iavehn’ny tafika
no naniraka ahy ho aminao.
16I Iaveh hanana an’i Jodà ho anjarany
eo amin’ny tany masina;
ary mbola hifidy an’i Jerosalema Izy.
17Aoka hangina eo anatrehan’i Iaveh ny nofo rehetra,
fa hitsangana avy eo amin’ny fitoeran’ny masina Izy.
Currently Selected:
Zakaria 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.