Akjea 2
2
Ny voninahitry ny Tempoly
1Tamin’ny volana faha-7, andro faha-21n’ny volana#2,1 Tamin’ny volana faha-7, andro faha-21n’ny volana: Andro faha-7 sy farany amin’ny fetin’ny Tabernakla indrindra io andro io (Lev 23,34 sy ny manaraka)., tonga ny tenin’i Iaveh, tamin’ny alalan’i Akjea, mpaminany, nanao hoe: 2Lazao amin’i Zôrôbabela, zanak’i Salatiela, governora any Jodà, sy amin’i Jesosy zanak’i Josedeka, mpisorona lehibe, ary ny vahoaka sisa rehetra, ataovy hoe:
3Iza aminareo sisa velona#2,3 Iza aminareo sisa velona: Efa 77 taona no nandravana ny tempoly taloha, dia tamin’ny taona 588. Koa vitsy dia vitsy ny sisa velona azo natao tsara sy kanto toy ny taloha; noho izany dia kivy mafy tokoa ny Jody maromaro (jereo Esd 2,10 sy ny manaraka). Te hampionona azy Andriamanitra, ka manome toky azy fa homeny voninahitra lehibe mihoatra ny taloha io tempoly io.,
no nahita ity Trano ity tanatin’ny vonihaniny taloha,
sy ahoana no toetra ahitanareo azy ankehitriny?
Tsy toy ny tsinontsinona eo imasonareo va ity?
4Ary ankehitriny matokia, ry Zôrôbabela,
- teny marin’i Iaveh. -
Matokia, ry Jesosy, zanak’i Josedeka, mpisorona lehibe!
Matokia ianareo vahoaka rehetra amin’ny tany,
- teny marin’i Iaveh, - ary miasà!
fa momba anareo Aho, - teny marin’i Iavehn’ny tafika. -
5Mbola eo ihany ny fanekena nataoko taminareo#2,5 Mbola eo ihany ny fanekena taminareo: Jereo Eks 19,5 sy ny manaraka. Natsangan’Andriamanitra ho vahoakany manokana izy ireo.,
fony ianareo nivoaka avy tany Ejipta;
ary mitoetra eo aminareo ny Fanahiko; koa aza matahotra akory.
6Fa izao no lazain’i Iavehn’ny tafika:
Indray mandeha ihany, sady tsy ho ela,
no mba hanozongozonako#2,6 Indray mandeha ihany... no mba hanozongozonako: Toy ny nataony tao ambonin’i Sinaia, tamin’ny nanomezany ny lalàna, didy folo. ny lanitra sy ny tany,
- mbamin’ny ranomasina sy ny tanety.
7Hanozongozona ny firenena rehetra Aho
ka ho tonga ny rakitry ny firenena rehetra#2,7 Ho tonga ny rakitry ny firenena rehetra. Ny Jentily hibebaka sy hanokana ny fananany ho an’ny fanompoana an’i Iaveh. - Ilay irin’ny firenena rehetra, dia ny Mesia, ho tonga sy hiditra amin’ity trano ity, hoy ny Volgata.;
ary hofenoiko voninahitra ity trano ity,
hoy i Iavehn’ny tafika.
8Ahy ny volafotsy, Ahy ny volamena,
- teny marin’i Iavehn’ny tafika. -
9Ho lehibe ny voninahitr’ity trano ity,
ny voninahitra farany hihoatra ny voalohany;
ary eto amin’ity fitoerana ity no hametrahako ny fiadanana,
- teny marin’i Iavehn’ny tafika. -
Filàna hevitra amin’ireo mpisorona
10Tamin’ny andro faha-24n’ny volana fahasivy#2,10 Volana fahasivy: Kasleo (nôvambra-desambra)., taona faharoa, nanjakan’i Dariosa, tonga ny tenin’i Iaveh, tamin’ny alalan’i Akjea, mpaminany, nanao hoe: 11Izao no lazain’i Iavehn’ny tafika: Mangataha amin’ny mpisorona mba hanome valy mahatapaka, manaova hoe: 12Raha misy olona mitondra hena voahasina amin’ny sisin-dambany, ka misy mofo na zavatra nandrahoina, na divay, na diloilo, na zava-pihinana hafa, voakasiny amin’izany sisin-dambany izany, moa ho voahasina va ireo zavatra ireo? Dia namaly ireo mpisorona nanao hoe: Tsia#2,12 Tsia: Jereo Lev 6,20 sy ny manaraka. - Ny hevitr’izany teny izany dia izao: ny voankazo simba tsy mety miova ho tsara amin’ny fampikasihana azy amin’ny voankazo tsara.. - 13Ary hoy i Akjea: Raha olona voaloto amim-paty#2,13 Raha olona voaloto amim-paty: Fahalotoana araka ny lalàna (jereo Lev 22,4; Fanis 19,22). - Ho voaloto izany: ny voankazo simba, manimba ny voankazo rehetra mifampikasika aminy. kosa no mikasika an’izany, ho voaloto va izany? Namaly ny mpisorona nanao hoe: Ho voaloto izany. 14#2,14 Ny vahoaka Jody dia tonga sahala amin’ny olona voaloto amim-paty; ka izay rehetra ataony dia ratsy avokoa. - Dia niteny indray i Akjea nanao hoe:
Toy izany ity vahoaka ity,
toy izany ity firenena ity eo anatrehako, -
- teny marin’i Iaveh; -
toy izany ny asa rehetra ataon’ny tanany;
izay ateriny eo dia maloto.
Fampanantenana fahavokaran’ny tany
15Ary ankehitriny, hevero ny hatramin’izao anio izao no mankany;
dia fony mbola tsy nisy vato nifanongoa,
natao teo amin’ny Tempolin’i Iaveh.
16Tamin’izany, ny nankamin’ny antontam-bary roapolo mifatra,
tsy nahazo afa-tsy folo;
ny nankamin’ny famiazam-boaloboka hanovo dimampolon’ny famarana,
tsy nahazo afa-tsy roapolo.
17Nasiako tamin’ny vary maty fotsy,
sy ny ahi-dratsy aman-kavandra ianareo;
nasiako avokoa ny asan-tananareo;
nefa tsy mbola niverina tamiko ihany ianareo,
- teny marin’i Iaveh. -
18Koa diniho hatramin’izao anio izao no mankany,
ny hatramin’ny andro faha-24n’ny volana fahasivy,
ka hatramin’ny andro nanorenana ny Tempolin’i Iaveh,
diniho!
19Mbola nisy voa famafy va tao an-tsompitra?
Na ny voaloboka aza, na ny aviavy,
na ny ampongabendanitra, na ny ôliva,
tsy misy nahavokatra kely akory;
fa hatramin’izao andro izao kosa, dia hotahìko ianareo.
Fampanantenana ho an’i Zôrôbabela
20Tonga fanindroany tamin’i Akjea ny tenin’i Iaveh, tamin’ny andro faha-24n’ny volana nanao hoe: 21Lazao amin’i Zôrôbabela, governora any Jodà, hoe:
Hampihorohoroiko ny lanitra sy ny tany;
22haongako ny seza fiandrianan’ny fanjakana#2,22 Haongako ny seza fiandrianan’ny fanjakana: Ny fanjakana manohitra an’Andriamanitra no horavany.,
hofoanako ny herin’ny fanjakan’ny firenena;
hazerako ny kalesy fiadiana mbamin’ny mpitaingina azy;
ny soavaly mbamin’ny mpitaingina azy
samy ho lavon’ny sabatry ny namany avy.
23 # 2,23 Fa i Zôrôbabela kosa, hoarovany toy ny zavatra maminy indrindra sy sarobidy indrindra, toy ny fanombohan-kase. Amin’izany andro izany, - teny marin’i Iavehn’ny tafika,
halaiko ianao, ry Zôrôbabela, zanak’i Salatiela,
ry mpanompoko, - teny marin’i Iaveh, -
ka hataoko toy ny fanombohan-kase;
satria efa voafidiko ianao, - teny marin’i Iavehn’ny tafika.
Currently Selected:
Akjea 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.