Takotitaunermik 1
1
Johannesib Nâlekamik takotitauninganik anernikut.
1Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.
2Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.
3Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.
4Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;
5Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,
6Ataningortilutalo ajoᴋertuijungortilaukpâtigut Gûdemut Atâtaminullo: tâmna nertortaule ajugaunerôlunelo issoᴋangitomit issoᴋangitomut. Amen.
7Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.
8Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.
9Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.
10Anernermêtunga Nâlekab uvlungane, tunumnelo nippersoarmik, sorlo tiptulaumik tussartunga,
11Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.
12ᴋeviarpunga tagva, takosaromavlunga nippersoak oᴋâlajok uvamnut nakit pingmangât. ᴋeviaramalo nannergoarvingnik 7 nik goldinik takovunga;
13Nannergoarvîllo tâpkoa 7 it ᴋerᴋanêtomik tautulerpunga inûb erningata adsinganik; tâmna annorârsimajok angijoktamik, ᴋeterusersimavlunelo sakiangmigut ᴋeterumik goldemik.
14Niaᴋoale nujangillo ᴋaᴋortaᴋsôvut saugab imerᴋungititut, aputitut; ijîgiglo ikomatut ikoalajotut-ipuk;
15Itigangillo ᴋakᴋorlertun-iput, aumauksimajotut kiaksaume, nippingalo sorlo imaksuit unuktut nippingititut,
16Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.
17Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,
18Omavlungalo. Toᴋolaukpunga, ahâk, inôvunga issoᴋangitomit issoᴋangitomut, tâᴋtoksoarmullo (anernerit ininganut) oᴋomullo pêruteᴋarpunga.
19Takojatit aglakit, tamattomanelo-itut, kingornganelo neliutuksat;
20Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.
Currently Selected:
Takotitaunermik 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.