Jûdasib 1
1
Uivêriklertut ulloreagijaksauninginik. Okpernerme soᴋᴋosijuerᴋojaunermik.
1Jûdase, Jêsusib Kristûsib kivganga Jakôbusiblo nukanga (aglaᴋpunga) ᴋairᴋojaumajunut, ivjornaititaumajunut Gûdemut Atâtamut, saputijaumajunut Jêsuse Kristûsemut.
2Gûdib angijomik nâpkigilise, ullapᴋoserluselo nagligilisetôᴋ.
3Erdlingnartose, aglagvigigapse piulijauᴋatigêngniptingnik, pijariaᴋarasugivara aglangnut makkonunga kaiblarluse, okperneᴋ ivjornaitunut pititaumajoᴋ serngnigivlugo perᴋovluse.
4Inuit illangit pingitsertorlutik illaungmatta, taipkoa pivlugit sivunivaᴋsoangagut aglaksimavoᴋ, tamattomûna pidlartaujomârmatta; Gûdeᴋaromangitut pivakka, Gûdipta saimarsautâ atornerlukamitsuk kangunartoᴋsoarmut, misiarutigilugolo Nâlegavitôjoᴋ Gûde Nâlegavut Jêsuse Kristûse.
5Erᴋaititsomavapsele, mattominga ᴋaujimagalloartose: Nâlekab inuit piulidlarᴋârlugit Egiptenemit, kingorngagut nungutipait taipkoa okpingitut.
6Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.
7Sôrlotauᴋ Sodoma Gomorralo iglugasaksuillo erᴋânêtut, makkotitunaᴋ ajortulijoᴋsôvlutik, uviningmik assia ikligilugo, maᴋojungnartulidlalauᴋtut, erᴋaraksangortitaungmatta, pidlartauvlutik ikomamut ᴋamisuitomut.
8Taimaigivuttauᴋ sinaktômajut tâpkoa, uviningmingnik ivsornartitsijut, angajoᴋaujunigle nachojut, ataniviksoarniglo mitauteᴋartut.
9Miggailible, Engelit angajoᴋângata, Sâtanase akkerartoramiuk, oᴋautjudlarlugo Môsesib timinga pivlugo, erᴋartorlugo sapperpâ oᴋautsit mitautelît atorlugit, oᴋarporle: Nâlekab pidlarniarlitit!
10Tâpkoale mitauteᴋadlarput ᴋaujimangitamingnik; ingergarmik ᴋaujimajamingnele asserorsârutivut ingmingnik, nergjutitut silatuneᴋangitutitut.
11Kappianamêk tâpkoa! Kainib apᴋotigilauᴋtanga atoramitsuk, Balaamiblo tamârnêrilauᴋtanganut perᴋutiniaromamut katakivut, pikablânermingnelo Kôratut nungutauvut.
12Tâpkoa mamaitoᴋsôjut ᴋuviasuluktut nerreᴋatigigangamise iktôratik nerridlarput; nuvujauvut imeᴋangitut, anoremut ingergartitaujut; napârtôvut palliovlutik paungaᴋangitut, maggoertorlutik toᴋungajut, amângerutjaumajut.
13Imarbiub malliksoangititut idlutik ᴋappoalijokut anitsijutitut kangusûtigijaksamingnik; uvloritjat maungatuinaᴋ pijut, taipkonunga tâᴋtoᴋsoaᴋ ᴋaumaneᴋangimariktoᴋ ᴋumergutauvoᴋ issoᴋangitomut.
14Enogele aglât, Adamemit 7 iojoᴋ, nelautailerivoᴋ tâpkoninga, oᴋarame: Ahâk, Nâlegaᴋ aggerpoᴋ ivjornaitut unuktoksuit tausendeoᴋattartut illagilugit,
15Erᴋartoriartorlugit ilûnaita, Gûdemiglo iperaijomajut tamaita pidlarlugit, piniarningit Gûdemut akkerartortut tamaita pitjutigivlugit, ajortoliksuillo oᴋauseludlalaungningit tâpsominga pitjutigilugit.
16Tâpkoa avamudlarlutik passiklitsainarput, ikligunitik maliklugit arvertarlutik; ᴋaningillo piblingaitunik oᴋâladlarput, adsigêngititsivlutik inungnik, perᴋutiniaromamut.
17Ilipsele, erdlingnartose, oᴋautsit ipkua erᴋarsigik, Nâlegapta Jêsusib Kristûsib Apôstelingita sivorngagut oᴋauserijangit;
18Oᴋarvigingmase, uvlut kingorliksangine mitauteᴋartoᴋaromârmat, ikligunitik maliklugit inôniartunik, Gûde iperarlugo.
19Tâpkoa ingmingnik ingmigôlingatitut uvinituinauvut anerneᴋangitut.
20Ilipsele erdlingnartose, ilipsingnik igloliangotitse okpernipsingnut ivjornainerôjomut, tuksiarluselo Anernikut ajunginikut.
21Gûdiblo naglingninganêtsainaritse, nerriugilugolo Nâlegapta Jêsusib Kristûsib nâpkiningninga inôtsemut nâksaungitomut.
22Adsigêktiniarnagillo, ilangit nâpkiningnermik piniarvigisigik;
23Ilangille sivôrasârdlugit piuliniarsigik, ikomamit nussungniardlugit; ômigilugolo annorâᴋ uviningmut ipeᴋtojoᴋ.
24Tâmnale ilipsingnik sapputsijungnartoᴋ passijaksaunase, pidlaraksaunaselo saᴋᴋertitsijungnartoᴋ ilipsingnik ᴋuviasukluse;
25Gûde tâmna, silatujotôjoᴋ, piulijivut, nertortaunermik pile, opigijaunermiglo, pitsartunermiglo, ajugaᴋanginermiglo, mâna issoᴋangitoᴋsoarmullo! Amen.
Currently Selected:
Jûdasib 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.