III Johannesib 1
1
Gajusib piloringninga oᴋautigijauvoᴋ.
1Angajoᴋaunerôjok Gajusemut naglingnartomut; tâmna nagligijara mikseᴋârnerme.
2Naglingnartotit ômât! ilûnâne inôtsiarᴋovagit atsuilerᴋolutillo, sorlotauᴋ tarnikut ᴋanoenginavit.
3Angijomigle ᴋuviasûteᴋalauᴋpunga, ᴋatangutit tikinamik, mikseᴋârnît oᴋautigingmatsuk, mikseᴋârnerme inôgavit.
4Anginersamik ᴋuviasûteᴋangilanga mattomangat, tussarangama ᴋitorngamnik mikseᴋârnerme inôjunik.
5Naglingnartotit ômât! ᴋatangutigênut tujormianullo iliornît, nertornartomik pivotit.
6Tâpkoa naglingnît oᴋautigilauᴋpât illagênut. Idluartomik pivotit, taᴋoaksaᴋartilaurangne, Gûdib nâmagijanga maliklugo.
7Tâpsoma attinga pivlugo aulalaungmatta, nalojunillo sumiglônêt tigusilaungilat.
8Taimautunik tagva pitsiarniktuksauvogut, ikajorteolerᴋovluat mikseᴋârnermut.
9Illagêt aglagvigilauralloarpakka, Diotrefesible angajoᴋaujomajub tâpkonane, illaliungilâtigut.
10Taimaimat tikikuma, piniarninganik iliorninganiglo erᴋaititsomârpara, oᴋâlagalâdlalarmelo mamaitunik oᴋauteᴋarmat uvaptingnik; taimaituinanginivoᴋ: ᴋatangutit nangmineᴋ illaliungilait, illalioromajulletauᴋ inerterpait, illagêktunillo pingudlarlugit.
11Naglingnartotit ômât! ajorneᴋ malingniarnago pît ajunginerle. Ajungitulijoᴋ Gûdemit pivoᴋ, idluitulijub Gûde takungilâ.
12Demêtriuse (ajungitomik) oᴋautigijauvoᴋ tamainut, mikseᴋârnermullo nangmineᴋ; uvagullotauᴋ kigligiutsigivogut, ilipselo ᴋaujimavose, kigligiutsinivut okpernarmat.
13Unuktunik aglagutiksaᴋaralloartunga; aglagvigijomangilagille aglaumut sullungmullo.
14Nerriukpungale takojomavlutit mânakut, tagva ᴋanikut oᴋaᴋatigêngniarpoguk.
15Ullapirsautib illagilitit! Illanârijapta salutipâtit. Salutikit illanârijavut, atingit taivlugit.
Currently Selected:
III Johannesib 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.