II Johannesib 1
1
Arnaᴋ okpertoᴋ ᴋitorngangillo pilorerᴋojauvut.
1Angajoᴋaunerôjok arnamut Kîriamut anerimajomut ᴋitornganginullo, tâpkoa nagligijakka mikseᴋârnerme; kissimalo pinanga, ilûnatigletauᴋ mikseᴋârnermik illitarsimajut,
2Mikseᴋârneᴋ iluptingnêtsainartoᴋ issoᴋangitomullo uvaptingnêtsainaromârtoᴋ pivlugo.
3Gûdib Atâtab Nâlekablo Jêsusib Kristusib, Atâtab erningata saimarsautiminut, nâpkiningnerminullo, ullapirsautiminullo illagilisetôᴋ, mikseᴋârnermelo naglingnermelo.
4Kuviasukpunga angijomik ᴋitorngavit akorngane mikseᴋârnerme arvertartunik nagvâlaurama, sorlo Atâtamut perᴋojamik tunitjiviogapta.
5Mânalo ᴋenuvigivagit, arnaᴋ, (perᴋojamik nutâmik sorlo aglagvigingilagit, pigiarninganille pigijaptingnik) nagliktigêktuksaugapta.
6Tamadjalo naglingneᴋ, inôgapta perᴋojanga maliklugo. Tamadja perᴋojaᴋ, tussaumajase pigiarninganit, inôniarᴋovluse tâpsomane.
7Tamartitsijut unnuktut silaᴋsoarmut pingmatta, Jêsuse Kristusemik uvinikut tikitomik kigligiutsingitut. Taimaitoᴋ tamartitsijôvoᴋ Antikristuseovlunelo.
8Udjertortoritse senamaniptingnik tamailerᴋonata, illangertaulungitomigle akkiksarserᴋovluta.
9Tapatojoᴋ Kristusiblo ajoᴋertûsinganêtsungnairlune, tâmna Gûdeᴋangilaᴋ; Kristusib ajoᴋertûsinganêtsainartoᴋ, tâmna Atâtamiglo Ernermiglo tamangnik peᴋarpoᴋ.
10Ilipsingnut tikitoᴋarpat mattominga ajoᴋertuselijarlungitomik, tâmna iglupsingne illaliorniarasiuk, salutinagolo.
11Taipsominga salutitsijub taipsoma idluituliningit illangiubvigingmagit.
12Unuktunik aglagutiksaᴋaralloartunga ilipsingnut, aglangnulle aglaumullo pijomananga: neriukamale tikitsomavluse ᴋanikut oᴋarvigiluse, ᴋuviasungnivut nâmakserᴋovlugo.
13Katangutivît (arnab) anerimajub ᴋitorngangita salutipâtit. Amen.
Currently Selected:
II Johannesib 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.