Ezekiyele 1
1
CIMONA CAKULIVANGA CA NJAMBI KULI EZEKIYELE
(1:1—7:27)
Litanda lya Njambi
1 #
Kuj 19:11
A litangwa lyamucitanu ku ngonde yamuciwana#1:1 NGONDE YAMUCIWANA: Amo ngonde ya Kondamema mu 593 BC. ku mwaka wamumakumi atatu,#1:1 MWAKA WAMUMAKUMI ATATU: Naumo wai azivuka mwaka ou. yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi. 2#2 Vim 24:10-16; 2 Miz 36:9-10 (Wapwile mwaka wamucitanu tunde aje Mwene Yehoyakine wa mu Yunda vamutwalele mu vunzinda.) 3Kuje vene ku Mbambilone ku ngenge ya Ndonga ya Kevale, njazivile Shukulu Kalunga alinakwendeka kuli yange, co nzili yendi yezile ali yange.
4Njakengele mwilu, co njamwene lihunzi lyakama lilinakwizilila ku kunto. Co muhyato wakele nakuhyahyata mu lishelwa lyakama, na lilu lije lyalizengelekele lyakele nakuvyazima. Kwakele muhyato wakele nakuhyahyata, co cuma cimo cafwile ngwe vunengu cavyazimine. 5#Kuj 4:6 Mukati kalije lihunzi lyakama, njamwene vimo vyakufwa ngwe vikashama vawana vakuyoya vakufwa ngwe vanu. 6Oloni umo na umo wavo wakele na vihanga viwana na mambava awana lalo. 7Mendi avo apwile akushungama zuu, oloni akele na mapondo akulifwa ngwe a ngombe wa nkomba, vavyazimine ngwe vunengu vwakukwita mufwitilo. 8Kuwezelela ku vihanga vyavo viwana, na mambava avo awana, voshe umo na umo wakele na mavoko awana a vunu, limo na limo lyakele mwisi ya limbava. 9Vikashama ava vawana valikengesele vinima vemanene ngeci vishongo vya mambava avo vyalinungasanene. Omo vendele kuvakele nakutenguluka-tenguluka, oloni vendele amolika ku mitambela yoshe kutenguluka mivila yavo.
10 #
Ezek 10:14; Kuj 4:7 Cikashama umo na umo wakele na vihanga viwana vya kulifwa, cihanga ca munu kulutwe, ku cilyo kwakele cihanga ca ndumba, ku cimoshwe kwakele cihanga ca ngombe wa nkomba, kunima kwakele cihanga ca ngonga. 11Mambava avali#1:11 MAMBAVA AVALI: Mu ciHevelu ngwavo, vihanga vyavo, nambe, mambava avo. a cikashama umo na umo apwile akujanjavala, co alikwatele ku mambava a cikashama wakwatako, mambava akwavo avali a cikashama umo na umo afwikile a mivila yavo. 12Cikashama umo na umo wakengele mu mitambela yoshe iwana, co voshe muvuwana vwavo vasele kuya kwoshe-ikwoshe kuvashaka, kujeneka kutenguluka mivila yavo.
13Mukati ka vaje vikashama mwakele cuma cimo cakulifwa ngwe mutetango, uje wakele nakwenda-enda. Tuhya twakele nakushukuma, nakwezoka milangi ya vishashe. 14Vaje vikashama vakele nakwendangana oku noku lumbisi ngwe muhyato.
15 #
Ezek 10:9-13
Omo njakele nakukenga vaje vikashama vawana, co njamwene mavalo awana anakwata mu livu, livalo limo na limo ku mutambela umo na umo wa vikashama. 16Mavalo oshe awana afwile mumolika, co limo na limo lyavyazimine ngwe limanya lya seo yakama, co mu livalo limo na limo mwakele livalo likwavo lyakovelele mukati kalyo, 17ngeci mavalo ase kwenda kuya ku mitambela yoshe iwana kujeneka kutenguluka. 18#Kuj 4:8 Co mavalo awana akele na mesho kwoshe-ikoshe. 19Oshe aje avendela vaje vikashama, na mavalo endele amolika navo, nga vaje vikashama vapulula kutunda asi, co na mavalo lalo avakava. 20Vaje vikashama vaile kwoshe kuvashakele, co mavalo alingile ngwe muvalinga vikashama, omwo akele nakwenda ku cizango ca vikashama. 21Ngecivene, a simbu na simbu omo vikashama vendele, nambe kwimana, nambe kukatuka nakupulula, co na aje mavalo alingile vyoshe vije vivakele nakulinga vikashama.
22 #
Kuj 4:6
Akamwa ya mitwe ya vaje vikashama, akele cuma cimo cije cafwile ngwe mushongwa wa muvundungulu wa limanya lyakuvyazima. 23Co mwisi ya uje mushongwa mwemanene vaje vikashama, umo na umo wajangumwine mambava endi avali kulutwe lwa cikashama wakwatako, nakufwika muvila wendi na aje mambava akwavo avali. 24#Kuj 1:15; 19:6 Njazivile muyoyo wa mambava avo omo vapululwile, wafwile ngwe kucuma kwa mema a kalunga, ngwe muyoyo wa mbunga ya mashwalale yakama, ngwe lijwi lya Njambi Muka-nzili yoshe. Omo valikelele kupulula, co vetekele mambava avo, 25oloni anga kwacikele lalo muyoyo akamwa ya mushongwa uje wakele akamwa ya mitwe yavo.
26 #
Ezek 10:1; Kuj 4:2-3 Akamwa ya mushongwa, akele cuma cimo cafwile ngwe litanda lije valingile na limanya lya Safile,#1:26 SAFILE: Limanya lya seo lya mufwitilo wakuzivuluka. co uje watumbamene a litanda wafwile ngwe munu. 27#Ezek 8:2 Cifwa ca uje watumbamene a litanda cafwile cakuvyazima ngwe vunengu vuje vuli mukati ka tuhya. Cavyazimine kwoshe nakuhyahyata, 28co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.
Currently Selected:
Ezekiyele 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006