Ezekiyele Cizivukiso
Cizivukiso
Ezekiyele muka-kwimanena wakele mu vunzinda mu Mbambilone a simbu ije omo kanda Yelusalema iwe nambe te inau laja mu 586 BC (Omo Simbu kanda Yesu Asemuke). Ezekiyele wambulwile majwi endi ku vinzinda mu Mbambilone na kuli vanu va mu Yelusalema. Livulu lya Ezekiyele lili mu mitambela yakama itanu na umo. (1) Njambi asana Ezekiyele kupwa muka-kwimanena. (2) Kunangula vanu kusompa kwa Njambi ali vakevo naa kuwa na akunyonga kwa Yelusalema. (3) Majwi akutunda kuli Shukulu Kalunga akusompa kwendi a miyati ya vanu vakuliseza-seza vaje vayandesele vanu vendi nakuvongumwisa. (4) Kuzembeleka kwa vaIsalele munima yakuwa kwa Yelusalema na cikulaeso cacivwa ca kulutwe. (5) Vuka-kwimanena vwakulwisa Ngonge. (6) Viyongola vya Ezekiyele vyakwindula Njuvo ya Shukulu Kalunga na miyati.
Ezekiyele wapwile munu muka-kukulaela manene nakuyongola manene lalo. Viyongola vyavingi vyasholokele mu cifwa ca vimona, co majwi endi amangi apwile a vimweso vyakulinga mwamuvwa. Ezekiyele wendekele manene akulijelesa mukati ka mbunge na mu munzinzime, co kanapu kapandi ka munu na munu a vuvi vwendi vavenya. Co wambulwile lalo cinyangavili cendi a vuyoye vwakulijelesa kwa muyati wa vanu. Akupwa muka-kukombelela, co lalo muka-kwimanena, Ezekiyele wakele na mbwase a Njuvo ya Shukulu Kalunga naa akujela.
Kulumbununa vyuma vili mu livulu
Ezekiyele vamusana 1:1–3:27
Majwi a luvinda a Yelusalema 4:1–24:27
Kusompa kwa Njambi a vaka-mafuti 25:1–32:32
Cikulaeso ca Njambi kuli vanu vendi 33:1–37:28
Vuka-kwimanena vwakulwisa Ngonge 38:1–39:29
Cimona ca Njuvo ya Shukulu Kalunga ya kulutwe na lifuti 40:1–48:35
Currently Selected:
Ezekiyele Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006