Ezekiyele 2
2
Njambi asana Ezekiyele kupwa muka-kwimanena
Omo njamwene cuma eci, co njawililile asi na cihanga cange cakwatele mu livu. Asinoni njazivile 1lijwi lyendekele ngwalyo, “Muna munu,#2:1 MUNA MUNU: Majwi awa vanawapangesa manene muno mu livulu lya Ezekiyele omo Shukulu Kalunga endeka cintulu na Ezekiyele. Alumbunuka ngeci Ezekiyele napu munu uje asa kutsa, nameme ngoco ikeye yanaangula Shukulu Kalunga kupwa muka-kwimanena wendi mukumwendekelako kuli vanu vendi va Isalele. katuka. Njishaka kwendeka kuli yove.” 2Omo lijwi lyacikele nakwendeka, co Munzinzime wa Njambi wakovelele muli yange, nakunjimika, co lijwi lyatwaleleo ngwalyo, 3“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo. 4Vanakaluwisa vimbunge vyavo, co kuvesi nakunjisingimika, ngecivene, njilinakukutuma ukavaleke vije yange Kalunga wa Akamwa ya Vyoshe njendeka kuli vakevo. 5Nambe vaje vaka-kunjitengulukila vakakutolilila nambe kuvakakutolilila, oloni vakazivuka ngwavo muka-kwimanena ali akati kavo.
6“Oloni yove, muna munu, kuwapandele kuvazivila lyova nambe kuziva lyova lya vije vendeka. Vakevo vakakuleulula nakukuyeluwisa, cikapwa ngwe ulinakukala akati ka manyewe. Nameme ngoco, kesi ukazive lyova lya vaje vaka-kunjitengulukila nambe kuziva lyova lya vije vendeka. 7Ukavaleka vyoshe vinjikuleka ngeci ukavyendeke, nambe vakakutolilila nambe kuvakakutolilila. Anuka ngeci vakevo vapwa vaka-kutengulukila.
8“Muna munu, tolilila vinjikuleka. Kesi upwe muka-kutengulukila ngwe vakevo embwe. Ishama kanwa kove ulye evi vinjikwana.” 9#Kuj 5:1 Njamwene livoko lyakwolola liija kuli yange, lyakwatele livulu lyakuzenga. 10Co livoko lije njamwene lyazengunwine lije livulu lyakuzenga, co njamwene visoneka ku mitambela yoshe ya livulu mukati na anja, vasonekeleo majwi akulila nakulinyenga, nakukemanga na vusiwa.
Currently Selected:
Ezekiyele 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006