Salāmo 3
3
E lē Afaina ē ‘ua Leoleoina e le ALI‘I
O le salāmo a Tavita ‘ina o sola o ia i luma o lona atali‘i o Apisaloma
1Le ALI‘I e,#1 Samu 15.12
‘ua matuā fa‘ato‘ateleina ē ‘ua sauā mai ‘iā te a‘u!
E to‘atele ē ‘ua laga mai ‘iā te a‘u.
2E to‘atele o ē fai ane ‘iā te a‘u,
“E lē fa‘aolaina lava o ia e le Atua.” Selā.
3A o oe, le ALI‘I e, ‘ua fai oe mo‘u talitā;#Kene 15.1; Sala 27.6; 28.7; 119.114
o lo‘u mamalu fo‘i ma lē fa‘aeaina lo‘u ulu.
4Na ‘ou vala‘au i le ALI‘I i lo‘u leo;
‘ua fa‘afofoga mai fo‘i o ia ‘iā te a‘u mai lona mauga pa‘ia. Selā.
5Na ‘ou ta‘oto lava a‘u ma ‘ou moe;#Sala 4.8; Fa‘ata 3.24
na ‘ou ala auā ‘ua lagolagoina mai le ALI‘I ‘iā te a‘u.
6‘Ou te lē fefe i manomānō o tagata,
o ē si‘osi‘o mai ‘iā te a‘u.
7Le ALI‘I e,#Sala 10.12; 58.6
‘ia e tula‘i mai;
lo‘u Atua e, ‘ia e fa‘aola mai ‘iā te a‘u;
auā ‘ua e taia ‘auvae o i latou uma o ē ita mai ‘iā te a‘u;
‘ua e tu‘imomomoina nifo o ē amio leaga.
8O lo‘o i le ALI‘I le fa‘aolataga;#Sala 37.39; Fa‘ata 21.31; Iere 3.23; Iona 2.9
o lo‘o i luga o ou tagata lou manuia. Selā.
Currently Selected:
Salāmo 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.