Salāmo 4
4
O le Tatalo a Tavita i le ALI‘I na te Fa‘afofoga mai ‘iā te Ia
Ma le usu pese i nekina. O le salāmo a Tavita
1Le Atua e,#Iere 23.6
lē ‘ou te amiotonu ai,
‘ia e tali mai i la‘u vala‘au atu;
‘ua e lavea‘iina a‘u nai le puapuagā;
‘ia e alofa mai ‘iā te a‘u ma fa‘afofoga mai i la‘u tatalo.
2O ‘outou le fānau a tagata,
tou te faia ma luma lo‘u mamalu se‘ia afea?
Tou te loto ‘ea i le mea fa‘atauva‘a?
Tou te sā‘ili ‘ea i le pepelo? Selā.
3‘Ia ‘outou iloa ‘ua fa‘ailogaina e le ALI‘I le tagata amio Atua mo ia;#Eso 33.16
e fa‘afofoga mai le ALI‘I i la‘u vala‘au atu ‘iā te ia.
4‘Ia ‘outou tetemū, ‘aua ne‘i agasala;#Efe 4.26; Sala 77.6
‘ia ‘outou mānatunatu ifo i o ‘outou loto i luga i o ‘outou moega,
ma ‘ia ‘outou fīfīlemū. Selā.
5‘Inā fai taulaga ia i taulaga tatau,#Teu 33.19; Sala 37.3; 51.19
ma ‘ia ‘outou fa‘alagolago i le ALI‘I.
6E to‘atele ‘ua fai mai,
“O ai ‘ea se fa‘ailoa mai se mea lelei ‘iā te i matou?”
Le ALI‘I e, ‘ia e fa‘asaga mai ‘iā te i matou le malamalama o ou fofoga.
7E tele le fiafia ‘ua e tu‘u i lo‘u loto,#Isai 9.3
‘ae itiiti lo latou i ona po ‘ua fa‘ateleina ai a latou saito
ma a latou uaina.
8‘Ou te ta‘oto ma ‘ou moe filemū;#Levi 25.18-19; Sala 3.5
auā o oe le ALI‘I e,
na o oe lava, ‘ua ‘ou nofo ai ma le filemū.
Currently Selected:
Salāmo 4: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.