Salāmo 2
2
O le Valo‘aga i le Mālō o le Mesia
1Se a le mea ‘ua fa‘anunununu ai nu‘u ‘ese,#Galu 4.25-26
ma mafaufau ai nu‘u i le mea e lē aogā?
2‘Ua tutū mai tupu o le lalolagi,#Sala 18.50; 45.7; 89.20
‘ua pulega fa‘atasi fo‘i ali‘i,
e tete‘e atu i le ALI‘I ma lē na ia fa‘au‘uina,
3“Se‘i tatou motusi ‘ese a lā‘ua noataga,
ma lafoa‘i‘eseina a lā‘ua maea ‘iā te i tatou.”
4E soisoi lē o afio i le lagi;#Sala 11.4; 37.13; Fa‘ata 1.26
e tauemu le ALI‘I ‘iā te i latou.
5‘Ona fetalai atu ai lea o ia ‘iā te i latou i lona to‘asā,
na te fa‘aatuatuvaleina fo‘i i latou i lona to‘asā tele.
6“A o a‘u, ‘ua ‘ou fa‘au‘uina la‘u Tupu,#Sala 3.4; 15.1; 43.3; 99.9
i luga o Siona lo‘u mauga pa‘ia.”
7‘Ou te ta‘uina atu le tulafono;#Galu 13.33; Epe 1.5; 5.5
‘ua fetalai mai le ALI‘I ‘iā te a‘u,
“O lo‘u Atali‘i oe,
o le aso nei ‘ua ‘ou fānauina ai oe.
8‘Ia e fai mai ‘iā te a‘u,
‘ona ‘ou foa‘iina atu ai lea ‘iā te oe o nu‘u ‘ese e fai mou tofi,
ma tulu‘iga o le lalolagi e fai mou.
9‘E te fasi gaugauina i latou i le to‘oto‘o u‘amea;#Fa‘aa 2.26-27; 12.5; 19.15; Isai 30.14
e pei o le ipu a le fai ipu ‘omea ‘e te nutilili‘i ‘iā te i latou.”
10O lenei, ‘outou tupu e,
‘ia ‘outou atamamai;
‘ia a‘oa‘oina fo‘i ‘outou fa‘amasino o le lalolagi.
11‘Ia ‘au‘auna i le ALI‘I ma le mata‘u,#Epe 12.28
‘ia fiafia fo‘i ma le gatete.
12‘Inā sogi ia i ona vae ne‘i to‘asā mai o ia,#Sala 34.8; 84.12; Iere 17.7
ma ‘outou fano ai i le ala;
auā e fa‘afuase‘i ‘ona tupu o lona to‘asā.
‘Amu‘ia i latou uma o ē fa‘atuatua ‘iā te ia.
Currently Selected:
Salāmo 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.