Failauga 3
3
O le Taimi ma mea e Tutupu Ai
1O le mea ma lona tausaga i mea uma ma ona lava po i mea uma lava i lalo o le lagi.#Fai 8.6
2O ona po e fānau mai ai ma ona po e oti ai,#Iopu 14.5; Epe 9.27
o ona po e totō ai ma ona po e lia‘i ai le mea ‘ua totōina,
3o ona po e fasioti ai ma ona po e fofō ai,
o ona po e lepeti ai ma ona po e ati a‘e ai.
4O ona po e tagi ai ma ona po e ‘ata‘ata ai,#Eso 15.20; 2 Samu 6.16; Roma 12.15
o ona po e taufaitagitu‘i ai ma ona po e sa‘asa‘a ai,
5o ona po e lafoa‘i ai ma‘a ma ona po e fa‘apotopoto ai ma‘a,#2 Tu 3.25; Isai 5.2; Ioe 2.16
o ona po e feasogi ai ma ona po e lē feasogi ai.
6O ona po e sā‘ili ai ma ona po e tu‘u ai ‘ua lē iloa,
o ona po e tausi ai ma ona po e lafoa‘i ai,
7o ona po e saei ai ma ona po e su‘i ai,
o ona po e fa‘alologo ai ma ona po e tautala ai.
8O ona po e alofa ai ma ona po e ‘ino‘ino ai,#Luka 14.26
o ona po o le tau‘a ma ona po o le nofo lelei.
9Se a le mea ‘ua maua e lē faigaluega i le mea e galue ai o ia?#Fai 1.13 10‘Ua ‘ou iloa le galuega ‘ua tu‘uina mai e le Atua i tagata, latou te tigā ai.#Fai 1.13 11‘Ua faia e ia mea uma lava e matagofie i o latou lava tausaga; ‘ua tu‘uina fo‘i e ia le manatu i le lalolagi i o latou loto; ‘ae lē mailoa e le tagata le galuega ‘ua faia e le Atua mai le amataga e o‘o i le gata‘aga.#Kene 1.31; Fai 8.17; Roma 11.33 12‘Ua ‘ou iloa e leai se mea lelei ‘iā te i latou, na ‘ona ia ‘oli‘oli le tagata ma ‘ia fai mea lelei i lona olaga nei. 13I le ma lea, ‘ia ta‘itasi le tagata ma ‘ai ma inu ma fiafia i mea lelei i ana galuega uma; o le mea foa‘iina mai lea e le Atua.
14‘Ua ‘ou iloa, o mea uma e faia e le Atua e fa‘avavau ia, e lē mafai ‘ona fa‘aopoopo i ai o se mea, e lē mafai fo‘i ‘ona ‘ave ‘ese i ai o se mea; ‘ua faia fo‘i e le Atua ‘ina ‘ia matata‘u tagata i ona luma.#Iako 1.17 15O le mea sa i ai anamua, ‘ua i ai nei lea; o le mea fo‘i o le a i ai i se aso, o le mea lea sa i ai anamua; e su‘esu‘e fo‘i e le Atua le mea ‘ua mavae.#Fai 1.9
O le Faimealetonu i le Lalolagi
16‘Ua ‘ou toe iloa fo‘i i lalo o le lā le mea e fa‘amasino ai, ‘ua i ai le amio leaga ma le mea e amiotonu ai, ‘ua i ai le amio leaga.#Fai 4.1; 5.8 17‘Ona ‘ou fa‘apea ifo lea i lo‘u loto: E fa‘amasinoina e le Atua lē ‘ua amiotonu ‘atoa ma lē ‘ua amio leaga; auā e ta‘itasi ma ona lava po i mea uma ma galuega uma i lea mea.#Fai 3.1; Mata 16.27; Roma 2.6; 2 Kori 5.10 18‘Ua ‘ou fa‘apea ifo i lo‘u loto i le tu o tagata: E tofotofo le Atua ‘iā te i latou, ‘ina ‘ia iloa e i latou e tusa i latou ma manu. 19Auā o le mea e o‘o i tagata e o‘o fo‘i lea i manu; e tasi lava le mea e o‘o ‘iā te i latou; e pei ‘ona oti o le tasi, e fa‘apea fo‘i ona mate o le tasi; e tasi lava le mānava ‘iā te i latou uma; e leai lava se mea e sili ai le tagata i le manu; auā e fa‘atauva‘a uma lava.#Sala 49.12 20E o‘o uma lava i le mea e tasi; e mai le efuefu uma lava, e toe fo‘i atu fo‘i uma lava i le efuefu. 21O ai sē na te iloa le agaga o le tagata e alu a‘e i lugā? po o le agaga o le manu e alu ifo i lalo i le ‘ele‘ele? 22‘Ona ‘ou iloa lea ‘ua leai se mea e sili ‘ona lelei i le tagata, na ‘ona ia ‘oli‘oli o ia i ana lava galuega; auā o lona tofi lea; auā o ai ‘ea sē na te fa‘afo‘i mai ‘iā te ia ‘ina ‘ia iloa le mea o le a tupu pe a mavae atu o ia?#Fai 2.10; 10.14
Currently Selected:
Failauga 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.