Failauga 4
4
O le Sauā ma Amio ‘Ese‘ese
1‘Ona ‘ou toe mānatunatu lea i sauāga uma ‘ua faia i lalo o le lā; fa‘auta fo‘i i loimata o ē ‘ua sauāina, ‘ua leai fo‘i sē na te fa‘amafanafanaina i latou; ‘ua lima malosi fo‘i o ē na sauā ‘iā te i latou; a ‘ua leai sē na te fa‘amafanafanaina i latou.#Fai 3.16; Paru 1.2 2‘Ona ‘ou fa‘amanuia ai lea i ē ‘ua oti, ē ‘ua oti anamua, e sili i ē ola, o i latou o ē ola mai nei.#Iopu 3.17 3‘Ae sili ‘ona manuia ‘iā te i lā‘ua o lē ‘ua lē fānau mai, o lē ‘ua lē iloa le galuega leaga ‘ua faia i lalo o le lā.#Iopu 3.16; Fai 6.3
4‘Ona ‘ou mānatunatu lea i galuega tigā uma ma galuega manuia uma; a ‘ua matauaina le tagata ‘ona o lea mea e lē la te tuā‘oi o le mea fa‘atauva‘a fo‘i lea ma le ‘ai i le matagi.
5E pi‘ilima le vale,
e ‘ai fo‘i e ia lona tino.#Fa‘ata 6.10
6E sili ‘ona lelei o se lu‘utaga e tasi ma le filemū,
i lu‘utaga e lua ma le tigā ma le ‘ai i le matagi.
7‘Ona ‘ou toe mānatunatu lea i mea fa‘atauva‘a i lalo o le lā. 8O lo‘o i ai le tasi tagata ‘ua leai sē la te to‘alua; e leai fo‘i sona atali‘i, po o se uso; a ‘ua leai se i‘uga i lana galuega uma, e le malie fo‘i ona mata i va‘ai i le ‘oloa; ‘ae lē fa‘apea o ia, “‘Ou te galue ‘ea mo ai” ma “‘Ou fa‘amativa ai ‘iā te a‘u i mea lelei?” O le mea fa‘atauva‘a fo‘i lea, o le mea leaga lava.#Fa‘ata 27.20; Fai 1.8; 2.18
O le Tāua o Faigāuō
9E sili ‘ona lelei o le to‘alua i le to‘atasi; auā ‘ua ‘iā te i lā‘ua le taui lelei i la la galuega. 10Auā ‘āfai e pa‘ū le tasi e fa‘atūina o ia i luga e lē la te to‘alua; ‘oi talofa fo‘i i lē ‘ua to‘atasi pe a pa‘ū, auā e leai sē la te to‘alua e fa‘atū ‘iā te ia i luga. 11‘Āfai fo‘i e ta‘o‘oto fa‘atasi le to‘alua, e mafanafana ai i lā‘ua; ‘ae fa‘apefea ona mafanafana o lē ‘ua to‘atasi? 12‘Āfai fo‘i e fa‘amanumālō mai se tasi i so lā‘ua, e tete‘eina atu o ia e lē to‘alua; o le maea fo‘i e sautuatolu e lē vave motusia.
13E sili ‘ona lelei o le tama e mativa ‘ae poto, i le tupu e toeaina ‘ae valea ma le lē toe fia a‘oa‘oina.#Fai 9.15-16; 12.12 14Auā e sau o ia nai le fale puipui e fai ma tupu; auā fo‘i o lē ‘ua fānau mai i lona mālō e mativa ia.#Kene 41.4, 41-43 15Na ‘ou iloa o ē ola uma lava, o ē sāvavali i lalo o le lā, e fa‘atasi ma le tama e aupito ane, o le a fai mōna sui. 16E lē masino le vao tagata uma, o i latou uma na fai o ia mo latou ta‘ita‘i; o ē mulimuli mai fo‘i latou te lē fiafia ‘iā te ia. O le mea fa‘atauva‘a fo‘i lea ma le ‘ai i le matagi.
Currently Selected:
Failauga 4: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.