Liera 11
11
Eena kaun em verut nich sajen
1Lot dien Broot oppem Wota foaren,
dan woascht du daut met de Tiet finjen.
2Jeff een Poat no säwen ooda acht;
du weetst nich, waut von Trubbel oppe Ieed komen woat.
3Wan de Wolkjen voll sent,
dan räajent daut oppem Launt.
Auf nom Nuaden ooda Sieden,
wua een Boom hanfelt,
doa blift dee ligjen.
4Wäa too sea nom Wada oppaust,
woat nich toom seien komen;
un wäa bloos no de Wolkjen kjikjt,
woat nich siene Arnt nenbrinjen.
5Soo aus eena nich weet, waut de Wint doonen woat,
ooda woo sikj daut met daut niee Läwen em Muttalief romnemt,
soo vesteit eena nich Gott siene Wäaj,
ooda aules, waut hee deit.
#
Psa 139,13; Liera 8,17; Joh 3,8 6Fang zemorjes aun to seien,
un hia nich opp ea daut Owent es;
du weetst nich, waut to waut goodet kjemt,
auf dit ooda daut, ooda beides.
Frei die, oba hool em Denkj
7Wan daut dach woat, läft eena opp,
eena freit sikj to dän Sonnenschien.
8Wan een Mensch väl Joaren läft,
sull hee sikj to dee aula freien;
oba hee mott daut em Denkj hoolen,
daut de diestra Dach lank es;
waut noch aules kjemt, kjenn wie nich vestonen.
9Mensch, frei die to diene Jugentjoaren,
lot die dee von Hoaten scheen gonen;
besee die daut Läwen un denkj doa goot äwa no,
woonen Wajch du gonen west;
un denkj emma doaraun: Doano aus du läfst,
woat Gott die em Jerecht behaundlen.
#
Liera 2,24
10Lot die nich dän Moot vedoawen,
un schoon dienen Kjarpa von Schoden;
wiels en de Jugentjoaren, de Tiet wan wie naunwaussen,
sent doa väle Sachen, dee wie nich vestonen.
Currently Selected:
Liera 11: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.