Liera 10
10
1Doodje Flieejen vedoawen de Saulw, un moaken dee stinkjen;
un krakjt soo kaun een beskje Dommheit väl wajchnämen von Weisheit un Iea.
2Een weisa Mensch recht sikj no daut waut goot es;
oba de Schosel vejeit sikj.
3Soogoa wan de Schosel oppe Gaus jeit, es daut to seenen, daut hee weinich weet,
un hee lat aulem daut weeten, daut hee een Schosel es.
4Wan dee, wäa doa rejieet, äwa die doll woat, dan velot diene Städ nich;
wäa sikj ruich vehelt, kaun een grootet omhäagonen stellen.
5Ekj hab soont oppe Ieed jeseenen, waut werkjlich schlajcht es, un daut kjemt von eenen Leida sienen Fäla: 6Een Schosel woat huach aunjestalt, un de rikje komen opp eene prostre Städ to setten.
7Ekj hab jeseenen, daut een Kjnajcht opp een Pieet sett,
un een Volkjsleida tofoot jeit, aus een Kjnajcht.
8Wäa een Loch groft, kaun doa selfst nenfaulen,
un wäa eene Mia opritt, kaun von eene Schlang jebäten woaren.
#
Spr 26,27
9Wäa Steena groft, kaun sikj doabie steeten;
un wäa Holt hakt, kaun doabie en Jefoa sennen.
10Wan eene Akjs stomp woat un nich jeschoapt woat,
mott eena mea Krauft brucken;
oba Weisheit halpt eenem de Oabeit foadich to moaken.
11Wan eene Schlang bitt, ea de Maun dee bezeibren kaun,
dan halpen de jleie Wieed nuscht.
#
Psa 58,5-6
12Waut de weisa Mensch sajcht, brinjt am Aunerkjanunk;
oba de Schosel vedoaft sikj selfst met siene Räd.
13Daut ieeschte, waut hee sajcht, es Dommheit;
un waut hee tolatst sajcht es schoslich un schlajcht.
14Een Schosel kaun väl räden;
oba kjeen Mensch weet, waut noch woaren woat,
un wäa kaun sajen, waut noch kjemt.
#
Liera 5,2; 8,7 15De Schosel moakt sikj soo meed met räden,
daut hee nich weet, woo de Wajch ver am enne Staut nenn jeit.
16Woo saul daut met daut Launt, wua de Kjennich nich utjewossen es,
un de aunjestalde aul zemorjes eenen vollen Desch loten oppsaten.
#
Jes 3,4; 5,11 17Daut es een jlekjeljet Launt, wan de Kjennich sikj weet,
un de Volkjsleidasch to eene natieedelje Tiet goot äten,
soo aus sikj daut jehieet, un nich toom bedrinkjen.
18Wäa nich bie de Sach es, däm faulen de Baulkjes en,
un wäa too ful es, däm lakjt daut derch daut Dak.
19Goot äten es eene Freid,
un Wien moakt däm Mensch lostich;
doch beides brukt Jelt.
#
Psa 104,15
20Erlaub die nich emol schlajchte Jedanken äwa däm Kjennich,
un saj nuscht schlajchtet äwa de rikje en diene Bennastow;
de Väajel enne Loft woaren diene Wieed wieda droagen,
un de Kjniepasch met Flichten woaren daut vetalen.
Currently Selected:
Liera 10: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.