JONAS 3
3
Jonasek Niniven mezua aldarrikatu. Ninivetarren konbertsioa
1Honela hitz egin zion berriro Jaunak Jonasi:#berriro hitz egin 1,1. 2«Ea, zoaz Ninivera, hiri handi horretara, eta aldarrikatu bertan eman dizudan mezua».#Ninive 1,2+.
3Ninivera joan zen Jonas, Jaunak agindu bezala. Ninive hiria izugarri handia zen; hiru egun behar ziren alde batetik bestera zeharkatzeko. 4Sartu zen Jonas hirian barrena eta egun osoan ibili zen mezu hau aldarrikatuz: «Berrogei egun barru erraustua izango da Ninive».#Berrogei egun Ir 24,18; Zen 13,25; Dt 9,18; 1 Erg 19,8; Mt 4,2; Eg 1,3.
5Ninivetarrek sinetsi egin zioten Jainkoari. Hala, baraualdi bat egitea erabaki zuten eta dolu-jantziz estali ziren, zahar eta gazte.#baraualdia Jr 36,9; Jl 1,14+; Est 4,16. dolu-jantziz estali Sal 35,13; Est 4,1. ninivetarren konbertsioa Mt 12,41; Lk 11,30.32.
6Niniveko erregea, gertatzen zenaren berri jakin zuenean, tronutik jaiki, errege-jantziak kendu eta, dolu-jantziz estalirik, errautsetan eseri zen.#3,6 Tx.ean aipatuak nahigabea, dolua eta penitentzia adierazten dituzten zeinuak dira.#errege-jantziak kendu Ez 26,16. dolu-jantzia, errautsa, otoitza Ez 27,30-39; Jdt 4,10-12. 7Gero, hau aldarrikarazi zuen hirian: «Erregearen eta beronen gobernarien aginduz, gizaki eta abere, behi eta ardi, inork ez beza ezertxo ere dasta, ez bitez larra, ez bezate edan; 8gizaki eta abere, estal bitez dolu-jantziz; egin biezaiote dei Jainkoari gartsuki; utz bitzate denek beren jokabide gaiztoak, bortxakeriazko beren egintzak.#jokabide gaiztoak utzi Jr 26,3; 35,15; 36,7; Ez 36,31. bortxakeriazko egintzak Jb 16,17. 9Agian, Jainkoak ere atzera egingo du eta damutuko da, agian itzaliko da haren sumina, eta ez gara galduko».#Agian, Jainkoak atzera egin Jl 2,14; Am 5,15. eta damutu Jr 26,3; Am 7,3.6.
10Ikusi zuen Jainkoak beren jokabide gaiztoetatik atzera egin zutena, eta damutu egin zen haiei egindako mehatxuaz eta ez zuen bete.
Currently Selected:
JONAS 3: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso