Proverbios 3
3
Kasukuq kanapaq yachachikuykunamanta
1Churilláy, yachachikuyniykunata ama qonqaychu,
kamachikuyniykunata sonqoykipi waqaychay,
2hinaspaqa unay watakunam kawsakunki,
kusikuytawan hawkayaytam tarinki.
3Kuyapayakuytawan cheqap kaqtaqa
amayá haykapipas saqeruychu,
collarta hinayá wallqakuruy,
tablapi hinayá sonqoykipi qellqaruy,
4 #
Lc 2.52; Ro 12.17; 2 Co 8.21. hinaspaqa Diospa chaynataq runakunapa kuyakuynintam tarinki.
5Tayta Diospiyá tukuy sonqoykiwan hapipakuy,
kikikipa yachayllaykipiqa amayá hapipakuychu.
6Tukuy ima ruwasqaykipipas Tayta Diospi yuyaymanay,
hinaptinqa paymi munasqanman hina kawsachisunki.
7 #
Ro 12.16. Amayá yachayniyuqpaqqa hapikuruychu,
aswanqa Tayta Diosta kasukuspa
mana allinmanta suchurikuy,
8Chaykunaqa cuerpoykipaq hampim kanqa,
tulluykikuna kallpanchaqmi kanqa.
9Tayta Diosta hatunchay tukuy ima kapuqnikikunawan,
chaynallataq tarpusqaykipa punta rurunkunawanpas,
10hinaptinqa taqekikunapas kawsaykunawanmi llimparinqa,
maqmaykipas vinowanmi llimparinqa.
11 #
Job 5.17. Churilláy, Tayta Diospa corregisusqaykitaqa ama wischupakuychu,
corregisuptikiqa amayá piñakuychu.
12 #
Ap 3.19. #
Heb 12.5-6. Tayta Diosqa kuyasqankunatam castigan,
imaynam huk tayta kuyasqan churinta corregisqanta hina.
13¡Mayna kusisqam yachayta tariruq runaqa!
¡Mayna kusisqam yachayta chaskiruq runaqa!
14Yachayqa qollqemantapas aswan valorniyuqmi,
qorimantapas aswan allin kaqkunatam qokun,
15alhaja rumimantapas aswan sumaqmi
munayllapaqña ima kaqpas chaymanqa manam haypanmanchu.
16Yachayqa alleq makinwanmi unay kawsakuyta qokun,
ichoq makinwanñataqmi apuyaytawan ancha reqsisqa kayta qokun,
17ñanninkunapas mayna sumaqmi,
chayninta puriyqa hawkayaypi kawsakuymi.
18Yachayqa kawsaymi pipas tariruqninpaqqa.
¡Mayna kusisqam tariruspa waqaychaqkunaqa!
19Tayta Diosqa yachaywanmi kay pachata unancharqa,
yachaywanmi cielokunatapas takyachirqa,
20yachayninwanmi lamar qochatapas rakinarqa,
yachayninwanmi puyukunamanta sullachimun.
21Churilláy, yachayniyuq kaytaqa amayá qonqaychu,
allinta tantearispa imatapas ruway,
22chaykunam qamta kawsachisunki,
kunkaykipi collar hinam adornasunki.
23Ñanta purispapas hawkam purikunki,
manam chakikipas haytakunqachu.
24Samaykuspaykipas manam manchakunkichu,
puñuykuspaykipas hawkam puñukunki.
25Qonqaymanta hamuq sasachakuykunatapas
manam manchakunkichu,
mana allin runakunaman hamuq sasachakuytapas
manam manchakunkichu,
26aswanqa Tayta Diosmi waqaychasunki,
paymi trampaman wichinaykimantapas harkaykusunki.
27Mañakusuqnikitaqa yanapaykuyá,
qoykunaykipaq kachkaptinqa qoykuyá.
28Runamasikita kunan yanapaykunaykipaq kachkaptinqa,
amayá “paqarinña kutimuy” niychu.
29Qanman hapipakuspa kawsaq runamasikipa contranpiqa
amayá ima mana allintapas tanteaychu.
30Mana pipas imanasuchkaptikiqa
amayá piwanpas yanqamantaqa piñanakuychu.
31Mana allin runataqa amayá envidiakuychu,
mana allin ruwasqankunatapas amayá qatipakuychu.
32Tayta Diosmi millakun chayna runataqa,
allin runatam ichaqa anchata kuyan.
33Tayta Diosqa ñakanmi mana allin ruwaqpa wasintaqa,
allin ruwaqpa wasintam ichaqa bendicen.
34 #
Stg 4.6; 1 Pe 5.5. Burlakuqkunamantaqa Tayta Diospas burlakunmi,
llampu sonqokunatam ichaqa kuyapayan.
35Yachayniyuq runakunaqa ancha reqsisqam kanqaku,
mana yachayniyuqkunam ichaqa,
penqayman churasqa kanqaku.
Currently Selected:
Proverbios 3: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012