Proverbios 2
2
Yachaypa rurunkunamanta
1Churilláy, sichum rimapayasqaykunata chaskinki,
kamachikuyniykunatapas waqaychanki.
2Sichum yachaytapas allinta uyarinki,
sonqoykitapas yachayman kicharinki,
3yachayta qayakunki,
allin yuyayniyuq kanaykipaq mañakunki.
4Sichum qollqeta hina maskanki,
pakata hina maskanki,
5hinaspaqa Tayta Dios kasukuytam yachanki,
Tayta Diospa yachaynintam haypanki.
6Tayta Diosllam yachay qokuqqa,
paypa siminmantam yachayqa hamun.
7Tayta Diosqa allin kawsakuqkunamanmi yachayta qon,
allin kawsakuqkunatam nanachikun.
8Allin kawsakuqkunatam waqaychan,
payman hapipakuqkunatam waqaychan.
9Chaynapiqa allin kawsakuytawan allin ruwaytam yachanki,
lliwpaq allin ruwaytam yachanki.
10Yachaymi sonqoykiman huntaykunqa,
yachaymi kawsakuynikita kusichinqa.
11Allin tanteakuymi waqaychasunki,
yachaymi waqaychasunki.
12Yachaymi mana allin ñanmanta librasunki,
mana allin rimaq runakunamantam waqaychasunki.
13Yachaymi allin ñanta saqespa
mana allin ñanpi puriqkunamanta waqaychasunki.
14Yachaymi mana allinta ruwaspa kusikuqkunamanta waqaychasunki,
mana allin ruwayninkupi kusikuqkunamantam waqaychasunki.
15Chayna runapa kawsayninqa pantaymi,
chayna runaqa allin ñantam saqerun.
16Yachayqa qosanta engañaq warmimantam librasunki,
chayna warmipa miskillaña rimayninmantam waqaychasunki.
17Chayna warmiqa sipas kaptinraq casaraqnin qosantapas saqerunmi,
Dioswan pacto ruwasqantapas qonqarunmi.
18Chayna warmipa wasinman riq ñanqa
wañuyman apakuq ñanmi.
19Chayna warmiwan puñuruq runakunaqa,
manañam kawsayman apakuq ñannintaqa purinkuñachu.
20Chaynaqa, churilláy,
allin ñanninta purispayá
allin ruwaqkunapa kawsasqanta hina kawsakuy.
21Mana pantaspa kawsaqkunaqa,
allin kawsakuypi puriqkunaqa,
kay pachapim wiñaypaq yachakunqaku.
22Mana allin ruwaypi kawsaqkunam ichaqa
kay pachamanta chinkachisqa kanqaku,
iskay uyakunam ichaqa kay pachamanta wischusqa kanqaku.
Currently Selected:
Proverbios 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012