ᓴᑲᕅᐊᐅᑉ ᐊᒡᓚᖏᑦ 1
1
ᐊᑕᓂᐅᑉ ᐃᓄᖁᑎᒥᓂᒃ ᕾᖁᔨᓂᖓ ᐃᒻᒥᓄᑦ ᐅᑎᖁᓪᓗᒋᑦ
1 #
ᐄᓱᕋ 4:24—5:1; 6:14. ᑍᕉᓯ ᐊᖓᔪᖅᑳᕐᔪᐊᖑᓕᖅᑎᓪᓗᒍ ᐊᕐᕌᒎᖕᓂᒃ ᒪᕐᕉᖕᓂᒃ, ᑕᖅᑭᓂᒡᓗ ᓯᑕᒪᐅᔪᖅᑐᓂᒃ, ᐊᑕᓂᖅ ᐅᖃᖅᐳᖅ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᒍᑦ ᓴᑲᕅᐊᒃᑯᑦ ᐱᕆᑬᐊᐅᑉ ᐃᕐᖕᓂᖓᒍᑦ, ᐃᑑᑉ ᐃᕐᖑᑕᖓᒍᑦ, ᐅᖃᖅᓗᓂ, 2ᐊᑕᓂᖅ ᓯᕗᓕᕕᓂᑦᓯᓐᓄᑦ ᓂᓐᖓᐅᒪᕕᒡᔪᐊᓚᐅᖅᐳᖅ. 3ᑕᒪᓐᓇ ᐱᓪᓗᒍ ᐃᓄᐃᑦ ᐅᖃᐅᑎᒃᑭᑦ ᐃᒫᒃ: “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ; ᐅᕙᓐᓄᑦ ᐅᑎᓕᕆᑦᓯ, ᑕᕝᕙ ᐃᓕᑦᓯᓐᓄᑦ ᐅᑎᕐᖕᓂᐊᕆᕗᖓ.” ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ, 4“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖏᓐᓄᑦ ᐅᖃᕐᕕᐅᕙᓚᐅᖅᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ, ᐊᑐᕐᖕᓂᖅᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ. 5ᓇᐅᒡᓕ ᑍᒪ ᓯᕗᓕᕕᓂᖅᓯ? ᓇᐅᒡᓗ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᕕᓂᖏ? ᑍᒃᑯᐊ ᐃᓱᖃᖏᑦᑐᒧᑦ ᐃᓅᕚᑦ? 6ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖏᑎᒍᑦ, ᐅᖃᐅᑎᕙᓚᐅᖅᐸᒃᑲ, ᒪᓕᒐᒃᓴᓂᒃ ᐃᓂᖅᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᖕᓇᖅᑐᒧᑦ ᑎᑭᖃᑦᑕᓚᐅᖅᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᖅᐳᑦ ᐅᖃᓕᖅᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᖅᐹᑎᒍᑦ ᓱᒋᐊᖅᑕᐅᔭᕆᐊᖃᕐᖕᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᖕᓂᕋᖅᓗᓂ ᐅᖃᖅᓯᒪᒐᒥ.”
ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᑕ ᑕᑯᑎᑕᐅᓂᖓ ᕿᒧᒃᓯᐅᑎᒥᒃ
7ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖓᑕ ᐂᑉᐸᖓᓂ, ᑕᕿᖓᑕᓗ 11ᖓᓂ, (ᑕᖅᑭᖅ ᓯᐹᑎᒥᒃ ᑍᔭᐅᔪᖅ) ᐅᓪᓗᖓᑕᓗ 24ᖓᓂ, ᐊᑕᓂᖅ ᐅᖃᖅᐳᖅ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᒍᑦ ᓴᑲᕅᐊᒃᑯᑦ, ᐱᕆᑬᐊᐅᑉ ᐃᕐᖕᓂᖓᒍᑦ ᐃᑑᓪᓗ ᐃᕐᖑᑕᖓᒍᑦ. 8#ᑕᑯᑎ 6:4; ᑕᑯᑎ 6:2.ᐅᓐᓄᐊᒃᑯᑦ ᑕᑯᑎᑕᐅᓪᓗᖓ, ᑕᑯᕗᖓ ᐂᖏᓕᒥᒃ ᕿᒻᒥᕐᔪᐊᒥ ᐊᐅᐸᖅᑐᒥ ᐃᑭᒪᔪᒥᒃ, ᓄᖅᑲᖓᓪᓗᓂᓗ ᓇᐹᖅᑐᐃᑦ ᒨᕐᑐᓂᒃ ᐊᑎᖃᖅᑐᑦ ᓇᖅᓴᒦᑐᑦ ᐊᑯᓐᓂᖓᓐᓂ, ᑐᓄᐊᓃᑦᑐᖃᕆᕗᖅ ᕿᒻᒥᕐᔪᐊᓂᒃ ᐊᓯᖏᓐᓂᒃ, ᕿᒻᒥᕐᔪᐊᓂᒃ ᐊᐅᐸᖅᑐᓂᒃ, ᕿᒻᒥᕐᔪᐊᓂᒡᓗ ᖁᑦᔪᕐᖕᓂᒃ, ᕿᒻᒥᕐᔪᐊᓂᒡᓗ ᐅᑭᓕᕆᐊᓂᒃ. 9ᐊᐱᕆᕗᖓᓗ, “ᐊᑕᓃᖅ, ᓱᓁᓄᑯᐊ?”
ᐂᖏᓪᓕᐅᑉᓗ ᐅᖃᓪᓚᖃᑎᒋᔭᒪ ᑭᐅᕚᖓ “ᓱᓇᒥᒃ ᑐᑭᖃᕐᖕᒪᖔᑕ ᖃᐅᔨᑎᓐᓂᐊᖅᐸᒋᑦ.” 10ᐊᖑᓪᓗ ᓇᐹᖅᑐᑦ ᒨᕐᑐᐃᑦ ᐊᑯᓐᓂᖓᓃᑦᑐᖅ ᐃᒫᒃ ᓇᓗᓁᖅᓯᕗᖅ “ᐅᑯᐊ ᐊᑕᓂᐅᑉ ᓄᓇᕐᔪᐊᓕᒫᒧᑦ ᑎᓕᓯᒪᔭᖏᑦ ᖃᐅᔨᓴᕆᐊᖅᑐᖁᓪᓗᒋᑦ.”
11ᑖᒃᑯᐊᓗ ᕿᒻᒥᕐᔪᐊᒦᑦᑐᑦ ᐅᓂᒃᑳᖅᐳᑦ ᐊᑕᓂᐅᑉ ᐂᖏᓕᖓᓄᑦ, ᓇᐹᖅᑐᑦ ᒨᕐᑐᓂᒃ ᑍᔭᐅᔪᑦ ᐊᑯᓐᓂᖓᓃᑦᑐᒧᑦ, ᐅᖃᖅᓗᑎᒃ, “ᓄᓇᕐᔪᐊᕐᖕᒥᒃ ᓈᔧᔭᕇᖅᐳᒍᑦ, ᖃᐅᔨᓪᓗᑕᓗ ᓄᓇᕐᔪᐊᕐᖕᒥᐅᑦ ᓄᖅᑲᖓᖕᒪᑕ ᓮᓕᑦᓯᐊᕐᖕᒪᑕᓗ.”
12ᐊᑕᓂᐅᑉ ᐂᖏᓕᖓ ᐅᖃᖅᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ? ᓂᑲᒍᓱᖕᓂᐊᓐᖏᓚᑎ ᔨᕉᓴᓕᒻᒥᒃ, ᔫᑕᒥᓗ ᓄᓇᖃᖅᑐᓂᒃ, ᑖᒃᑯᐊ ᐊᕐᕌᒍᓂᒃ 70ᓂᒃ ᓂᓐᖓᒡᕕᒋᓯᒪᒐᕕᒋᑦ.”
13ᑍᒤᒻᒪᑦ ᐊᑕᓂᖅ ᐅᖃᖅᐳᖅ ᐂᖏᓕᒧᑦ ᐅᖃᖃᑎᒋᔭᓐᓄᑦ, ᐱᑦᓯᐊᖅᑐᓂᒃ ᓮᒪᓇᖅᑐᓂᒡᓗ ᐅᖃᐅᓯᖃᖅᓗᓂ. 14ᐂᖏᓕᓗ ᐅᕙᓐᓂᒃ ᐅᖃᖃᑎᖃᖅᑐᖅ ᐃᒫᒃ ᐅᖃᖅᐳᖅ, “ᐃᒫᒃ ᓂᓪᓕᐊᑦᔪᑎᖃᕆᑦ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ, ‘ᔨᕉᓴᓕᒻ ᓮᐅᓂᓗ ᐊᒃᓱᐊᓗᒃ ᓯᖕᓇᒋᕚᒃᑲᒃ. 15ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᖅᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᖅᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᖅᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᖅᑎᑦᓯᕙᓪᓕᐊᓚᐅᖅᐳᑦ ᑖᒃᑯᓂᖓ. 16ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᖅᐳᖓ ᑕᕝᕙᓂ ᓄᓇᖃᖅᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᖕᓂᐊᖅᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.
17“‘ᐂᖏᓕᐅᓪᓗ ᑖᑦᓱᒪ ᐅᖃᐅᑎᕚᖓ ᐅᖃᖁᓪᓗᖓ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ, ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖓ ᐊᔪᖅᓴᕈᓐᓁᕈᒫᕆᕗᖅ ᐊᑕᓂᐅᓪᓗ ᓮᐅᓂ ᓮᒻᒪᖅᑎᓕᕈᒫᕆᕚ ᔨᕉᓴᓕᒻᓗ ᓇᖕᒥᓂᕆᓂᕋᓕᖅᓗᓂᒋᑦ.’”
ᓇᒡᔪᖕᓂᒃ ᑕᑯᑎᑕᐅᓂᖅ ᖃᓄᖅ ᑐᑭᖃᕐᖕᒪᖔᑦ
18ᖁᒻᒧᑦ ᑕᑯᓴᕋᒪ ᑕᑯᕗᖓ ᓇᒡᔪᖕᓂᒃ ᓯᑕᒪᓂᒃ. 19ᐊᐱᕆᕗᖓᓗ ᐂᖏᓕᒧᑦ ᐅᖃᓪᓚᒡᕕᒋᔨᓐᓄᑦ, “ᐅᑯᐊ ᓇᒡᔪᐃᑦ ᓱᓇᒥᒃ ᑐᑭᖃᖅᐸᑦ?”
ᑖᓐᓇᓗ ᑭᐅᕗᖅ, “ᐅᑯᐊ ᑐᑭᖃᖅᑐᑦ ᓯᓚᕐᔪᐊᕐᖕᒥᐅᑦ ᐱᔪᓐᓇᕐᖕᓂᖏᓐᓂᒃ, ᓯᐊᒻᒪᒃᑎᑦᓯᓯᒪᓂᖏᓐᓂᒡᓗ ᐃᓄᖕᓂᒃ ᔫᑕᒥ ᓄᓇᖃᖅᑐᓂᒃ, ᐃᓴᕆᐊᓕᒥᓗ ᓄᓇᖃᖅᑐᓂᒃ, ᔨᕉᓴᓕᒥᐅᓂᒡᓗ.” 20ᐊᒻᒪ ᓱᓕ ᐊᑕᓂᐅᑉ ᑕᑯᑎᒃᑭᕚᖓ ᓯᑕᒪᓂᒃ ᐃᒡᓗᓕᐅᖅᑎᓂᒃ. 21ᐊᐱᕆᕗᖓᓗ, “ᐊᖑᑎᑦ ᐅᑯᐊ ᓱᓇᒥ ᑕᒪᐅᖓ ᓴᓇᔭᖅᑐᖅᓯᒪᕙᑦ?”
ᑭᐅᕚᖓ, “ᐅᑯᐊ ᑕᕝᕙ ᑲᑉᐱᐊᓱᒃᑎᑦᓯᔭᖅᑐᖅᑐᑦ ᓵᓚᖃᕆᐊᑐᖅᓗᑎᒡᓗ ᐃᓅᖃᑎᒌᒡᔪᐊᓂᒃ ᓵᓚᖃᖅᓯᒪᔪᓂᒃ ᓯᐊᒻᒪᒃᑎᑦᓯᓯᒪᔪᓂᒃ ᔫᑕᒥ ᓄᓇᖃᖅᑐᓂᒃ.”
Currently Selected:
ᓴᑲᕅᐊᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.