ᕼᐊᒊᑉ ᐊᒡᓚᖏᑦ 2
2
ᑐᒃᓯᐊᕐᕕᒡᔪᐊᑉ ᓄᑖᑉ ᑕᑯᒥᓇᖅᑐᐊᓘᓕᕐᖕᓂᖓ
1ᐅᓪᓗᐃᑦ 21ᖓᓂ ᑕᖅᑮᑦ 7ᖓᓂ, ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᒍᑦ ᕼᐊᒊᒃᑯᑦ, ᐅᖃᖅᓗᓂ, 2“ᐅᑯᐊ ᐅᖃᐅᓰᑦ ᐅᖃᐅᓯᕆᒃᑭᑦ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᖕᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᖕᓂᖓᓄᑦ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᓄᑦ, ᐃᓄᖕᓄᓪᓗ ᐊᒥᐊᒃᑰᔪᓄᑦ ᐅᖃᐅᑎᓗᒋᓪᓗ: 3#ᐄᓱᕋ 3:12.‘ᓇᓕᖅᓯ ᐊᒥᐊᒃᑰᔪᓯ ᑕᑯᓚᐅᖅᓯᒪᕚᑦ ᑐᒃᓯᐊᕐᕕᒡᔪᐊᑉ ᐱᓐᓇᕐᖕᓇᕐᖕᓂᕆᓚᐅᖅᓯᒪᔭᖓᓂᒃ? ᖃᓄᕐᓕ ᒫᓐᓇ ᑕᑯᓐᓇᓕᖅᐱᓯᐅᒃ? ᓱᓇᐅᖏᑦᑐᑐᑦ ᑕᑯᓐᓇᓕᓐᖏᓚᓯᐅᒃ? 4ᐊᑕᓂᖅ ᐅᖃᖅᐳᖅ, ᒫᓐᓇ ᓴᐱᖅᑍᓕᒋᑦ ᔨᕈᐸᐱᐅᓪ, ᓴᐱᖅᑍᓕᒋᓪᓗ ᔮᓱᐊ ᔨᕼᐅᔭᑕᐅᑉ ᐃᕐᖕᓂᖓ, ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᑦ; ᓴᐱᖅᑍᓕᒋᑦᓯ ᐃᓅᖃᑎᒌᓕᒫᖑᔪᓯ ᑕᒫᓂ ᓄᓇᖃᖅᑐᓯ, ᐱᓇᓱᐊᑦᓯᐊᕆᑦᓯ ᐃᓚᒋᕙᑦᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ. 5#ᒨᓯᓯ ᐂᑉᐸᖏᑦ 29:45,46.‘ᑕᒪᓐᓇ ᐊᖏᕈᑎᒋᓚᐅᕋᒃᑯ ᐃᓕᑦᓯᓐᓄᑦ ᐄᑦᔨᑉᑎᒥᑦ ᐊᐅᓪᓚᖅᑎᓪᓗᓯ, ᐊᓂᕐᖕᓂᕋ ᓱᓕ ᐃᓕᑦᓯᓐᓃᒻᒪᑦ; ᑍᒤᒻᒪᑦ ᑲᑉᐱᐊᓱᒃᑍᓕᒋᑦᓯ!’
6 #
ᐄᑉᕈᐃᓄᑦ 12:26. “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᖅᐳᖅ: ‘ᐊᑕᐅᓯᐊᖅᓗᖓ ᓱᓕ ᖃᖓᑦᓯᐊᒃᑯᑦ ᕿᓚᒃ ᓄᓇᕐᔪᐊᕐᓗ, ᐃᒪᕕᒡᓗ, ᓄᓇᓗ ᓴᔪᒃᑎᑦᓱᒫᖅᐸᒃᑲ; 7ᐃᓅᖃᑎᒌᒡᔪᐊᓕᒫᓪᓗ ᓴᔪᒃᑎᑦᓱᒫᖅᐸᒃᑲ, ᐊᑭᑐᔪᖁᑎᓕᒫᒥᖕᓂᒃ ᑕᕝᕗᓐᖓᐅᔨᖁᓪᓗᒋᑦ, ᑖᓐᓇᓗ ᐃᒡᓗ ᐱᓐᓇᕐᖕᓇᕐᖕᓂᕐᖕᒥᒃ ᑕᑕᑎᑦᓱᒫᖅᐸᕋ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ. 8‘ᓯᐅᓪᕕᕇᑦ ᐱᒋᕙᒃᑲ, ᒎᓗᐃᓪᓗ ᐱᒋᒋᕙᒃᑲ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ. 9‘ᑐᒃᓯᐊᕐᕕᒡᔪᐊᖅ ᑭᖑᓪᓕᖅ ᐱᓐᓇᕐᖕᓇᕐᖕᓂᖅᓴᐅᔪᒫᖅᐳᖅ ᓯᕗᓪᓕᐅᓚᐅᖅᑐᒥᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ; ‘ᑖᓐᓇᓗ ᐃᒡᓗ ᐊᔪᖅᓴᕈᓐᓁᖅᑎᑦᓯᑦᔪᑎᒋᔪᖅᐸᕋ ᓮᒻᒪᓇᖅᑎᑦᓯᓗᓂᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ.’”
ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᑕ ᐊᐱᖅᓱᕐᖕᓂᖓ ᑐᓂᕐᕈᓯᖅᑎᑦᓯᔨᓂᒃ
10ᐅᓪᓗᐃᑦ 24ᖓᓂ ᑕᖅᑮᑦ 9ᖓᓂ, ᐊᕐᕌᒎᑉ ᐂᑉᐸᕆᓕᖅᑕᖓᓂ ᑍᕉᓯ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᕼᐊᒊᒃᑯᑦ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᓄᑦ, ᐃᒫᒃ ᐅᖃᖅᓗᓂ, 11“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ; ᑐᓂᕐᕈᓯᖅᑎᑦᓯᔩᑦ ᐊᐱᖅᓱᓚᐅᒃᑭᑦ ᐱᖁᔧᑦ ᐅᖃᖅᓯᒪᓂᖏᓐᓂᒃ ᐃᒤᓕᔪᓂᒃ, 12‘ᓇᓪᓕᐊᑐᐃᓐᓇᖅ ᓂᕿᒥᒃ ᐃᑦᔪᕐᖕᓁᑦᑐᒥᒃ ᐊᒡᔭᖅᓯᒍᓂ ᐊᓐᓄᕌᒥᓄᑦ ᐃᒻᒧᓯᖅᓯᒪᓗᒍ, ᐊᓐᓄᕌᖏᑕᓗ ᓯᓈᓄᑦ ᐊᒃᑐᐃᒃᐸᑦ ᓂᐊᖂᔭᒥᒃ, ᐊᓗᒐᒃᓴᓕᐊᕆᓯᒪᔪᒥᒡᓘᓐᓃᑦ, ᕔᓂᒥᒡᓘᓐᓃᑦ, ᐅᖅᓱᒥᒡᓘᓐᓃᑦ, ᓂᕿᒥᒡᓘᓐᓃᑦ, ᑖᒃᑯᐊ ᐊᒃᑐᖅᑕᖏᑦ ᐃᑦᔪᕐᖕᓁᓕᕋᔭᖅᐹᑦ?’”
ᑕᕝᕙ ᑐᓂᕐᕈᓯᖅᑎᑦᓯᔩᑦ ᑭᐅᕗᑦ ᐅᖃᖅᓗᑎᒃ, “ᑍᒤᒍᓐᓇᓐᖏᓚᖅ.”
13 #
ᒨᓯᓯ ᓯᑕᒪᖏᑦ 19:11-22. ᕼᐊᒊ ᐅᖃᖅᐳᖅ, “ᓇᓪᓕᐊᑦ ᐃᑦᔪᕐᖕᓇᖅᓯᑎᑕᐅᒃᐸᑦ ᐊᒃᑐᖅᓯᓂᕐᖕᒥᓄᑦ ᑐᖁᖓᔪᒥᒃ, ᐃᑦᔪᕐᖕᓇᖅᓯᒐᔭᖅᐹ?”
ᑕᕝᕙ ᑐᓂᕐᕈᓯᖅᑎᑦᓯᔩᑦ ᑭᐅᕗᑦ ᐅᖃᖅᓗᑎᒃ, “ᐃᑦᔪᕐᖕᓇᖅᓯᒐᔭᖅᐳᖅ.”
14ᑕᕝᕙ ᕼᐊᒊ ᑭᐅᓪᓗᓂ ᐅᖃᖅᐳᖅ, “ᑍᒤᒃᑭᕗᑦ ᐃᓄᐃᑦ ᐃᓅᖃᑎᒌᒡᔪᐊᓪᓗ ᓵᓐᓂ,” ᐊᑕᓂᖅ ᐅᖃᖅᐳᖅ, “ᑍᒫᒃᑕᐅᖅ ᐊᒡᒐᖏᑕ ᐱᓂᐊᕐᖕᓂᖏᑦ, ᑐᓂᕐᕈᑎᖏᓪᓗ ᐃᑦᔪᕐᖕᓇᕆᕗᑦ.”
ᐊᑕᓂᐅᑉ ᐊᖏᕈᑎᖓ ᓮᒻᒪᖅᑎᑦᓯᓂᐊᕐᖕᓂᕐᖕᒥᓂᒃ
15“ᒫᓐᓇ, ᐃᓱᒪᒃᓴᖅᓯᐅᑦᓯᐊᖅᓗᓯ ᖃᐅᔨᓴᓕᕆᑦᓯ ᐅᓪᓗᒥᒥᑦ ᐱᒋᐊᖅᓗᒍ: ᐅᔭᕋᖕᒥᒃ ᐃᓕᔭᐅᔪᖅᑲᓚᐅᖅᑎᓐᓇᒍ ᐅᔭᕋᐅᑉ ᖄᖓᓄᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂ, 16ᑍᑦᓱᒪᓂᐅᑎᓪᓗᒍ, ᓇᓪᓕᐊᑦ ᖃᓕᕇᒃᓯᑎᑦᓯᔭᖅᑐᖅᑎᓪᓗᒍ ᐆᒃᑑᑎᓂᒃ 20ᓂᒃ, ᖃᓕᕇᒃᓯᔪᒃᓮᑦ ᖁᓕᑐᐃᓐᓇᐅᓚᐅᖅᐳᑦ; ᓇᓪᓕᐊᓪᓗ ᕔᓂᖃᐅᑎᓂᒃ 50ᓂᒃ ᐃᒻᒥᖅᓯᔭᖅᑐᖅᑎᓪᓗᒍ, 20ᑐᐃᓐᓇᐅᓚᐅᖅᐳᑦ. 17ᓱᒋᐊᓚᐅᖅᐸᑦᓯ ᐱᕈᖅᓯᐊᓯᓗ ᑕᒪᕐᖕᒥᒃ ᑐᖁᓕᓇᖅᑐᓄᑦ ᐅᖁᖕᒧᓪᓗ ᓇᑕᖅᑯᕐᖕᓇᓄᓪᓗ, ᐅᕙᓐᓄᓪᓕ ᓱᓕ ᐅᑎᓚᐅᓐᖏᓚᓯ, ᐊᑕᓂᖅ ᐅᖃᖅᐳᖅ. 18ᒫᓐᓇ ᐃᓱᒪᒃᓴᖅᓯᐅᓕᕆᑦᓯ ᐅᓪᓗᒥᒥᑦ ᐱᒋᐊᖅᓗᒍ, ᐅᓪᓘᑉ 24ᖓᓂ ᑕᖅᑭᐅᑉ 9ᖓᓂ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᑕ ᑐᓐᖓᕕᓕᖅᑕᐅᓕᕐᖕᓂᖓᓂᑦ ᐱᒋᐊᖅᓗᒍ ᐃᓱᒪᒃᓴᖅᓯᐅᓕᕆᑦᓯ: 19ᐱᕈᖅᓯᐊᒃᓴᓯ ᓱᓕ ᓯᖅᓗᐊᑦᓯᓐᓃᑉᐹᑦ? ᕔᓂᒃᓮᑦ ᓇᐹᖅᑐᐃᓪᓗ ᐸᐅᕐᖓᓖᑦ ᓴᐅᓂᓕᖕᓂᒃ, ᐹᒪᒍᕌᓃᓪᓗ ᐱᕈᖅᑐᐃᑦ, ᓇᐹᖅᑐᐃᓪᓗ ᐅᖅᓱᒃᓴᓖᑦ ᐱᕈᕈᓐᓇᓚᐅᓐᖏᓛᑦ? ᐅᓪᓗᒥᒥᓪᓕ ᐱᒋᐊᖅᓗᒍ ᓮᒻᒪᖅᑎᓐᓂᐊᓕᖅᐸᑦᓯ.”
ᐊᑕᓂᐅᑉ ᐊᖏᕈᑎᖓ ᔨᕈᐸᐱᐅᓪᒧᑦ
20ᓱᓕ ᑭᖑᓪᓕᕐᖕᒥᒃ ᐊᑕᓂᐅᑉ ᐅᖃᐅᓯᖓ ᕼᐊᒊᒧᐊᕆᕗᖅ ᑕᖅᑭᐅᑉ ᐅᓪᓗᖓᑕ 24ᖓᓂ, ᐅᖃᖅᓗᓂ, 21“ᔨᕈᐸᐱᐅᓪ ᐅᖃᐅᑎᒍᒃ, ᐊᐅᓚᑦᓯᔨᐅᔪᖅ ᔫᑕᒧᑦ ᐅᖃᖅᓗᑎᑦ, ᕿᓚᒡᓗ ᓄᓇᕐᔪᐊᕐᓗ ᓴᔪᒃᑎᓐᓂᐊᓕᕋᒃᑭᒃ, 22ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᖅᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᖕᓂᖏᑦ ᐊᓯᕈᕐᖕᓂᐊᓕᖅᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᖅᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᖅᐳᑦ. 23ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ, ‘ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑎᒍᔪᒫᖅᐸᒋᑦ ᔨᕈᐸᐱᐅᓪ ᐱᔨᒋᒐᒃᑭᑦ, ᓯᐅᓪᑎᐅᑉ ᐃᕐᖕᓂᖓ,’ ᐊᑕᓂᖅ ᐅᖃᖅᐳᖅ, ‘ᓇᕿᑦᑎᑦᔪᑎᐅᑎᑦᓱᒫᖅᐸᒋᑦ ᓇᒡᒍᐊᕐᖕᒥᒃᑎᑐᑦ; ᓂᕈᐊᖅᓯᒪᒐᒃᑭᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᖅᐳᖅ.”
Currently Selected:
ᕼᐊᒊᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.