ᓘᑲᓯᐅᑉ ᐊᒡᓚᖏᑦ 3
3
ᔪᐊᓇᓯ ᐹᑉᑎᑎᕆᔨᐅᑉ ᐊᔪᕆᖅᑐᐃᓂᖓ
ᒫᑎᐅᓯ 3:1-12; ᒫᑯᓯ 1:1-8; ᔪᐊᓇᓯ 1:19-28
1ᐊᕐᕌᒍᓂᒃ 15ᓂᒃ ᓰᓴᕆ ᑍᐱᕆᐊᓯ ᐊᖓᔪᖅᑳᕐᔪᐊᖑᓕᖅᑎᓪᓗᒍ, ᐴᓐᑎᐅᓯ ᐰᓛᑑᓯ ᐊᐅᓚᑦᓯᔨᐅᑎᓪᓗᒍ ᔫᑎᐊᒥ; ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ ᒐᓕᓕᐊᒥ, ᐃᕉᑕᓯᐅᑉ ᖃᑕᓐᖑᑖ ᐱᓕᑉᐴᓯ ᐊᖓᔪᖅᑳᖑᑎᓪᓗᒍ ᐂᑐᕆᐊᒥ ᑐᕌᑯᓁᑎᓯᒥᓗ, ᓔᓴᓂᐊᓯ ᐊᖓᔪᖅᑳᖑᑎᓪᓗᒍ ᐊᐱᓕᓂᒥ, 2ᐋᓇᓯ ᑬᐊᐹᓯᓗ ᑐᓂᕐᕈᓯᖅᑎᑦᓯᔨᓄᑦ ᐊᖓᔪᖅᑳᖑᑎᓪᓗᒋᒃ, ᔪᐊᓇᓯ ᓴᑲᕅᐊᐅᑉ ᐃᕐᖕᓂᖓ ᒎᑎᐅᑉ ᐅᖃᕐᕕᒋᕚ ᐃᓄᖃᖏᑦᑐᒦᑎᓪᓗᒍ. 3ᔪᐊᓇᓯ ᑰᖕᒥ ᔪᐊᕐᑕᓂᒥ ᖃᓂᒋᔭᓕᒫᖓᓂᓗ ᐱᓇᓱᐊᓕᓚᐅᖅᐳᖅ, ᐊᔪᕆᖅᑐᐃᓪᓗᓂ ᐹᑉᑎᑕᐅᓂᐅᑉ ᓇᓗᓁᒃᑯᑕᐅᓂᖓᓂᒃ ᓵᒋᐊᕐᖕᓂᕐᖕᒧᑦ ᐊᔪᕐᖕᓃᑦ ᐃᓱᒪᒋᔪᓐᓁᕐᖕᑕᐅᓂᖏᓐᓄᑦ. 4#ᐂᓮᐊᓯ 40:3-5.ᓇᓚᐅᑦᑍᔪᖅ ᐂᓮᐊᓯ ᐅᖃᖅᓯᒪᖕᒪᑦ,
“ᐃᓄᖃᖏᑦᑐᒥ ᕾᒐᓛᖅᑐᖃᖅᐳᖅ:
‘ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᖅᓯᐅᒃ;
ᐊᖅᑯᑎᒃᓴᖓ ᑐᑭᓕᐊᖅᓯᑎᓪᓗᒍ.
5ᓇᖅᓮᑦ ᑕᒪᕐᖕᒥᒃ ᓇᖓᖅᑎᖅᑕᐅᔪᒫᖅᐳᑦ,
ᐱᖑᐃᑦ ᖃᖅᑬᓪᓗ ᐳᒃᑭᒡᓕᑎᑕᐅᔪᒫᕐᓗᑎᒃ,
ᐊᖅᑯᑎᑦ ᓴᖑᐃᖓᔪᑦ ᑐᑭᓕᐊᖅᓯᑎᑕᐅᔪᒫᖅᐳᑦ,
ᒪᓃᑦᑐᑦ ᒪᓂᖅᑲᒃᓴᕐᓗᒋᑦ.
6ᐃᓄᓕᒫᑦ ᑕᑯᔪᒫᖅᐳᑦ ᒎᑎᐅᑉ ᐱᐅᓕᔭᐅᕕᒃᓴᐅᑎᑕᖓᓂᒃ.’”
7 #
ᒫᑎᐅᓯ 12:34; 23:33. ᐃᓄᒋᐊᒃᑐᑦ ᔪᐊᓇᓯᒧᐊᕐᖕᒪᑕ ᐹᑉᑎᑕᐅᔪᒪᓪᓗᑎᒃ, ᔪᐊᓇᓯᐅᑉ ᐅᖃᐅᑎᕔᑦ, “ᖁᒡᓗᒋᐊᖑᔮᖅᑐᓯ! ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᖅᑐᒥᑦ? 8#ᔪᐊᓇᓯ 8:33.ᐊᑏ ᓴᖅᑭᑎᑦᓯᓕᕆᑦᓯ ᓵᒋᐊᕐᖕᓂᓯ ᓇᓗᓁᖅᑕᐅᑦᔪᑎᖓᓂᒃ, ᐃᓱᒪᑦᑍᓕᒋᑦᓯ ᐃᒫᒃ: ‘ᒎᑎᐅᑉ ᐃᓄᖁᑎᒋᕚᑎᒍᑦ ᐂᑉᕋᕼᐋᒻ ᑭᖑᕚᕆᖕᒪᑎᒍᑦ.’ ᐃᒫᒃ ᐅᖃᐅᑎᕙᑦᓯ; ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᓐᖑᖅᑎᑦᓯᔪᓐᓇᖅᐳᖅ! 9#ᒫᑎᐅᓯ 7:19.ᒫᓐᓇ ᐅᓕᒪᐅᑦ ᐅᐸᓗᖕᒊᖅᑕᐅᓯᒪᓕᕇᖅᐳᖅ ᓇᐹᖅᑐᑦ ᒪᖑᒃᓯᒪᓂᖏᑎᒍᑦ ᓇᑲᑎᖅᑕᐅᖁᓪᓗᒋᑦ; ᑍᒤᒻᒪᑦ ᓇᐹᖅᑐᓕᒫᑦ ᐸᐅᕐᖓᖃᖏᑦᑐᑦ ᓇᑲᑕᐅᓂᐊᖅᐳᑦ ᐃᒋᑕᐅᓗᑎᒃ ᐃᑯᒪᒧᑦ.”
10ᐃᓄᐃᑦ ᔪᐊᓇᓯ ᐊᐱᕆᕚᑦ, “ᖃᓄᕐᓕ ᑕᕝᕙ ᐱᔭᕆᐊᖃᖅᐱᑖ?”
11ᔪᐊᓇᓯᐅᑉ ᑭᐅᕔᑦ, “ᒪᕐᕉᖕᓂᒃ ᐅᕕᓂᕈᖃᖅᑑᑉ, ᐂᑉᐸᖓ ᑐᓂᔭᒃᓴᕆᕚ ᐱᖃᖏᑦᑐᒧᑦ; ᓂᕿᖃᖅᑐᖅ, ᓂᕆᔭᒃᓴᖃᖏᑦᑐᒥᒃ ᐱᑎᑦᓯᔪᒃᓴᐅᕗᖅ.”
12 #
ᓘᑲᓯ 7:29. ᕉᒪᒥᐅᑦ ᑮᓇᐅᔧᖅᑎᑦᓯᔨᖁᑎᖏᑦ#3:12 ᔫᑎᑦ ᕉᒪᒥᐅᓂᑦ ᐃᖅᑲᓁᔭᖅᑎᑕᐅᔪᑦ ᑮᓇᐅᔧᖅᑎᑦᓯᔨᐅᓪᓗᑎᒃ ᔫᑎᐅᖃᑎᖏᓐᓂᑦ ᖀᒥᒋᔭᐅᔪᑦ ᐱᐅᖏᑦᑐᓕᔪᒥᒃ ᑍᔭᐅᓪᓗᑎᒃ, ᑐᒃᓯᐊᕐᕕᒡᔪᐊᒧᑦ ᐃᑎᕈᓐᓇᖅᑎᑕᐅᖏᑦᑐᑦ ᕉᒪᒥᐅᓄᑦ ᐃᖅᑲᓁᔭᕐᖕᒪᑕ ᕾᓚᐅᕆᕗᑦ ᐹᑉᑎᑕᐅᔭᖅᑐᕐᓗᑎᒃ, ᔪᐊᓇᓯᒧᑦ ᐅᖃᕐᓗᑎᒃ, “ᐊᔪᕆᖅᑐᐃᔩ, ᖃᓄᖅ ᐱᔪᒃᓴᐅᕕᑖ?”
13ᔪᐊᓇᓯᐅᑉ ᐅᖃᐅᑎᕔᑦ, “ᑮᓇᐅᔧᖅᑎᑦᓯᖁᔭᐅᓂᑦᓯ ᐅᖓᑖᓄᑦ ᐱᖃᑦᑕᕆᐊᖃᓐᖏᓚᓯ.”
14ᐊᒻᒪ ᐅᓇᑕᖅᑐᒃᓮᑦ ᔪᐊᓇᓯ ᐊᐱᕆᒋᕚᑦ, “ᐅᕙᒍᓪᓕ ᖃᓄᖅ ᐱᔪᒃᓴᐅᕕᑖ?”
ᔪᐊᓇᓯᐅᑉ ᐅᖃᐅᑎᕔᑦ, “ᓲᖑᓴᖕᓂᕐᖕᒧᑦ ᑎᒡᓕᖃᑦᑕᖏᓪᓗᓯ ᑮᓇᐅᔭᓂᒃ ᓴᒡᓗᕿᑦᓯᓂᕐᖕᒧᓪᓘᓐᓃᑦ, ᑮᓇᐅᑦᔭᓕᐊᓯ ᓈᒻᒪᒋᓯᐅᒃ.”
15ᐃᓄᐃᓪ ᓂᕆᐅᖕᓂᖃᖅᐸᓪᓕᐊᓕᖅᐳᑦ, ᐃᓱᒪᖃᓕᕐᓗᑎᒡᓗ ᔪᐊᓇᓯ ᙭ᔅᑑᓯᐅᓇᓱᒋᓪᓗᒍ. 16ᔪᐊᓇᓯᐅᑉ ᑕᒪᕐᖕᒥᒃ ᐅᖃᐅᑎᕔᑦ, “ᐃᒥᕐᖕᒧᑦ ᐹᑉᑎᑉᐸᑦᓯ; ᐅᕙᓐᓂᓪᓕ ᐱᔪᓐᓇᕐᖕᓂᖅᓴᖅ ᑎᑭᓐᓂᐊᖅᐳᖅ, ᓇᓗᖅᑯᑎᕗᖓ ᑖᑦᓱᒪ ᐃᑎᒐᒍᑎᖏᓐᓂᒃ ᓯᖐᑦᔮᖅᓯᔭᕆᐊᒃᓴᖅ; ᑖᑦᓱᒪ ᐹᑉᑎᑦᓱᒫᖅᐹᓯ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ ᐃᑯᒪᒧᓪᓗ. 17ᑖᑦᓱᒪ ᐃᕖᔧᑦᔪᑎᓂ ᑎᒍᒥᐊᖅᐹ, ᓂᐊᖂᔭᒃᓴᓕᕆᕝᕕᖕᒥᓂ ᓂᐊᖂᔭᒃᓴᑦ ᐃᕖᔭᕐᖕᓂᐊᖅᐰᑦ, ᓂᐊᖂᔭᒃᓴᑦ ᐴᖅᑲᕐᓗᒋᑦ ᓂᐊᖂᔭᒃᓴᒃᑯᕕᖕᒥᓄᑦ, ᐃᕕᐅᓂᖏᑦ ᐃᑭᓐᓂᐊᖅᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”
18ᐊᑦᔨᒌᖏᑦᑐᑎᒍᑦ ᔪᐊᓇᓯ ᐊᔪᕆᖅᑐᐃᓚᐅᖅᐳᖅ ᐃᓄᖕᓄᑦ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ. 19#ᒫᑎᐅᓯ 14:3,4; ᒫᑯᓯ 6:17,18.ᔪᐊᓇᓯᐅᑉ ᐃᕉᑕᓯ ᐊᖓᔪᖅᑲᖅ ᐃᓂᖅᑎᓚᐅᖅᐹ ᐃᕉᑎᐊᓯᒥᒃ ᓄᓕᐊᖃᓕᓚᐅᕐᖕᒪᑦ ᓄᑲᖓᑕ ᓄᓕᐊᖓᓂᒃ, ᐊᓯᖏᓐᓂᒡᓗ ᐱᐅᖏᑦᑐᓕᑦᔪᑎᒋᔭᓕᒫᖏᓐᓂᒃ. 20ᐃᕉᑕᓯ ᐱᐅᖏᑐᓕᓂᕆᔭᒥ ᐱᐅᖏᖅᑭᔭᖏᓐᓂᒃ ᐱᐅᖏᑦᑐᓕᓚᐅᖅᐳᖅ ᔪᐊᓇᓯᒥᒃ ᑎᒍᔭᐅᑎᑦᓯᓚᐅᕐᖕᒪᑦ.
ᔩᓱᓯᐅᑉ ᐹᑉᑎᑕᐅᓂᖓ
ᒫᑎᐅᓯ 3:13-17; ᒫᑯᓯ 1:9-11
21ᐃᓄᓕᒫᑦ ᐹᑉᑎᑕᐅᓯᒪᓕᖅᑎᓪᓗᒋᑦ, ᔩᓱᓯ ᐹᑉᑎᑕᐅᓚᐅᕆᕗᖅ. ᑐᒃᓯᐊᖅᑎᓪᓗᒍ, ᕿᓚᒃ ᐊᖕᒪᖅᐳᖅ, 22#ᒨᓯᓯ ᓯᕗᓪᓖᑦ 22:2; ᐃᓐᖏᕈᑦ 2:7; ᐂᓮᐊᓯ 42:1; ᒫᑎᐅᓯ 3:17; ᒫᑯᓯ 1:11; ᓘᑲᓯ 9:35.ᐊᓂᕐᖕᓂᐅᑉ ᐃᑦᔪᕐᖕᓁᑦᑑᑉ ᐊᖅᑲᕐᕕᒋᕚ ᑕᑯᒃᓴᐅᓪᓗᓂ ᑎᖕᒥᐊᑎᑐᑦ ᑑᕕᑎᑐᑦ, ᓂᐱᒥᒃ ᕿᓚᖕᒥᑦ ᓂᓪᓕᖅᑐᖃᖅᐳᖅ, “ᐃᕐᖕᓂᕆᕙᒋᑦ ᓇᒡᓕᒋᔭᕋ; ᖁᕕᐊᒋᑦᓯᐊᖅᑕᕋ.”
ᔩᓱᓯᐅᑉ ᓯᕗᓕᕕᓂᖏᑦ
ᒫᑎᐅᓯ 1:1-17
23ᔩᓱᓯ ᐱᓇᓱᐊᕆᐊᓯᑎᓪᓗᒍ 30 ᖃᓂᒋᔮᓂ ᐊᕐᕌᒍᖃᓕᓚᐅᖅᐳᖅ, ᑖᓐᓇ ᔫᓯᐱᐅᑉ ᐃᕐᖕᓂᕆᕚ, ᐃᓄᐃᑦ ᐃᓱᒪᒋᔭᖏᑎᒍᑦ, ᔫᓯᐱ ᕼᐃᓕᐅᑉ ᐃᕐᖕᓂᕆᕚ, 24ᕼᐃᓕ ᒫᑕᑎᐅᑉ ᐃᕐᖕᓂᕆᕚ, ᒫᑕᑎ ᓕᕔᑉ ᐃᕐᖕᓂᕆᕚ, ᓕᕔ ᒥᓪᑬᑉ ᐃᕐᖕᓂᕆᕚ, ᒥᓪᑬ ᔮᓁᑉ ᐃᕐᖕᓂᕆᕚ, ᔮᓁ ᔫᓯᐱᐅᑉ ᐃᕐᖕᓂᕆᕚ, 25ᔫᓯᐱ ᒪᑕᑍᐊᓯᐅᑉ ᐃᕐᖕᓂᕆᕚ, ᒪᑕᑍᐊᓯ ᐂᒨᓯᐅᑉ ᐃᕐᖕᓂᕆᕚ, ᐂᒨᓯ ᓁᕼᐅᒥᐅᑉ ᐃᕐᖕᓂᕆᕚ, ᓁᕼᐅᒥ ᐃᔅᓕᐅᑉ ᐃᕐᖕᓂᕆᕚ, ᐃᔅᓕ ᓈᒡᒊᑉ ᐃᕐᖕᓂᕆᕚ, 26ᓈᒡᒊ ᒫᑎᐅᑉ ᐃᕐᖕᓂᕆᕚ, ᒫᑎ ᒪᑕᑍᐊᓯᐅᑉ ᐃᕐᖕᓂᕆᕚ, ᒪᑕᑍᐊᓯ ᓰᒥᓂᐅᑉ ᐃᕐᖕᓂᕆᕚ, ᓰᒥᓂ ᔫᓯᑭᐅᑉ ᐃᕐᖕᓂᕆᕚ, ᔫᓯᑭ ᔫᑕᐅᑉ ᐃᕐᖕᓂᕆᕚ, 27ᔫᑕ ᔪᐊᓇᓇᐅᑉ ᐃᕐᖕᓂᕆᕚ, ᔪᐊᓇᓇ ᕇᓴᐅᑉ ᐃᕐᖕᓂᕆᕚ, ᕇᓴ ᔨᕈᐸᐱᐅᓪ ᐃᕐᖕᓂᕆᕚ, ᔨᕈᐸᐱ ᓯᐊᓪᑎᐅᑉ ᐃᕐᖕᓂᕆᕚ, ᓯᐊᓪᑎᐅᓪ ᓂᕅᐅᑉ ᐃᕐᖕᓂᕆᕚ, 28ᓂᕅ ᒥᓪᑬᑉ ᐃᕐᖕᓂᕆᕚ, ᒥᓪᑬ ᐋᑎᐅᑉ ᐃᕐᖕᓂᕆᕚ, ᐋᑎ ᑰᓴᒥᐅᑉ ᐃᕐᖕᓂᕆᕚ, ᑰᓴᒥ ᐃᓪᒪᑕᒥᐅᑉ ᐃᕐᖕᓂᕆᕚ, ᐃᓪᒪᑕᒥ ᐃᕆᐅᑉ ᐃᕐᖕᓂᕆᕚ, 29ᐃᕆ ᔮᓱᐊᑉ ᐃᕐᖕᓂᕆᕚ, ᔮᓱᐊ ᐃᓔᓴᕆᐅᑉ ᐃᕐᖕᓂᕆᕚ, ᐃᓔᓴᕆ ᔪᕆᒥᐅᑉ ᐃᕐᖕᓂᕆᕚ, ᔪᕆᒻ ᒫᑕᑎᐅᑉ ᐃᕐᖕᓂᕆᕚ, ᒫᑕᑎ ᓕᕔᑉ ᐃᕐᖕᓂᕆᕚ, 30ᓕᕔ ᓯᒥᐅᓂᐅᑉ ᐃᕐᖕᓂᕆᕚ, ᓯᒥᐅᓂ ᔫᑕᐅᑉ ᐃᕐᖕᓂᕆᕚ, ᔫᑕ ᔫᓯᐱᐅᑉ ᐃᕐᖕᓂᕆᕚ, ᔫᓯᐱ ᔫᓇᒥᐅᑉ ᐃᕐᖕᓂᕆᕚ, ᔫᓇᒥ ᐃᓕᐊᑭᒥᐅᑉ ᐃᕐᖕᓂᕆᕚ, 31ᐃᓕᐊᑭᒻ ᒥᓕᐊᑉ ᐃᕐᖕᓂᕆᕚ, ᒥᓕᐊ ᒥᓐᓇᐅᑉ ᐃᕐᖕᓂᕆᕚ, ᒥᓐᓇ ᒪᑖᑕᐅᑉ ᐃᕐᖕᓂᕆᕚ, ᒪᑖᑕ ᓁᑕᓂᐅᑉ ᐃᕐᖕᓂᕆᕚ, ᓁᑕᓂ ᑍᕕᑎᐅᑉ ᐃᕐᖕᓂᕆᕚ, ᑍᕕᑎ ᔨᓯᐅᑉ ᐃᕐᖕᓂᕆᕚ, 32ᔨᓯ ᐅᐱᑎᐅᑉ ᐃᕐᖕᓂᕆᕚ, ᐅᐱᑎ ᐳᐊᓯᐅᑉ ᐃᕐᖕᓂᕆᕚ, ᐳᐊᓯ ᓵᓪᒪᓂᐅᑉ ᐃᕐᖕᓂᕆᕚ, ᓵᓪᒪᓐ ᓁᓴᓇᐅᑉ ᐃᕐᖕᓂᕆᕚ, 33ᓁᓴᓇ ᐊᒥᓇᑕᐅᑉ ᐃᕐᖕᓂᕆᕚ, ᐊᒥᓇᑕᑉ ᐊᑦᒥᓂᐅᑉ ᐃᕐᖕᓂᕆᕚ, ᐊᑦᒥᓂ ᐋᕐᓂᐅᑉ ᐃᕐᖕᓂᕆᕚ, ᐋᕐᓂ ᕼᐃᔅᕋᓂᐅᑉ ᐃᕐᖕᓂᕆᕚ, ᕼᐃᔅᕋᓐ ᐱᕆᓯᐅᑉ ᐃᕐᖕᓂᕆᕚ, ᐱᕆᓯ ᔫᑕᐅᑉ ᐃᕐᖕᓂᕆᕚ, 34ᔫᑕ ᔧᑰᑉ ᐃᕐᖕᓂᕆᕚ, ᔧᑯ ᐂᓴᑭᐅᑉ ᐃᕐᖕᓂᕆᕚ, ᐂᓴᑭ ᐂᑉᕋᕼᐊᑉ ᐃᕐᖕᓂᕆᕚ, ᐂᑉᕋᕼᐋᒻ ᑏᕋᐅᑉ ᐃᕐᖕᓂᕆᕚ, ᑏᕋ ᓇᕼᐅᕆᐅᑉ ᐃᕐᖕᓂᕆᕚ, 35ᓇᕼᐅᕆ ᓯᕈᒋᐅᑉ ᐃᕐᖕᓂᕆᕚ, ᓯᕈᒋ ᕆᐅᑉ ᐃᕐᖕᓂᕆᕚ, ᕆᐅ ᐱᓕᒋᐅᑉ ᐃᕐᖕᓂᕆᕚ, ᐱᓕᒋ ᐃᑉᕆᐅᑉ ᐃᕐᖕᓂᕆᕚ, ᐃᑉᕆ ᓰᓚᐅᑉ ᐃᕐᖕᓂᕆᕚ, 36ᓮᓚ ᑬᓇᓂᐅᑉ ᐃᕐᖕᓂᕆᕚ, ᑬᓇᓂ ᐊᕐᐹᒃᓴᑎᐅᑉ ᐃᕐᖕᓂᕆᕚ, ᐊᕐᐹᒃᓴᑎ ᓰᒥᐅᑉ ᐃᕐᖕᓂᕆᕚ, ᓰᒥ ᓄᐊᑉ ᐃᕐᖕᓂᕆᕚ, ᓄᐊ ᓔᒥᑭᐅᑉ ᐃᕐᖕᓂᕆᕚ, 37ᓔᒥᑭ ᒥᑑᓴᓚᐅᑉ ᐃᕐᖕᓂᕆᕚ, ᒥᑑᓴᓚ ᐃᓅᑭᐅᑉ ᐃᕐᖕᓂᕆᕚ, ᐃᓅᑭ ᔭᕆᑎᐅᑉ ᐃᕐᖕᓂᕆᕚ, ᔭᕆᑎ ᒪᕼᐊᓚᓕᐅᑉ ᐃᕐᖕᓂᕆᕚ, ᒪᕼᐊᓚᓕᐅ ᑬᓇᓂᐅᑉ ᐃᕐᖕᓂᕆᕚ, 38ᑬᓇᓂ ᐃᓅᓯᐅᑉ ᐃᕐᖕᓂᕆᕚ, ᐃᓅᓯ ᓰᑎᐅᑉ ᐃᕐᖕᓂᕆᕚ, ᓰᑎ ᐋᑕᒥᐅᑉ ᐃᕐᖕᓂᕆᕚ, ᐋᑕᒥ ᒎᑎᐅᑉ ᐃᕐᖕᓂᖓ.
Currently Selected:
ᓘᑲᓯᐅᑉ ᐊᒡᓚᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.