ᒨᓯᓯ ᐱᖓᔪᖏᑦ 26
26
ᓈᓚᑦᓯᐊᖅᑐᑦ ᐊᑭᓕᖅᑕᐅᓂᖏᑦ
ᒨᓯᓯ ᑕᓪᓕᒪᖏᑦ 7:12-24; 28:1-14
1 #
ᒨᓯᓯ ᐱᖓᔪᖏᑦ 19:4;
ᒨᓯᓯ ᐂᑉᐸᖏᑦ 20:4; ᒨᓯᓯ ᑕᓪᓕᒪᖏᑦ 5:8; 16:21,22; 27:1. “ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᖅᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᖅᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ. 2ᓴᐸᑎᑦ ᐋᖅᑭᒃᓯᒪᔭᒃᑲ ᑲᒪᒋᑦᓯᐊᖅᓯᒋᑦ, ᐃᑦᔪᕐᖕᓁᑎᑕᒃᑲᓗ ᐅᐱᒋᑦᓯᐊᖅᓯᒋᒃ ᐅᕙᖓ ᐊᑕᓂᐅᒐᒪ.
3 #
ᒨᓯᓯ ᑕᓪᓕᒪᖏᑦ 11:13-15; 28:1-14. “ᐱᖁᔭᒃᑲ ᒪᓕᒡᓗᒋ ᐃᓅᒍᑦᓯ, ᒪᓕᒐᒃᓴᐅᖁᔭᒃᑲᓗ ᓈᓚᑦᓯᐊᕈᓯᒋᒃ, 4ᓯᓚ ᓯᓚᓗᒃᑎᖃᑦᑕᕐᖕᓂᐊᖅᐸᕋ ᓈᒻᒪᒃᓯᔭᕌᖓᑦ, ᓄᓇ ᐱᕈᖅᑐᒥᓂᒃ ᓴᖅᑭᑎᑦᓯᖃᑕᕐᖕᓂᐊᖅᐳᖅ ᓂᕿᒃᓴᓂᒃ ᓇᐹᖅᑐᓂᒡᓗ ᐸᐅᕐᖓᓕᖕᓂᒃ. 5ᓂᕿᒃᓮᑦ ᐱᕈᖅᓯᐊᓯ ᐅᓄᖅᑐᒻᒪᕆᐅᓂᐊᖅᐳᑦ ᓂᐊᖂᔭᒃᓴᓂᒃ ᑲᑎᖅᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᖅᓰᓇᓱᒋᐊᖃᓕᖃᑦᑕᕐᖕᓂᐊᖅᐳᓯ, ᓂᕿᒃᓴᖃᖃᑦᑕᕐᖕᓂᐊᐳᓯ ᐊᒥᒐᖅᓯᖏᑦᓯᐊᖅᓗᓯ ᐃᖅᓯᓇᑐᖃᖏᑦᓯᐊᖅᑐᒥ ᓄᓇᖃᕐᖕᓂᐊᕆᕗᓯ.
6“ᓄᓇᓯ ᐅᓇᑕᕐᕕᐅᖃᑕᕐᖕᓂᐊᓐᖏᓚᖅ, ᓯᓂᖃᑦᑕᕐᖕᓂᐊᖅᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᖅᓯᓇᖅᑐᑦ ᓄᓇᑦᓯᓐᓂᑦ ᐊᐅᓪᓚᖅᑎᓐᓂᐊᖅᐸᒃᑲ, ᑕᒫᓂᓗ ᐅᓇᑕᖅᑐᖃᖃᑦᑕᕐᖕᓂᐊᓐᖏᓚᖅ. 7ᐊᑭᕋᑦᓯᓐᓂᒃ ᓵᓚᖃᖅᑎᖃᑕᕐᖕᓂᐊᖅᐸᑦᓯ. 8ᑕᓪᓕᒤᓐᓇᐅᓗᓯ ᓵᓚᖃᕈᓐᓇᕐᖕᓂᐊᖅᐳᓯ 100ᓂᒃ ᐊᑭᕋᑦᓯᓐᓂᒃ, 100ᐅᓗᓯᓗ ᓵᓚᖃᕈᓐᓇᕐᖕᓂᐊᖅᐳᓯ 10,000ᓂᒃ ᐊᑭᕋᑦᓯᓐᓂᒃ. 9ᓮᒻᒪᖅᑎᑦᓱᒪᕙᑦᓯ, ᑭᖑᕚᒃᓴᓕᐅᕐᖕᓂᐊᖅᐳᓯᓗ ᐅᓄᖅᑐᓂᒃ, ᐅᓄᖅᓯᕙᓪᓕᐊᓂᐊᖅᐳᓯᓗ, ᐊᖏᕈᑎᒋᓯᒪᔭᒃᑲᓗ ᐃᓕᑦᓯᓐᓄᑦ ᑲᔪᓯᑎᓐᓂᐊᖅᐸᒃᑲ. 10ᐊᕐᕌᓂᑕᕐᖕᓂᒃ ᓂᕿᖃᖃᑦᑕᕐᖕᓂᐊᖅᐳᓯ ᐊᒡᕖᖅᑎᑦᓴᕆᐊᖃᓕᖅᐸᒡᓗᒋᑦ ᐊᒡᓛᑦ, ᓄᑖᓂᒃ ᓂᕿᒃᓴᓂᒃ ᓯᖅᓗᐊᑦᓯᓐᓄᑦ ᐴᖅᓯᔭᕆᐊᖃᓕᕌᖓᑦᓯ. 11ᐃᓕᑦᓯᓐᓂ ᐃᓂᖃᕈᒪᕗᖓ ᑐᐱᕐᖕᒥ ᐃᑦᔪᕐᖕᓁᑦᑐᕕᖕᒥ, ᐊᓚᕐᖕᓂᐊᓐᖏᓚᑦᓯᓗ. 12#2 ᑯᕆᓐᑎ 6:16.ᐃᓚᒋᓂᐊᖅᐸᑦᓯ, ᐃᓕᑦᓯᓐᓄᑦ ᒎᑎᒋᔭᐅᓗᖓ, ᐃᓕᑦᓯᓗ ᐃᓄᖁᑎᒋᓂᐊᖅᐸᑦᓯ. 13ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᖅᑎᓚᐅᖅᐸᑦᓯ ᐄᑦᔨᑉᑎᒥᑦ ᐃᓖᔭᐅᓪᓗᓯ ᓯᐊᓛᖑᖁᔪᓐᓃᖅᓗᓯ ᐱᔪᓐᓇᕐᖕᓂᖅ ᓯᖁᒥᓚᐅᖅᐸᕋ ᐃᓕᑦᓯᓐᓂᒃ ᐊᔪᓕᖅᑎᑦᓯᓯᒪᓚᐅᖅᑐᖅ ᒪᑭᑕᑦᓯᐊᖅᓗᓯ ᐱᓱᒍᓐᓇᖁᓪᓗᓯ.”
ᓱᒋᐊᖅᑕᐅᓂᒃᓮᑦ ᓈᓚᖏᑦᑐᓄᑦ
ᒨᓯᓯ ᑕᓪᓕᒪᖏᑦ 28:15-68
14 #
ᒨᓯᓯ ᑕᓪᓕᒪᖏᑦ 28:15-68. “ᐅᕙᓐᓂᒡᓕ ᓈᓚᖏᒃᑯᑦᓯ, ᒪᓕᒃᑕᐅᖁᔭᓐᓂᒡᓗ ᑕᒪᒃᑯᓂᖓ ᑲᔪᓯᑎᑦᓯᖏᒃᑯᑦᓯ, 15ᐱᖁᔭᓐᓂᒡᓗ ᒪᓕᒍᒪᖏᒃᑯᑦᓯ, ᐃᓕᑦᓯᓐᓄᓪᓗ ᐊᖏᕈᑎᒋᓯᒪᔭᓐᓂᒃ ᓯᖁᒥᑦᓯᒍᑦᓯ, 16ᑕᕝᕙ ᓱᒋᐊᕐᖕᓂᐊᖅᐸᑦᓯ, ᑲᑉᐱᐊᓇᖅᑐᒻᒪᕆᖕᒥᑦ ᑎᑭᑕᐅᓂᐊᖅᐳᓯ, ᐋᓐᓂᐊᓇᖅᑐᓂᒃ ᐆᑎᕐᖕᓇᕐᖕᓇᖅᑐᓂᒡᓗ ᑕᐅᑐᒍᓐᓁᕐᖕᓇᖅᑐᓂᒡᓗ ᑐᖁᕙᓪᓕᐊᓇᖅᑐᓂᒡᓗ. ᐱᕈᖅᓰᕕᑦᓯᓐᓄᑦ ᐱᕈᖅᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᖕᓂᐊᖅᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᖕᓂᐊᕐᖕᒪᑕ. 17ᐊᓚᕐᖕᓂᐊᖅᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᖅᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᖕᓂᐊᖅᐸᓯ, ᕿᒫᖃᑦᑕᕐᖕᓂᐊᖅᐳᓯᓗ ᖃᓄᐃᓕᐅᖅᑕᐅᖏᒃᑲᓗᐊᖅᑎᓪᓗᓯ.
18“ᑕᒪᒃᑯᐊ ᐊᑐᓚᐅᖅᑎᓪᓗᒋᑦ ᓱᓕ ᓈᓚᖏᒃᑯᑦᓯ, ᓱᒋᐊᒃᑲᓐᓂᕈᒫᖅᐸᑦᓯ 7ᐃᖅᑑᑎᓪᓗᐊᖏᓐᓂᑦ ᐱᐅᖏᓐᓂᖅᓴᓂᒃ. 19ᓇᖕᒥᓂᖅ ᒪᑭᑕᔪᓐᓇᕋᓱᒋᓂᖅ ᐃᓱᒪᑦᓯᓐᓃᑦᑐᖅ ᓯᖁᒥᓐᓂᐊᖅᐸᕋ; ᓯᓚᓗᖃᑦᑕᕈᓐᓁᕐᖕᓂᐊᖅᐳᖅ ᓄᓇᑦᓯᓐᓄᑦ ᓄᓇᓯᓗ ᓴᕕᕋᔭᒃᑐᑦ ᓯᑎᒃᑎᓐᓂᐊᖅᐳᖅ. 20ᐊᒃᓱᕈᖅᓗᓯ ᓴᓇᓇᓱᐊᕐᖕᓂᓯ ᑕᒪᐅᖓᑐᐃᓐᓈᕐᖕᓂᐊᖅᐳᖅ, ᓄᓇᖁᑎᓯ ᐱᕈᖅᑐᒥᓂᒃ ᓴᖅᑭᑎᑦᓯᔪᓐᓁᕐᖕᓂᐊᕐᖕᒪᑦ, ᓇᐹᖅᑐᐃᓪᓗ ᓄᓇᖁᑎᑦᓯᓐᓃᑦᑐᑦ ᐸᐅᕐᖓᒥᖕᓂᒃ ᓴᖅᑭᑎᑦᓯᔪᓐᓁᕐᖕᓂᐊᕆᕗᑦ.
21“ᓱᓕ ᐅᕙᓐᓄᑦ ᓵᖓᓇᓱᐊᖏᒃᑯᑦᓯ ᓈᓚᒍᒪᖏᓪᓗᓯᓗ ᐅᕙᓐᓂᒃ, ᓱᒋᐊᖅᑕᐅᓂᓯ ᐊᖏᒡᓕᑎᒃᑲᓐᓂᕐᖕᓂᐊᖅᐸᕋ 7ᐃᖅᑑᑎᓪᓗᐊᖏᓐᓂ, ᐱᐅᖏᑦᑐᓕᓂᓯ ᒪᓕᒡᓗᒍ. 22ᓂᕐᔪᑎᓂᑦ ᐃᖅᓯᓇᖅᑐᓂᑦ ᑎᑭᑕᐅᑎᖃᑦᑕᕐᖕᓂᐊᖅᐸᑦᓯ, ᕿᑐᕐᖓᑦᓯᓐᓂᒡᓗ ᑐᖁᑦᓯᑲᑦᑕᕐᖕᓂᐊᖅᐳᑦ, ᓂᕐᔪᑎᖁᑎᑦᓯᓐᓂᒡᓗ ᑐᖁᕅᓂᐊᖅᐳᑦ, ᐅᓄᕈᓐᓃᕐᖕᓂᐊᖅᐳᓯᓗ ᐊᖅᑯᑏᑦ ᓄᓇᑦᓯᓐᓃᑦᑐᑦ ᐃᓄᖃᕈᓐᓁᖅᓗᑎᒃ.
23“ᑕᒪᒃᑯᐊ ᐱᒐᓗᐊᖅᑎᓪᓗᒋᑦ ᐋᖅᑭᒃᓱᐃᓂᕋ ᐃᓚᓕᐅᖏᒃᑯᓯᐅᒃ, ᐅᕙᓐᓂᒡᓗ ᓱᓕ ᑲᒪᖏᒃᑯᑦᓯ, 24ᐅᕙᖓ ᓇᖕᒥᓂᖅ ᐊᑭᕋᖅᑐᓕᕐᖕᓂᐊᖅᐸᑦᓯ, ᓱᒋᐊᕐᖕᓂᐊᖅᐸᑦᓯᓗ ᐱᐅᖏᑦᑐᓕᓂᓯ ᐱᓪᓗᒍ ᓱᒋᐊᖅᑕᐅᓂᒃᓮᑦ ᐅᖃᐅᓯᕆᔭᒃᑲ 7ᐃᖅᑐᖅᓗᒋᑦ ᑲᑉᐱᐊᓇᕐᖕᓂᖅᓴᓂᒃ. 25ᐅᓇᑕᕐᖕᓂᕐᖕᒥᑦ ᑎᑭᑕᐅᑎᓐᓂᐊᖅᐸᑦᓯ ᓱᒋᐊᖅᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᖅᑐᓂᑦ ᐱᔪᓐᓁᖅᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᖅᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᖅᓗᓯ. 26ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᖕᓁᑦ ᖁᓕᑦ ᐃᒐᒥᒃ ᐊᑕᐅᓯᕐᖕᒥᒃ ᓂᕿᓕᐅᕐᖕᓂᕐᖕᒧᑦ ᓈᒻᒪᒋᔭᖃᓕᕋᔭᖅᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᖅᑕᐅᓗᓂ ᓂᕆᑎᑕᐅᖃᑦᑕᓕᖅᓗᓯ, ᓂᕆᓂᐊᖅᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.
27“ᑍᒤᓚᐅᕋᓗᐊᖅᑎᓪᓗᒍ ᓱᓕ ᐅᕙᓐᓂᒃ ᑲᒪᔪᒪᖏᒃᑯᑦᓯ, ᓈᓚᒍᒪᖏᓪᓗᓯᓗ ᐅᕙᓐᓂᒃ, 28ᓂᓐᖓᐅᒪᓂᕐᖕᒧᑦ ᐃᓕᑦᓯᓐᓄᑦ ᓵᓐᓂᐊᖅᐳᖓ, ᓱᒋᐊᕐᖕᓂᐊᖅᐸᑦᓯᓗ ᐊᖏᓂᖅᓴᒥᒃ ᓯᕗᓪᓕᕐᖕᓂᑦ 7ᐃᖅᑐᖅᓗᒋᑦ ᐱᐅᖏᓐᓂᖅᓴᐅᔪᓂᒃ. 29ᐊᒃᓱᒻᒪᕆᐊᓗᒃ ᑳᖃᑦᑕᖅᓗᓯ, ᑳᖕᓂᕐᖕᒧᑦ ᐊᒡᓛᑦ ᕿᑐᕐᖓᓯ ᓂᕿᒋᓕᖅᓗᒋᑦ. 30ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᖅᐸᒃᑲ, ᐃᓯᖅᓗᐊᕐᖕᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᖅᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᖅᑐᓄᑦ, ᓂᓐᖓᐅᒪᓗᖓ. 31ᐃᒡᓗᒐᓴᒡᔪᐊᓯ ᓯᖁᑦᑎᕐᖕᓂᐊᖅᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᖅᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᖕᓂᐊᓐᖏᓚᒃᑲ. 32ᓄᓇᓯ ᐊᓯᕈᕐᖕᓂᐊᖅᐸᕋ ᓱᓇᐅᔪᓐᓁᖅᑎᓪᓗᒍ, ᐊᑭᕋᓯ ᐊᒡᓛᑦ ᑕᑕᒥᓐᓂᐊᖅᐳᑦ ᓄᓇᑦᓯ ᐊᓯᕈᖅᓯᒪᓂᖓᓂᒃ. 33ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᖅᑎᓪᓗᓯ ᓯᐊᒻᒪᖅᑎᑦᓱᒫᖅᐸᑦᓯ, ᐅᓇᑕᕐᖕᓂᕐᖕᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᖅᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᖅᐳᑦ. 34ᑍᒤᑉᐸᑦ ᓄᓇ ᑕᕾᖅᓯᑦᓯᐊᕋᔭᖅᐳᖅ ᕿᒪᒃᑕᐅᓯᒪᓕᖅᓗᓂ ᓄᓇᒋᓐᖏᑕᑦᓯᓐᓄᓪᓗ ᐊᐅᓪᓚᖅᑎᑕᐅᓯᒪᓕᖅᓗᓯ ᐊᑭᕋᑦᓯ ᓄᓇᖏᓐᓂ. 35ᓄᓇ ᐃᓄᖃᕈᓐᓁᕈᓂ ᑕᕾᖅᓯᑦᓯᐊᕋᔭᖅᐳᖅ, ᑕᒫᓃᑎᓪᓗᓯ ᑕᕾᖅᓯᕈᓐᓇᓚᐅᖏᓪᓗᓂ.
36“ᐃᓕᑦᓯᓐᓂᓪᓗ ᐊᒥᐊᒃᑯᑦ ᕿᒫᑎᑕᐅᓯᒪᔪᑦ ᐊᑭᕋᑦᓯᓐᓃᑎᑕᐅᔪᑦ, ᐃᖅᓯᓂᕐᖕᒥᒃ ᐱᑎᑦᓱᒪᕙᒃᑲ ᐊᒡᓛᑦ ᓇᐹᖅᑑᑉ ᐅᖃᐅᔭᖏᓐᓂᒃ ᐊᓄᕆᒧᑦ ᐊᐅᓚᑕᐅᔪᓂᒃ ᕿᒫᖃᑦᑕᓕᕋᔭᖅᐳᑦ. ᑕᒪᒃᑯᓂᖓ ᕿᒫᖃᑦᑕᓕᕋᔭᖅᐳᑦ ᐅᓇᑕᕐᖕᓂᕐᖕᒧᑦ ᐊᑭᕋᒥᖕᓂᑦ ᒪᓕᒃᑕᐅᔪᑐᑦ, ᐹᓪᓚᖃᑦᑕᓕᖅᓗᑎᒡᓗ ᕿᒫᑎᑕᐅᓇᓱᖏᒃᑲᓗᐊᖅᓗᑎᒃ. 37ᐊᓯᒥᓄᓪᓗ ᓈᓪᓗᑎᒃ ᐹᓪᓚᖃᑦᑕᓕᖅᓗᑎᒃ, ᕿᒫᑎᑕᐅᔪᑎᑐᑦ, ᒪᓕᒃᑕᐅᖏᒃᑲᓗᐊᖅᓗᑎᒃ, ᐊᑭᕋᑦᓯᓐᓂᒡᓗ ᐊᑭᒪᔪᓐᓁᓪᓕᒐᔭᖅᐳᓯ. 38ᐃᓅᖃᑎᒌᒡᔪᐊᓄᑦ ᐊᐅᓪᓚᖅᑎᑕᐅᓯᒪᓗᓯ ᑐᖁᔪᒫᖅᐳᓯ, ᐊᑭᕋᑦᓯ ᓄᓇᖏᓐᓂᑦ ᐅᒋᐊᖅᑕᐅᔪᒫᖅᐳᓯ. 39ᐃᓕᑦᓯᓗ ᐊᒥᐊᒃᑰᔪᓯ ᓄᖑᑉᐸᓪᓕᐊᔪᒫᖅᐳᓯ ᐊᑭᕋᑦᓯ ᓄᓇᖏᓐᓂ ᐊᔪᕐᖕᓂᓯ ᐱᑦᔪᑎᒋᓪᓗᒋᑦ; ᓯᕗᓕᑦᓯᓗ ᐊᔪᕐᖕᓂᖏᑦ ᐱᑦᔪᑎᒋᓪᓗᒋᑦ.
40“ᑭᖑᕚᓯᓕ ᖃᕿᐊᓕᖅᐸᑕ ᐊᔪᕐᖕᓂᕐᖕᒥᖕᓂᒃ ᓯᕗᓕᖏᑕᓗ ᐊᔪᕐᖕᓂᖏᓐᓂᑦ, ᐅᕙᓐᓂᒃ ᐊᓚᐅᒪᓇᓱᐊᕐᖕᓂᕐᖕᒥᖕᓂᒃ ᐊᑭᕋᖅᑐᕐᖕᓂᕐᖕᒥᖕᓂᒡᓗ, 41ᑖᒃᑯᓂᖓ ᐊᑭᕋᖅᑐᓕᕈᑎᒋᓚᐅᖅᑕᓐᓂᒃ, ᐊᐅᓪᓚᖅᑎᑦᓯᑦᔪᑎᒋᓚᐅᖅᑕᓐᓂᒡᓗ ᐊᑭᕋᖏᑕ ᓄᓇᖏᓐᓄᑦ, ᑍᒫᒃ ᑭᖑᕚᓯ ᐃᒻᒥᖕᓂᒃ ᒥᑭᒡᓕᑎᖅᐸᑕ ᑕᕝᕙ ᐊᑭᓖᒐᔭᖅᐳᑦ ᐊᔪᕐᖕᓂᕐᖕᒥᖕᓄᑦ ᓱᒋᐊᖅᑕᐅᑦᔪᑎᒥᖕᓂᒃ ᐊᑭᕋᖅᑐᕐᖕᓂᕐᖕᒥᖕᓂᒡᓗ. 42#ᒨᓯᓯ ᓯᕗᓪᓖᑦ 28:13,14; ᒨᓯᓯ ᓯᕗᓪᓖᑦ 26:3,4; ᒨᓯᓯ ᓯᕗᓪᓖᑦ 17:7,8.ᑕᕝᕙ ᐃᖅᑬᓕᕋᔭᖅᐳᖓ ᐊᖏᖃᑎᒌᒍᑎᒋᓯᒪᔭᓐᓂᒃ ᔧᑯᒧᑦ, ᐂᓴᑭᒧᓪᓗ, ᐂᑉᕋᕼᐋᒻᒧᓪᓗ, ᐊᖏᕈᑎᒋᓯᒪᔭᕋ ᓄᓇ ᐃᓄᖁᑎᓐᓄᑦ ᓄᑖᓐᖑᖅᑎᓕᕋᔭᖅᐸᕋ. 43ᓄᓇ ᑭᓯᐊᓂ ᐃᓄᖏᓐᓂᑦ ᕿᒪᒃᑕᐅᔭᕆᐊᖃᕈᒫᕐᖕᒪᑦ, ᑕᕾᖅᓯᑦᓯᐊᕈᓐᓇᖁᓪᓗᒍ, ᐃᓄᐃᓪᓗ ᐊᑭᓖᔭᕆᐊᖃᓕᖅᓗᑎᒃ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᓈᓚᓚᐅᖏᓐᓂᕐᖕᒥᖕᓂᒃ. 44ᑍᒤᒃᑲᓗᐊᖅᐸᑦ, ᐊᑭᕋᒥ ᓄᓇᖏᓐᓃᒃᑲᓗᐊᖅᐸᑕ, ᕿᒪᒻᒪᕆᖕᓂᐊᓐᖏᓚᒃᑲ ᑐᓄᐃᓂᕐᖕᒧᓪᓗ ᓄᖑᑎᒻᒪᕆᖕᓂᐊᓐᖏᓚᒃᑲ, ᓄᖑᑕᐅᒻᒪᕆᒃᐸᑕ ᐊᖏᖃᑎᒌᒍᑎᒋᓯᒪᔭᕋ ᓄᖑᖁᓇᒍ. ᐅᕙᖓ ᐊᑕᓂᐅᒐᒪ ᑖᒃᑯᐊ ᒎᑎᖓᑦ. 45ᑖᒃᑯᐊᓕ ᐱᑦᔪᑎᒋᓪᓗᒋᑦ ᐊᖏᖃᑎᒌᒍᑎᒋᓯᒪᔭᕋ ᓯᕗᓕᖏᓐᓄᑦ ᐃᖅᑲᐅᒪᔪᒪᕙᕋ ᑖᒃᑯᐊ ᐊᐅᓪᓚᖅᑎᓚᐅᕋᒃᑭᑦ ᐄᑦᔨᑉᑎᒥᑦ ᐃᓅᖃᑎᒌᒡᔪᐊᑦ ᐱᔪᓐᓇᕐᖕᓂᓐᓂᒃ ᑕᑯᑎᓚᐅᕋᒃᑭᑦ, ᐃᓄᖁᑎᓐᓄᑦ ᒎᑎᒋᔭᐅᔪᒪᓪᓗᖓ. ᐅᕙᖓ ᐊᑕᓂᐅᒐᒪ.”
46ᑕᒪᒃᑯᐊ ᑕᒪᑦᔭ ᒪᓕᒊᑦ ᐱᖁᔧᓪᓗ, ᐊᑕᓂᐅᑉ ᑐᓂᓚᐅᖅᑕᖏᑦ ᒨᓯᓯᒧᑦ ᖃᖅᑲᒥ ᓮᓁᒥ ᐃᓄᖁᑎᒥᓄᑦ ᐃᓴᕆᐊᓕᓄᑦ.
Currently Selected:
ᒨᓯᓯ ᐱᖓᔪᖏᑦ 26: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.