Popular Bible Verses from ᒨᓯᓯ ᐱᖓᔪᖏᑦ 26

ᐃᓚᒋᓂᐊᖅᐸᑦᓯ, ᐃᓕᑦᓯᓐᓄᑦ ᒎᑎᒋᔭᐅᓗᖓ, ᐃᓕᑦᓯᓗ ᐃᓄᖁᑎᒋᓂᐊᖅᐸᑦᓯ.

ᓯᓚ ᓯᓚᓗᒃᑎᖃᑦᑕᕐᖕᓂᐊᖅᐸᕋ ᓈᒻᒪᒃᓯᔭᕌᖓᑦ, ᓄᓇ ᐱᕈᖅᑐᒥᓂᒃ ᓴᖅᑭᑎᑦᓯᖃᑕᕐᖕᓂᐊᖅᐳᖅ ᓂᕿᒃᓴᓂᒃ ᓇᐹᖅᑐᓂᒡᓗ ᐸᐅᕐᖓᓕᖕᓂᒃ.

“ᐱᖁᔭᒃᑲ ᒪᓕᒡᓗᒋ ᐃᓅᒍᑦᓯ, ᒪᓕᒐᒃᓴᐅᖁᔭᒃᑲᓗ ᓈᓚᑦᓯᐊᕈᓯᒋᒃ

“ᓄᓇᓯ ᐅᓇᑕᕐᕕᐅᖃᑕᕐᖕᓂᐊᓐᖏᓚᖅ, ᓯᓂᖃᑦᑕᕐᖕᓂᐊᖅᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᖅᓯᓇᖅᑐᑦ ᓄᓇᑦᓯᓐᓂᑦ ᐊᐅᓪᓚᖅᑎᓐᓂᐊᖅᐸᒃᑲ, ᑕᒫᓂᓗ ᐅᓇᑕᖅᑐᖃᖃᑦᑕᕐᖕᓂᐊᓐᖏᓚᖅ.

ᓮᒻᒪᖅᑎᑦᓱᒪᕙᑦᓯ, ᑭᖑᕚᒃᓴᓕᐅᕐᖕᓂᐊᖅᐳᓯᓗ ᐅᓄᖅᑐᓂᒃ, ᐅᓄᖅᓯᕙᓪᓕᐊᓂᐊᖅᐳᓯᓗ, ᐊᖏᕈᑎᒋᓯᒪᔭᒃᑲᓗ ᐃᓕᑦᓯᓐᓄᑦ ᑲᔪᓯᑎᓐᓂᐊᖅᐸᒃᑲ.

ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᖅᑎᓚᐅᖅᐸᑦᓯ ᐄᑦᔨᑉᑎᒥᑦ ᐃᓖᔭᐅᓪᓗᓯ ᓯᐊᓛᖑᖁᔪᓐᓃᖅᓗᓯ ᐱᔪᓐᓇᕐᖕᓂᖅ ᓯᖁᒥᓚᐅᖅᐸᕋ ᐃᓕᑦᓯᓐᓂᒃ ᐊᔪᓕᖅᑎᑦᓯᓯᒪᓚᐅᖅᑐᖅ ᒪᑭᑕᑦᓯᐊᖅᓗᓯ ᐱᓱᒍᓐᓇᖁᓪᓗᓯ.”

ᐃᓕᑦᓯᓐᓂ ᐃᓂᖃᕈᒪᕗᖓ ᑐᐱᕐᖕᒥ ᐃᑦᔪᕐᖕᓁᑦᑐᕕᖕᒥ, ᐊᓚᕐᖕᓂᐊᓐᖏᓚᑦᓯᓗ.

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᖅᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᖅᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᐊᕐᕌᓂᑕᕐᖕᓂᒃ ᓂᕿᖃᖃᑦᑕᕐᖕᓂᐊᖅᐳᓯ ᐊᒡᕖᖅᑎᑦᓴᕆᐊᖃᓕᖅᐸᒡᓗᒋᑦ ᐊᒡᓛᑦ, ᓄᑖᓂᒃ ᓂᕿᒃᓴᓂᒃ ᓯᖅᓗᐊᑦᓯᓐᓄᑦ ᐴᖅᓯᔭᕆᐊᖃᓕᕌᖓᑦᓯ.

ᑕᓪᓕᒤᓐᓇᐅᓗᓯ ᓵᓚᖃᕈᓐᓇᕐᖕᓂᐊᖅᐳᓯ 100ᓂᒃ ᐊᑭᕋᑦᓯᓐᓂᒃ, 100ᐅᓗᓯᓗ ᓵᓚᖃᕈᓐᓇᕐᖕᓂᐊᖅᐳᓯ 10,000ᓂᒃ ᐊᑭᕋᑦᓯᓐᓂᒃ.

ᓂᕿᒃᓮᑦ ᐱᕈᖅᓯᐊᓯ ᐅᓄᖅᑐᒻᒪᕆᐅᓂᐊᖅᐳᑦ ᓂᐊᖂᔭᒃᓴᓂᒃ ᑲᑎᖅᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᖅᓰᓇᓱᒋᐊᖃᓕᖃᑦᑕᕐᖕᓂᐊᖅᐳᓯ, ᓂᕿᒃᓴᖃᖃᑦᑕᕐᖕᓂᐊᐳᓯ ᐊᒥᒐᖅᓯᖏᑦᓯᐊᖅᓗᓯ ᐃᖅᓯᓇᑐᖃᖏᑦᓯᐊᖅᑐᒥ ᓄᓇᖃᕐᖕᓂᐊᕆᕗᓯ.

ᐊᑭᕋᑦᓯᓐᓂᒃ ᓵᓚᖃᖅᑎᖃᑕᕐᖕᓂᐊᖅᐸᑦᓯ.

ᓴᐸᑎᑦ ᐋᖅᑭᒃᓯᒪᔭᒃᑲ ᑲᒪᒋᑦᓯᐊᖅᓯᒋᑦ, ᐃᑦᔪᕐᖕᓁᑎᑕᒃᑲᓗ ᐅᐱᒋᑦᓯᐊᖅᓯᒋᒃ ᐅᕙᖓ ᐊᑕᓂᐅᒐᒪ.