Joj 24
24
Jojue tøsï hankal Israelag ndool
1Jojue kaw girr Israelag tube kïnat þet kï Sikem na kun kïbog kï bïrabøwg kï ngégangtag kï bïradøg lo Israel. Ðe ða nõ Luwaht. 2Jojue el deg tube an: Titbe kel Bïraþe Luwah lo Israel: Maði bøwsïg Terah kï bøw Abraham kï Nakør ndïn gid bah Eprat't, na ðan þer lo yog, 3kamla m'un bøwsï Abraham gid baht ko mad, m'ada lago døning Kanaa kïtaagbe, m'ad ngakaa bïlan kïdøtdøt na m'ada Isaak. 4M'ad Isaak Jakob kï Esaw, m'ad Esaw døning mbal Seir nyakagþet, na Jakob kï nganïn awïn Ejipt't. 5M'la Moij kï Aarõ, na m'nda Ejiptiag kï nyàg kïyaya'n m'ða kudt. Kamla m'tee sesï kïtïga, 6m'tee kï bøwsïg kam Ejipt't kïtïga na a teen bahbot. Ejiptiag tuþan go bøwsïg mbã bahbot kïkïre kï pusïðøøg kï ngesïndag. 7Bøwsïg kon kïdø Bïraþet, na Bïraþe nda til diw mbïnasït kï Ejiptiag, gog got tel kï man bahbo utïn død. Kumsï oo nya'n m'ða kï Ejiptiag. Na i ndian kam dïlalot kaglo ngãibe. 8Kamla m'ðe sesï kam døningt lo Amoriag'n ndïn gid bah Jurrdët. Ðøøn sesï na m'lad jisït ad i taan døning lod nyakagþet na m'nujd kø nõsït. 9Gog got Balak ngon Sipor ngar kï Moab þai ro kï Israel. La kun Balam ngon Beor kad ndølsï. 10Na m'oo dø ta la Balam al, ad Balam njang døsï. Titbe m'ug m'ørrsï ji Balakt. 11Kamla i gangïn bah Jurrdë i teen Jeriko. Deg kï Jeriko ðøøn sesï, Amoriag, kï Perjiag, kï Kanaag, kï Hetiag, kï Jebusiag ðøøn sesï tø ho, na m'lad jisït. 12M'la kï yetg kïtootþool kad tuþand nõsït tit ngarg kïjoo lo Amoriag. I kïtakul kiyaðøø ke gã kïrã losï al. 13M'adsï døning'n i ndøøn al, kï þebog'n i ðan al, na i ndïnt. Dînduug kï kag olibieg'n i høn al ye, i ndï san kand'd.
Israelag køtïn kïlaþer lo Bïraþe
14Tajigla i þoolïn Bïraþe, i ðan kïlaþer loa kï ro tîsïn kï nyaðakïro. Ørrïn yog'n bøwsïg ðan þer lod gid baht døning Ejipt't kø, na i ðan þer lo Bïraþe al. 15Îla i ndigïn al kad i ðan þer lo Bïraþe a ne, þone i køtïn in a i ðan þer loa, ke yog'n bøwsïg ðan þer lod gid baht, ke yog lo Amoriag'n i ndïn døningt lod, na mî ngékïþe lom ta ne, j'a kï ða þer lo Bïraþe. 16Kamla deg turïn anan: Tagah kï titbe goto kamjt kad kï nyan Bïraþe ko na kï tel kï ða þer lo yog. 17Kïtø i Bïraþe Luwah loj la tee sej kam Ejipt't kïtïga, ørrj kï bøwjg kam þeþert, ða nyakøjg kïbobo takumjt, ngomj dø ðobgt tube'n kï ndiant dan degt, îgïn kï tøin kudt. 18Bïraþe tuþa girrdeg tube nõjt kï Amoriag ngendï døningt'n ðan. Jî tø j'a kï ða þerg ad Bïraþe kïta i Luwah loj. 19Jojue el deg an: A asïn ða þer lo Bïraþe al, kïta Luwah i kïkunjðang, i Luwah kï Ngejàng. A i nyan go tøidøtag losï kï majalg losï kø al. 20Lon i nyan Bïraþe kø, na i ðan þer lo yog kïdangdang, ke neni ðasï maj kete kaa a tel ðasï majal, a nujsï kø. 21Deg turïn Jojue anan: A a. Bïraþe la j'a kï ða þer loa ye. 22Kamla Jojue el deg an: În kïdøsï in ngemanaj, in la i køtïn Bïraþe kad i ðan þer loa ye. Turïn anan: Jî ngémanaj døt. 23Eld an: Titbe, tajigla ørrïn yog kïdangdang dansït kø, na i telïn ngar kamsï kï ro Bïraþe Luwaht lo Israel. 24Deg turïn Jojue anan: J'a kï ða þer lo Bïraþe Luwah loj, j'a kï tel roj go tat loa. 25Ndøt'n non la Jojue un køn nat kï deg, Sikemt, na ad'd mberkïndag kï tagkïgang. 26Jojue ndang tag 'nten kam maktub mberkïndat lo Luwah. Gog got un mbal kïbo, uda ad ða døngirr kag dilt lot'n non kam lot kïjaþat lo Bïraþe. 27Na Jojue el deg tube an: Oon, mbal'n ðan i ngemanaj døjt, kïta oo dø tag tube'n Bïraþe elj. A i ngemanaj kïdøsït kïtakad i mbetïn Luwah losï al. 28Kamla Jojue nya deg ad awïn, dekïðen tel aw kam døningt'n i nyandubat lon,
Koi Jojue
29Go nyagt'n non Jojue ngon Nun kï þer lo Bïraþe oi, þala i þu kïkïlah. 30Dubïna kam døning nyandubat loa, þet kï Timna Serak kam mbalbot lo Epraim ko þodo lo mbalbo Gaas. 31Israel ða þer lo Bïraþe kam ndøgt tube'n Jojuet, ndïn kï døn dõ, kï ndøg tube'n kïbog ndïn ne kï død dõ go Jojuet'n gerïn nyag tube'n Bïraþe ða kïta Israel.
32Kïnga Jojep'n Israelag øin Ejipt't ye, duwïn Sikem kam gaj døningt'n Jakob ndu go ji ngan Hamørt kï bøw Sikem kï nar arjã þu, na i nyanduba lo ngan Jojep. 33Eleajar ngon Aarõ oi, na duwïna Gibeat, þebo'n adïn ngona Pines, kam þalbot lo Epraim.
Juda kï Simeõ ðøøn kïta Israel.
Currently Selected:
Joj 24: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.