Joj 23
23
Jojue elta kï Israelag.
1Lon Bïraþe ad Israelag taan kó kaglo ngãi, na ug ørrd ji madngétadgt tubeg'n gugïn død ye, Jojue tel bïga, þala i ngãi. 2Kamla Jojue kun Israelag tube kï kïbog lod kï mbaiþeg lod kï ngégangtag lod kï bïradøg lod na eld an: Mî taa m'tel þuga, þalïm i ngãi. 3În taa, oon nyag tube'n Bïraþe Luwah losï ða kïtatøsï dø girrdegt kïdangdang kïta i Bïraþe Luwah losï la ðøø kïtatøsï ye. 4Oon, m'kegsï ndeg girrdeg kïnãi kad in nyanduba lo girrdeg losï, nat kï girrdeg'n m'nujd kø ko bah Jurrdët mbã kï bahbot kï lokudkàd. 5Bïraþe Luwah losï a øsïd nõsït, a tuþad takumsït kø kad i taan døning lod nyakagþet tit'n Bïraþe Luwah losï elsïn. 6I telïn ngetøgg ngang kad i ngomïn go nyag tube kï ndangïn kam maktub mberkïndat lo Moij kïkanj kad i tøn kokõ, ke kogel. 7Ot burïn na kï girrdeg kïdangdang'n nãin kusït, ot kunïn tø yog lod, ot ndan yo kï tød, ot ðan þer lod, ot køsïn døsï ber nõdt. 8Na i la i tïnyan na kï Bïraþe Luwah losï tit'n i ðan ne mbã þone, 9Bïraþe a tuþa girrdeg kïdangdang kïbog kï kïngang nõsït kø, na mbã þone kaa de mad kï go tøgt kï ða nõsït goto. 10De kïðabe kusït kaa tuþa deg dub kïta Bïraþe Luwah losï ðøø kïtasï tit'n elsï'n. 11Kïtø 'nten oon go rosï maj, i tarïn Bïraþe Luwah. 12Kïtø îla i telïn kï gog na i tïnyan na kï girrdeg kïdangdang kï nãin kusït, îla i taan na sed, îla i taan ngandg kïdë, în tø taan kïlosïg a ne, 13maj kad i gerïn, Bïraþe Luwah losï a tuþa girrdeg'n non nõsït al, a în band kï gum kïtasï, kï nde kadsït kï kõn kumsït mbã kad i nujïn kø kam døningt kïmaj'n Bïraþe Luwah losï adsï.
14Oon, þone m'a m'aw titïn nyàg tube kï døningt. Na in ta i gerïn kamsït þet ta kïða ku tagt kïmaj tube'n Bïraþe Luwah losï el døsït a tøi kø al, na tag tube'n el ye, a tølïn kondïn døsït kïkïða kï toi kø kari goto. 15Tit'n kunkøg tube'n Bïraþe Luwah un sesï, tølïn kond døsït ye, titbe tø la Bïraþe a tølkon nyàg kï majal tube kïdøsït mbã kad nujsï kø kam døningt kïmaj'n Bïraþe Luwah losï adsï, 16îla i tøin dø kunkø'n Bïraþe Luwah losï ndasï mbera, na awïn go yogt, øsïn døsï ber nõdt. Wong kïtalsøkïr lo Bïraþe a so døsït, a nujsï kø kanangbe kam døningt kïmaj'n adsï.
Currently Selected:
Joj 23: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.