Ngt Takïdøt
Takïdøt
Maktub lo Ngégantag elta dø nyag'n teen dø ngan Israelt go koi ngekørnõd Josue. Tajigne ngan Israelg awïn kï deg kï kad ørrïn nõd gotat. I kaglo kï ngang ngãi ho, nyag ton rod ngãi tø, ngan Israelg awïn kï deg kï a kunïnd ngégantag, in dekïdïngãg kï dekïdëg.
Ngégangtag in deg'n Luwah la sed kad ørrïn ngan Israelg kamkõt. Ngan Israelg ðan nyakïgootal, Bïraþe a la girrdeg kad ðe nda øjïnd, got Luwah a la kï de ad ðe ug ørrd kam þert. Na ngonsî ngan Israel a þain kï kïlaðat kï kïða nõ, ad nyan ðob lo Bïraþe, ad Bïraþe a lad ji girrdegt kï majal'n gugïn død. Ngan Israelg kon kï dø Bïraþe þaitø, kad la kï ngegangtag ad'd. Ngégangtag kïla lod i kïta la nooj ngan Israel nat kï Luwah. A elïn Luwah kad ðe ða sed na îg taa ne, kïla lod i kørr ngan Israelg ji madngétagt. Kaglo mad a gangïn ta kï denesew dan degt kïta ðan kïla lod, Luwah ad'd ndil kad ørrïn nõd, ad i tøg mad kï þai ko ro Luwaht.
Maktub lo ngégangtag maba girrïn ðob ninat 1 njørra 1 teen ðob ninat 3, njørra 6 ørrj hoi ngan Israelg lon ðe ndan ne þe mbïna girrdegt kïdangdang.
Got maktub lo ngégangtag þai ðø ðob ninat 3 njørra 7 teen ðob nina 16 njørra 31 elta lo Ehud, Debora in i dekïdë kï nge kelta kï ta Luwaht, kï ngégangta Jedeõ, Jepte kï Samsõ.
Ngon Jedeõ kïdïngã tøa i Abimelek, sah ðob kad n'tela ngar dø ngan Israelt na na'n nã kï tel ngar ad deg majïn na ta ngãi dø kõþet lo ngar.
Maktub lo ngégangtag kam ðob ninat kïmi kïdøboit elta dø nyagt kïgootal'n to kam døningt lo ngan Israelg. Kïdasa i ta lo girrdeg kï Dant (ðob nina 17 teen 18). Kï kõjoo i girrdeg kï Benjamint (ðob nina 19 teen 21). Ndï ørrj hoi nyag kï ða kïgo lo ngetøgt, nya'n maj kad kï ger kaglot lo ngégangta, maj kad majal õþe dødt al, na kï nda øjïn îgin tøin dø ta, na maj kad ða kï deg'n non kad tel lan nooj nat kï ndeg deg gog. Kïtø 'nten ngan Israelg'n ðøøn kï girrdeg kï Benjamint, sahn ðob kad girrdeg kï Benjamint tujïn al, na kï ngahn død.
Kaglot lo ngégangtag, ngar kï õþe dø Israelt goto, de kï kad un ndin dø nyagt kï øj dø ndia lo kõþe. Ngan Israelg asïn koo ta na al, deg kïðen kaa ða nya kï kamïn ndig. Titbãi i root kad deg ndan þe nat kïkanj koo ta ta nat.
Currently Selected:
Ngt Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.