Iburanian 12
12
1 #
Bur 10:36; Rom 7:21; 1 Kor 9:24. Aso naarai kilukunit oni kere elisina loepol loetia nen, loka ikajenak, kalacasi ŋinibore kere yenelaŋir; adiakar da naepatanikinit aigogo leonor oni, kaboloboloto katitiŋ epeget loibwaikinitai kakonyenewok, 2#Bur 2:10; Sab 110:1. kasesenete Yesu, ekagean ka eketodolon loka aiyuuniwok, loabu kotitiŋik emusalaba, komen ileic, kanuka aiyalama naebwaikinitai kakonyeneke, iboie kakan nakoteten naka eicoloŋ loka Edeke. 3#Luk 2:34. Koomoomata do noi ŋol loketitiŋikini asurup naetia nen naka ikadiakanarak kanukeŋ, kinyeis aipas, kiiloros kotauonokus. 4Mam ber ijiito kiton abukor aokot, iwutas kadiakar. 5#Yob 5:17; Awa 3:11-12. Bobo kimurwok aicor, nainera kayes kwape odwe ebe,
“Okokuka, sirimwanenenei alecor naka Ejakait, Kwabo sirikiilor nakiriemeriemaa ŋesi.
6 #
Apu 3:19. Naarai elecori Ejakait yenemina,
Elei da ŋinikoku yenecamunit ŋesi.”
7Kanuka alecorio ititiŋikinete. Kiswamakini yes Edeke kwape odwe; naarai ikoku inyoin yenimam papake elecori? 8#Sab 73:14,15. Aso arai mam kilecorio, naimorikikinit kere, kwaŋin iraas lukiwurikinitai okal! kwabo mere odwe, 9#Mar 16:22. Bobo da ajaas oni lukapapawok luka akuan lukiileconorete, oni da kayonito kes. Mam itelekarit noi oni anonokikin Papa loka imoyon, kajara da? 10Naarai apotu kesi koleconorete oni apaarasia nuikidioko, kwape kekototor, konye ŋol kilecori kanuka ajokis tetere kimori alauniteke. 11#2 Kor 4:17,18; Yak 3:17. Alecorio kere naka apak kana mam esubit bala nakaiyalama, dimarai nakican; konye kokau erai araito nuinapakina nuka adolit, kama kaŋul kaluituutooritai kaŋin.
12 #
Isa 35:3. Kanuka ŋun koriosi yesi akusikanin nuekalanyaka, kitogogoŋoto da akusikuŋin nuilejekekas, 13#Awa 4:26. kiswamakis akusikejen irotin luitenara, kinyek yenenwalit aitapaario, konye gwai kitaŋaleunoi. 14#Sab 34:14; Mat 5:8; Rom 12:18; 2 Tim 2:22. Kotupata ainapakin nepepe kituŋa kere, ka alaunite da, neemamea ŋin emamei yeneanyuni Ejakait. 15#Ikis 29:18; Asw 8:23. Koanyanasi ebe emamei yeneolikinit asianut naka Edeke; kinyek “Aliasit naka adwaris” alibun ka aitican yes, kosodete luipu amunaar; 16#Age 25:29-34. kinyek idiotuŋanan araun yenidote arai yenimam eyonit Edeke kwape Esau, loabu kogwela apolouke naka ekiyai kanuka adutunet adiopet naka inyamat. 17#Age 27:30-40. Naarai ijenete ebe akaulo kaŋun, naakotor airum arereŋ, aponi kogiroi, naarai mam abu kodum apak naka aitoronikin, karaida abu komoote noi kakiyo.
18 #
Any 19:12,16-22; 20:18-21; Ikis 4:11-12; 5:22-27. Naarai mam idolokinito emoru loepedorio atirorio, loenoki da akim, karaida neejai amuton naejesi cucucuc, ka idouon luitolimakito, ka ekwam, 19#Any 19:19; 20:19; Ikis 5:23. ka aruo naka arupepe, ka eporoto loka akiro, luapupete apotu kiŋaiŋaata sirikelimokin kes bobo acekirot. 20#Any 19:12-13. Naarai mam apotu kopedosi atitiŋikin akirot naecorakinio ebe, “Arai ketiro itiaŋ emoru ŋol ibiribirio kamor.” 21#Ikis 9:19. Ido kerai naetakani nasogim kwaŋin, abu Musa da kobala ebe, “Akurianari noi, amaran da.” 22#Apu 14:1; 21:2; 5:11; Gal 4:26. Konye idolokinito Emoru Sion ka ere loka Edeke lokajaran, Yerusalem lokotoma akuj, kaneejaas ajoresio nuka imalaikan lumam imarunos, 23#Luk 10:20. ka atukot naka ikiyaik luiwadikatai toma akuj, ka neejai Ekatubon loerai Edeke loka kere, ka neejaas imoyon luka ikadolitok luitodolikinitoi, 24#Age 4:10; Bur 9:15; 11:4; 1 Pet 1:2. ka neejai Yesu, ekadiekan loka aitutuket nakitetet, ka neejaas aokot nubwatan nuinerasi nuejok aitelekarit kwa nuka Abel.
25 #
Any 20:22; Bur 2:2; 10:28,29. Kocoito ebe mam iŋerete ŋol loinera. Naarai arai mam apotu kokuata nakeŋerioto ŋol loekwenyari kes ejai akwapin, kitelekari noi oni amamus aiku, arai kiŋeri ŋol loikwenyari ejai toma akuj. 26#Kag 2:6. Abu eporotoke kitamaran akwap kapak kaya, konye isumuni kwana ebe, “Irwan atipet bobo ejaŋakini, mere akwap bon, konye akuj da.” 27Konye akirot ŋin ebe, “Irwan atipet bobo,” itejenuni alemario naka ŋul luitamaranio, kwape luesubitai, tetere esalete lumam itamaranio. 28Kanuka ŋun naarai kidumuni ajakanut namam itamaranio, kajaas kasianut, nakijaanakinia Edeke aijaanakin naitoiokit ŋesi, nepepe kayoŋit ka acoit; 29#Ikis 4:24; 9:3; Isa 33:14. naarai erai Edekewok akim naenyamiari.
Currently Selected:
Iburanian 12: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.