Iburanian 13
13
1 #
Yok 13:34; 2 Pet 1:7. Kojaenena amin iinacan. 2#Age 18:1-8; 19:1-3; Rom 12:13; 1 Pet 4:9. Sirikiimurwokis aisukuny ipejok, naarai kanuka ŋin apotu ice kisukunyikis imalaikan komam ejenete, 3#Mat 25:36. Kiitunito ienan, bala kienitai nepepe kakes; ka luiswamakinitai erono, naarai ijaas yesi da toma akuan. 4#Gal 5:19,21; Pes 5:5. Kitubusikis ituŋa kere adukokin, ejam da korai lomam emunaara; naarai etubokini Edeke ludotea ka lueelosi. 5#Ikis 31:6,8; Yos 1:5; 1 Tim 6:6. Kidaras kinyeis amin apesan, kodaut luijaatar; naarai abu ŋesi elopet kobala ebe, “Mam ketukurwori jo cut, karaida aijal.” 6#Sab 118:6. Ŋes kinerar katitiŋ ebe,
“Ejakait ŋes erai ekenarakinanika,
Mam akurianari,
Inyo bo epedori ituŋanan aiswamakin eoŋ?”
7 #
1 Kor 4:16. Kiitunito ikeŋarenikinokokus, lukilimonokinete akirot naka Edeke; koŋicete noi esaŋe loka ejautenekec, korokosi aiyuunikec. 8#1 Kor 3:11; Apu 1:17. Erai Yesu Kristo ŋopeŋol bian ka lolo, ido kiton ikar kere. 9#Pes 4:14; Rom 14:17; 2 Kor 1:21. Sirikiyananario kaisisianakin nakiponesio luipu naegelara; naarai ejok aitogogoŋ etau kasianut, kwabo mere kanuka inyamat, lumam apotu kinarakis ŋul lualosioto. 10#Bur 8:4,5. Ejai oni etem loemamei luijaanakinete ewema apedor ainyam iboroke. 11#Leb 16:27. Naarai itiaŋ lueyaŋaari esasedoti lopeti aokotokec toma aibois nakalaunan kanuka adiakar, icweio awatekec kokiŋ kiidukurun. 12#Mat 21:39; Yok 9:22. Kanuka ŋun Yesu da, abu korieba kokiŋ kerute, tetere italauni ituŋa kaokotoke elopet. 13#Bur 11:26; 12:2. Aso kalomasi oni da mamakeŋ kiŋa kiidukurun, kebwokitos amorositike. 14#Bur 11:10; 12:22. Naarai emamei oni ere loeperonori kane, konye kimoot je loekot ajaun. 15#Leb 7:12; 2 Siit 29:31; Sab 50:14,23; Isa 57:19; Kos 14:2. Aso kainanakis Edeke asubanit naka aiturit tiritir kotomakeŋ, ŋes araito nuka aituke nuelimorete ekekiror. 16#Pil 4:18. Konye sirikimurwokis aswam ejok, ka aimor luijaatar, naarai itojokit Edeke asuban nuikote nen.
17 #
1 Ses 5:12; Esk 3:17. Korimarito ikeŋarenikinokokus, kononokikinito da; naarai ekwenyete ŋul kanuka aijarakus, kwape luinyakunete akirot; tetere iswamaete ŋun kaiyalama kwabo mere keidiny; naarai timam ŋin kiiŋarak yes.
18 #
2 Kor 1:12; Asw 24:16. Kilipanakinai sio, naarai kitogogoŋit ebe kija kaomisio nuejok, kikoto ajaut kiponesio luejok kotoma akiro kere. 19Ido aitelekarit noi keŋaiŋait yes aikonenen nen, tetere kenyakunio katipet mamakus.
20 #
Isa 63:11; 55:3; Sek 9:11; Yer 32:40; Esk 37:26; Yok 10:12; 1 Pet 2:25. Konye Edeke lokainapakin, loetoboŋuni Ejakaitiwok Yesu Kristo kokatwak, ekecokon lokapolon loka amerekekin, kanuka aokot nuka aitutuket naka ikar kere, 21kitodolik yes kotoma kaŋinikirot naejok, tetere iswamaete nuekot ŋesi, kiswamai ŋesi da kotomakus naitojokitai kakonyeneke, kanuka Yesu Kristo; kojai aibuses mamakeŋ ikar ka ikar. Amen.
22 #
Yak 1:21. Konye iinacan, keŋaiŋait yes, koŋirikis akirot naicori, naarai kewadikakinit yes kanuesupaaka. 23Kojenutu ebe alacakin onacewok Timoteo. Arai kebu ŋol katipet, kaanyuni yes nepepe kaŋes.
24Kiyogaete ikeŋarenikinokokus kere, ka lukalaunak da kere. Kiyogaete yes luko Italia. 25Asianut kojai kayes kere, Amen.
Currently Selected:
Iburanian 13: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.