Iburanian 11
11
1 #
Bur 3:14; 2 Kor 5:7. Aiyuun ŋes apetetait naka akiro nuemunoi, aitogogoŋet naka akiro numam eanyuna. 2Naarai kotomakeŋ ŋes etejenunere imakio. 3#Age 1:1; Sab 33:6,9; Yok 1:3. Kanuka aiyuun kijen ebe kesubio akwapin kere kakirot naka Edeke, tetere mam iswamao nueanyuna kotoma kaŋun kanuetakanete.
4 #
Age 4:3-10; Mat 23:35. Kanuka aiyuun abu Abel koinak Edeke asubanit naitelekarit naka Kain kajokis, kanuka ŋin ŋes kitejenikinere araut loedolit, kitejen Edeke kanuka acamun ainakinetake, ido kanuka aiyuunike, karaida abu kotwana, konye eriŋa inera. 5#Age 5:21-24. Kanuka aiyuun aponi koyaŋaarai Enok tetere mam eanyuni atwanare, ido mam abu kotakan, naarai abu Edeke koyaŋa ŋes. Naarai eriŋa eyanaara etejenikinitai ebe abu kitelel Edeke. 6#Bur 7:25; 10:35. Konye neemamea aiyuun mam epedor aitelel ŋes. Naarai yenikunyakini Edeke ibusakinit aiyuun ebe ejai ŋesi, ido ebe eropi ŋul luemoete ŋes, 7#Age 6:8,9,13-22; 7:1; Rom 3:22,24; 4:20. Kanuka aiyuun abu Noa loekwenyarit Edeke kanuka akiro nukeroko etakanuna, koyoŋ ejok, kitemok ataker aitaiaria lukokaleke; kanuka gin kotubok akwapin aitelekario, koraun ekerunan loka adolit naejai toma aiyuun.
8 #
Age 12:1-5. Kanuka aiyuun abu Aburaam korimak nakenyaraunere alomar toma aibois naelosio ainakin araun airumet; abu koloma komam ejeŋi neelosi.
9 #
Age 23:4; 26:3; 35:12,27. Kanuka aiyuun abu kiboioror kakwap naka aisumunet, bala akwap namere nakeŋ, iboienenei koweman nepepe ka Isaak ka Yakob ikerumak lukaupake luka aisumunet ŋipeŋin. 10Naarai abu kidareunite ere loejaas apeteta, loapwakun Edeke loaduki da. 11#Age 17:19; 18:11-14; 21:2. Kanuka aiyuun abu Sara alopet kodum apedor apotuun karaida kedepara ikaruke, naarai abu koomite ŋol loesumuni araut lomunot. 12#Age 15:5; 22:17; 32:12; Rom 4:19. Kanuka ŋun anyoun kotuŋanan ediopet, ido loasubit bala etwanit, aponi kowuriai lueputosi bala aacer nuka akuj kaipues, ido kwape asiŋe naejai ariri naka aŋolol namam imarun.
13 #
Age 23:4; 47:9; 1 Pet 1:1; 2:11; 1 Siit 29:15; Sab 39:12. Apotu ŋul kere kotwakikis toma aiyuun, koroko einakina nuesumunitai, konye apotu koanyutu kimalaete da kama elwana, kolimosi ebe keraas imo ka ikalotok kakwap. 14Naarai luinerasi nuikote nen isideleleunito ebe emoete akwap naebeit kes. 15Ido arai kiitunito akwap ŋin naalomuniata, tiejaas kapak aboŋor, 16#Any 3:6; Mk 12:26,27. Konye kwana iŋobeleete akwap naitelekarit ajokis, ŋes nakotoma akuj. Ŋes mam irumiata Edeke ileic anyarao Edekekec, naarai abu kitemok kes ere.
17 #
Age 22:1; Yak 2:22. Kanuka aiyuun, abu Aburaam koinak Isaak, naetemere, ido loabu kodum aisumuneta kalakara etemokino ainakin okokuke loteluna, 18#Age 21:12. loaponi kinerai ebe, “Kotoma Isaak ŋes enyaraere akoniwur.” 19#Rom 4:17. Koomite ebe epedori Edeke aitajarun, kiton kokatwak da; neadumunia kotoma aput. 20#Age 27:27-29,39-40. Kanuka aiyuun abu Isaak kilipak Yakob ka Esau arereŋ kotoma akiro nuepote, 21#Age 47:31–48:15,16,20. Kanuka aiyuun keapu Yakob atwanare, abu kilipak odwe luka Yosep kere iarei arereŋ, koma, kokukumi kakou naka ebelake. 22#Age 50:24-25; Any 13:19. Kanuka aiyuun keapu Yosep atwanare abu kiner nuka anyoun naka idwe luka Isirael, kicorak da nuka akojoke.
23 #
Any 2:2; 1:22. Kanuka aiyuun nakeuriere Musa, apotu ikauriakake kimunonata ŋes ilapio iuni, naarai aanyunito ebe itemelel ikoku; komam ekuriaka aicorakinet naka ekabaka. 24#Any 2:10-12. Kanuka aiyuun nakepoloor Musa, kogir anyarao okoku loka apese naka Parao, 25koseu aikonakinio erono nepepe kituŋa luka Edeke itia aitalakara kotoma aronis naka apak naedit. 26#Sab 89:50; 69:9; Bur 13:13; 10:34,35. Koomite amorosit naka Kristo araut abar naepol itia iboro luka akais nuipu luko Misiri, naarai abu kosesen aropio. 27#Any 2:15; 12:51. Kanuka aiyuun abu konyou ko Misiri, komam ekuriana adedeŋ naka ekabaka; naarai abu konirik bala eanyuni lomam etakani. 28#Any 12:12,13,21-30. Kanuka aiyuun abu koricite Aleleŋ ka aibwat aokot kinyek Ekamudiaran ikiyaik atiror kes.
29 #
Any 14:21-31. Kanuka aiyuun apotu kitoroto Aŋolol Nakareŋan bala akwap naconit; konye naketamakiniata Imisirian aitor nen, kolumosi. 30#Yos 6:12-21. Kanuka aiyuun kotiyaros arwatatin nuka Yeriko, nakedaunere airimor apaarasia akanykaarei. 31#Yos 2:1-21; 6:17,22-25; Yak 2:25. Kanuka aiyuun mam Rakab naadote emudiara nepepe ka lumam erimasi, naarai abu kisukunyik ikarotak kainapakin.
32 #
Tub 6:11; 4:6; 15:20; 12:7. Kener anyoika bobo? Naarai mam apak kelosikino arai kalimok nuka Gideon, ka Barak, ka Samuson, ka Yeputa, ka Daudi, ka Samuel ka inabin da,— 33#Dan 6:1-27; Tub 14:6; 1 Sam 17:34,35. lukipikorete ajakanuto kanuka aiyuun, kiswamata adolit, kodumut aisumuneta, kitubutaasi aituke nuka iŋatunyo, 34#Dan 3:1-30. kitojonata apedor naka akim, kokuata akwanis naka ekileŋ, kisipedoroi nakekalanyakatar, koraut lukagogoŋ kotoma ojie, kitekerata ajoresio nuka lukacekwapin. 35#1 Ika 17:17-24; 2 Ika 4:25-37. Apotu aŋor kodumut lukatwakakec kotoma aitajarunio, konye ice aponi kisiriebai kaibworit, komam ecamunete ayuunio, tetere edumunete aitajarunio naejok adepar. 36#1 Ika 22:26-27; 2 Siit 18:25-26; Yer 20:2; 37:15; 38:6. Aponi ice kitemoi kaisekelio ka aleio, eebo, kiton aeneta ka aidaris da. 37#2 Siit 24:21. Aponi kibiribiroi kamor, kotuboi kimusumenon, kitemoi, aponi koarai kekileŋ; apotu kirimirimoto enapito imukulen luka imerekekin ka luka akinei; apotu kilwaritos, ereitai, kikonakinitai erono,— 38ituŋa lumam ebusakinit akwap, apotu kilokidaete kamodiŋo, ka oroŋan, ka abuai ka apanya da nuka akwap.
39Ituŋa ŋul kere da nakedaunere aitejenun kanuka aiyuunikec, mam edumuna aisumunet, 40naarai abu Edeke kojenikinite ibore yenejok aitelekarit kanuwok, tetere ŋul mam itodolikinio komam oni.
Currently Selected:
Iburanian 11: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.