1 Ikorinton 3
3
1 #
Yok 16:12. Eoŋ da, iinacan, mam apedorit einer kayes kwape luka emoyo, dimarai luka akuan, kwape imukerun kotoma Kristo. 2#Bur 5:12-13; 1 Pet 2:2. Abu ketamata yes akile, kwabo mere inyamat; naarai mam ipedorito; eebo, kiton kwana da mam ipedorito, 3#1 Kor 1:10-12; 11:18. naarai iriŋa iraas luka akuan. Naarai naejaar ekokote ka aŋolopa, mam kereka iraas ituŋa luka akuan, ilosenenete kwape ituŋa atai? 4#1 Kor 1:12. Naarai naebalar idiopet ebe, “Arai eoŋ yenika Paul,” ice da ebe, “Arai eoŋ yenika Apolo,” mam kereka iraas ituŋa atai?
5 #
Asw 18:24,27. Aso iŋai bo Apolo? Iŋai bo da Paul? Kes ikejaanakinak lukiyuunete yesi kamakec, ka ŋin diopet da kwape keinakinia Ejakait. 6#Asw 18:4-11,24-28. Abu eoŋ kera, kicoco Apolo, konye kitopolo Edeke. 7Kwaŋin ekeraan mam erai ibore, karaida ekecocoan, dimarai Edeke loitopoloi. 8Aso loirai ka loicocoi eraas ipe, ido edumuni ŋinituŋanan ekeropit kwape ajaar akeitaaritoi. 9#Mat 13:3-9; Pes 2:20. Naarai kirai isio ikeswamak nepepe ka Edeke; iraas yesi amana naka Edeke, aduket naka Edeke.
10 #
1 Kor 15:10; 2 Pet 3:15. Kwape ejaar asianut naka Edeke nakainakinitai eoŋ, abu kapesik apetetait kwape ekadukon lokapolon lokacoa, konye eduki ece. Konye kocoite ŋinidiopet kwape edukio. 11#1 Pet 2:4-6. Naarai emamei yenepedori apesikin apetetait ace, dimarai ŋin naedaunitai apesikin, ŋes Yesu Kristo. 12Konye arai keduk ituŋanan toma apetetait ŋin esabu, arai epuesa, arai amor nuketiai, arai akito, arai anya, arai ariaŋ da, 13#1 Kor 4:5; 2 Ses 1:8. etakanuni aswam naka ŋinituŋanan; naarai isideleleuni Apaaran, naarai epukorio kotoma akim, itemi da akim aswam naka ŋinituŋanan kwape ejaar. 14Arai esalit aswam naedukit ituŋanan toma apetetait, edumuni ŋesi eropit. 15Arai kidopoo aswam naka ituŋanan, etwaniari, kwabo itajario ŋes, konye bala kotoma akim.
16 #
1 Kor 6:19; 2 Kor 6:16. Mam kereka ijenete ebe iraas yesi eyekalu loka Edeke, ebe da iboie Emoyo loka Edeke kotomakus? 17Arai kemuna ituŋanan eyekalu loka Edeke, emunaari Edeke ituŋanan ŋin. Naarai erai eyekalu loka Edeke lokalaunan, ŋes yesi.
18 #
Apu 3:17,18. Sirikemodakin ituŋanan. Arai ejai kotomakus ituŋanan yeneomit ilopet araut yenikacoa kokar kalu, korau ŋesi yenibaŋ, tetere eraun yenikacoa. 19#Yob 5:12,13. Naarai acoa naka akwap kana ŋes abaŋaanut kama ka Edeke. Naarai iwadikatai ebe,
“Ikamuni ŋesi lukacoa koboteikec.”
20 #
Sab 94:11. Bobo da ebe, “Ejeni Ejakait aomisio nuka lukacoa, ebe eraas aamameak.” 21Kwaŋin kinyek ituŋanan aolobobot kotoma otuŋa. Naarai eraas kere lukus, 22arai Paul, arai Apolo, arai Kepa, arai akwap, arai aijar, arai atwanare, arai nuejaas kwana, arai nuepote, kere eraas nukus, 23iraas yesi da luka Kristo, Kristo da loka Edeke.
Currently Selected:
1 Ikorinton 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.