1 Ikorinton 2
2
1 #
1 Kor 1:17. Eoŋ da, iinacan, naabunio mamakus, mam abunit alimonokin yes nukaiyeiyea nuka Edeke kakiro nuejijim karaida kacoa. 2#Gal 6:14. Naarai abu kenerunite ainyein ajenun adiokirot kokidiŋikus, dimarai Yesu Kristo loebubukinitoi. 3#Asw 18:9; 2 Kor 10:1. Eoŋ da naajaar mamakus, akalanyana, kakurian ka amaran naepol; 4akakirot ka akalimonokin da mam keraas akiro nukacoa nuijodoete, dimarai nuitodiarito Emoyo ka apedor, 5#Pes 1:17; 1 Ses 1:5. tetere akusiiyuun mam egoŋakina acoa naka ituŋa dimarai toma apedor naka Edeke.
6 #
Pil 3:15. Konye ejai acoa nakinera kama kaluapolokoto konye mam erai acoa naka ikar kalu, karaida naka ikayaitok luka ikar kalu, luepote amameun, 7#Rom 16:25. konye kinera acoa naka Edeke kotoma nukaiyeiyea, acoa naibwaitai, nakicorakinit Edeke eriŋa ikar ejauna, kanuka aibusesuwok. 8#Luk 23:34; Yak 2:1; Kol 1:26. Mam ikayaitok luka ikar kalu apotu kojenut ŋin; naarai arai kejenete timam kibubukis Ejakait lokaibuses. 9#Isa 64:4. Konye kwape kiwadikatere ebe,
“Numam keanyunit akoŋu, karaida akit aibiun,
Numam kelomarito da otau loka ituŋanan
Nuetia nen nukitemokinit Edeke lueminasi ŋes.”
10 #
Mat 13:11; Awa 20:27. Konye kipukok Edeke oni kanuka Emoyo. Naarai irerei Emoyo kere, kiton nuidulok nuka Edeke. 11Naarai iŋai tope kotuŋa yenejeni aomisio nuka ituŋa, dimarai emoyo loka ituŋanan loejai kotomakeŋ? Kwape kwaŋin emamei yenejeni aomisio nuka Edeke dimarai Emoyo loka Edeke, 12#Yok 16:13,14. Konye oni, mam kidumunit emoyo loka akwap, dimarai Emoyo loebuni kama ejai Edeke, tetere kijenuni ainakineta nukiinakini Edeke oni atitai. 13#1 Kor 1:4. Kinera ŋun mere kakiro nuisisianakini acoa naka etuŋanane, dimarai nuisisianakini Emoyo, kitiiriani nuka emoyo kanuka emoyo.
14 #
Yok 8:47; 14:17. Ituŋanan kauruuneteke mam ecamuni akiro nuka Emoyo loka Edeke, naarai eraas nukabaŋaanut mamakeŋ, kwabo mam epedori ajenun kes naarai emisiikinio kanuka emoyo. 15#1 Yok 2:20. Konye ituŋanan yenika emoyo emisiikini kere, kwabo emamei yenemisiikini ŋes. 16#Isa 40:13; Rom 11:34. “Naarai iŋai kereka ejenunit aomisio nuka Ejakait, tetere ituutoori ŋes?” Konye kijaa oni kaomisio nuka Kristo.
Currently Selected:
1 Ikorinton 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.