1 Ikorinton 4
4
1 #
Tit 1:7. Koomit ituŋanan sio kwanata, kwape ikejaanakinak luka Kristo, ka ikeŋadak da luka nukaiyeiyea nuka Edeke. 2#Luk 12:42. Bobo da iburao ikeŋadak atakan eraas lumunon. 3Konye kamakaŋ erai akirot naedit noi yes, arai airabet kere naka etuŋanan, atubokin eoŋ. Mam da atubokin bon. 4#Sab 143:2. Naarai mam ajeni nuewosakin bon, konye mam kemarakinio adolit kanuka ŋun, konye Ejakait ŋes katubokini. 5#1 Kor 3:8. Aso sirikitubo akirot eroko apak, aitodol naebunio Ejakait, loitacauni nuibwaitai nuka amuton, ido isideleleuni ainerun naka itauon. Kosodi edumuni ŋinituŋanan akeiturio kama ejai Edeke.
6 #
Rom 12:3. Aso iinacan, etuputoo ŋun aputokaŋ ka Apolo da kanukus, tetere kanukosi isisiaete ainyein adepar nuiwadikatai, kinye idio kayesi adakanun kanuka ediopet aitelekarit loce. 7#Rom 12:6. Naarai iŋai kitegelikinit jo kama kaluce? Inyoin kereka ejai jo yenimam kiinakinitai? Konye arai kiinakinitai, kanukinyo iwolobobotor bala mam kiinakinitai?
8 #
Apu 3:17,21. Idaut aimonikin! Idaut adumun abar! Iyaitos kamameete isio!
Eebo, arai tiiyaito, tetere kimori ayait kayes! 9#Rom 8:36; Bur 10:33. Naarai aomit ebe etodia Edeke sio ikiyakia awasia, kwape ituŋa luetubokinitai aario: naarai kiraun isio ibore yenisesena kakwap, kama ka imalaikan ka ituŋa da. 10#1 Kor 3:18. Kirai isio ibaŋiok kanuka Kristo, konye iraas yesi lukacoa kotoma Kristo, Kikalanyaka isio, konye igogoŋ yesi. Kitubusikinitai yes, konye sio kitisilitoi, 11#2 Kor 11:23-27. Kiton osawa lo da, kiriebi eteŋei ka akure da, kimujalal, kibuŋao, bobo da emameete sio ireria, 12#Asw 18:3; 20:34; 1 Ses 2:9; 2 Ses 3:8; Rom 12:14; 1 Kor 9:15; Sab 109:28. kitaaritoi aswam kakaninikosi. Nakimoromoroere, kilipanakini arereŋ; nakiticanere, kititiŋikinit; 13#Ikis 17:7; 22:24. nakisabanakinere, kiŋaiŋai; kitusubi bala asusuj nuka akwap, ediirit da loka iboro kere, kiton kwana.
14Mam ewadikai nu aisurumia yes ileic, konye aikwenyar yes kwape idweka luminan. 15#Gal 4:19. Karaida kejaas yes ikesisianakinak ilukumin itomon kotoma Kristo, konye emameete lukapapa luipu. Naarai eoŋ ŋes kaurit yes kotoma Kristo Yesu kanuka alimonokin Akiro Nukajokak. 16#1 Kor 11:1; Pil 3:17. Aso keŋaiŋait yes koputoorito eoŋ. 17#Asw 19:22; Pil 2:20. Kanuka ŋun ejuk Timoteo mamakus, loerai okokuka lominat, lomunot da kotoma Ejakait, lokisiituni yes irotinika luejaas toma Kristo, kwape esisianakinia kaŋiniibois kotoma ŋolikanisa. 18Konye edakanunos ice kayesi ebe mam abuni mamakus. 19#Asw 18:21; Yak 4:15. Konye abuni atipet mamakus, arai ekot Ejakait, abuni eoŋ ajenun mere akiro nuka ŋul kaluedakanunos dimarai apedorikec. 20#1 Kor 2:4; Luk 17:20. Naarai mam ajakanut naka Edeke ejai toma akirot, dimarai toma apedor. 21Ikotosi anyoika? Kabu kereka mamakus kebela, arai bo kabu kamin komoyo loiyapepera?
Currently Selected:
1 Ikorinton 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.