Indirimbo ihebuje 7
7
ABAKWE:
1Garuka, garuka, mukobwa w’Abashulami#7.1 mukobwa w’Abashulami: Shulami igomba kuba ari irindi zina rya Shunemu, intara kavukire y’Abishagi, umukobwa w’inkumi wari waramamaye kubera ubwiza bwe, akaba ari we Dawudi yishajuje mu busaza bwe (1 Bami 1,1–4).,
garuka, garuka, tukwirebere!
Kuki mwitegereza Umushulamikazi,
nk’abareba umudiho w’ingamba ebyiri?
UMUKWE:
2Byaba byiza ibirenge byawe mu nkweto zabyo,
mukobwa w’igikomangoma!
Amatako yawe ni nk’umutako
wahanzwe n’umuhanga.
3Umukondo wawe ni nk’agakebano
katabura divayi ihumura.
Inda yawe ni nk’akarundo k’ingano
gakikijwe n’amalisi.
4Amabere yawe yombi ni nk’inyagazi ebyiri,
zavutse ku isha ari impanga.
5Ijosi ryawe ni nk’umunara wubatswe n’amahembe y’inzovu.
Amaso yawe ni nk’ibyuzi bya Heshiboni,
iruhande rw’umuryango w’uwo mugi utuwe cyane.
Izuru ryawe ni nk’umunara wa Libani,
bagenzuriramo ibituruka i Damasi.
6Umutwe wawe wemye nka Karumeli,
n’imisatsi iwutenderaho ni nk’umwenda w’umuhemba;
umwami yafatiwe mu mapfundo yayo.
7Waba mwiza, watera ubwuzu,
rukundo rwanjye, mukobwa utera kunezerwa!
8Mu gihagararo usa n’umukindo,
amabere yawe ameze nk’amahundo y’umuzabibu.
9Naravuze nti «Nzurira umukindo,
maze nywusingire amaseri.»
Reka amabere yawe ambere nk’amahundo y’umuzabibu,
umwuka wawe umbere nk’impumuro y’amapera,
10n’akanwa kawe nka divayi yahebuje . . .
UMUGENI:
Yisuke igana uwo nkunda,
itembe ku minwa y’abahunikira.
11Ndi uw’uwo nkunda,
kandi ni jye ararikira.
12Ngwino, musore nakunze,
twigire ku gasozi!
Dukeshe ijoro mu midugudu,
13tuzindukire mu mirima y’imizabibu
kureba ko imizabibu yapfunduye,
cyangwa ko yarabije,
cyangwa ko amatunda yabaye uruyange,
ni ho nzaguhera urukundo rwanjye#7.13 urukundo rwanjye: ari umukobwa, ari n’umusore bombi baratekereza igihe bazubaka urugo bagakundana koko nk’abashakanye..
14Ubu ngubu imikunde iratama imibavu yayo,
no ku irembo ryacu hari imbuto zose z’akataraboneka,
iza vuba n’iza kera;
ncuti yanjye, narazikuzigamiye.
Currently Selected:
Indirimbo ihebuje 7: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.