Yohanē 15
15
i Yēsu maw tatena' a kawi na budo
1<<maw ku na tatena' a kawi na budo, maw na mailran i Amalri. 2na kurenakep ziya kaninku na sa'az zi na 'azi mivavuwa' mu, tu haretimaw; na maruwa mivuwa' na sa'az mu, tu haretimaw temulre'ay, maruwaya puwapuwa mivuwa'. 3ku nirengay na vati kanmu kemirungetr lra kanmu. 4marayasa mu kurenakep kaninku, zi karayas ku kurenakep kanmu. nu 'azi kurenakep kaninku, zi 'azi mu karuwa mivuwa', kamawan kana sa'az nu 'azi kurenakep kana kawi na budo mu 'azi karuwa mivuwa'.
5<<maw ku a kawi na budo, maw mu na sa'az. izu na marayas kurenakep kaninku, zi na marayas ku kurenakep kantaw mu, 'azika'azi mivuwa' za 'eras; 'alrana nu iniyan ku, 'azi mu karuwa kemakuda za eman ziya. 6izu na 'azi kurenakep kaninku na trau mu 'a'atelren, kamawan kana marum na sa'az ki'atelr, tu azukaw za trau zi vulru'anay kana apuy i savakan venatri'. 7nu marayas mu kurenakep kaninku, zi ku vati marayas kazu kanmu i savakan mu, nu maranger mu lra za eman mu, kiyami, zi pakaelak. 8'alrana mivuwa' mu za sazu zi kipulihu i Amalri, zi mawna kemani mutu temakesi mu kaninku. 9kamawan kani Amalri za lraman kaninku, lraman ku kanmu; marayasa mu kazu vaaw kananku lramanan. 10nu miturus mu kananku seratr, karayas mu kazu vaaw kananku lramanan i savakan, kamawan za miturus ku kanantu seratr ni Amalri, zi maresan za marayas kazu kanantu lramanan i savakan.
11<<marengay ku kanmu kananni na lremak mu, muramawan za maruwaya mu kiveray kananku semangalan, semela'a nanmu semangalan. 12marekalramalramana mu, kamawan za lraman ku kanmu; maw nanku seratr i ini. 13na trau muramawan za 'ali'an gisē kanantu uwavaawan i intaw, na lramanan i punapunan iniyan za marama'izang kanini lra. 14nu miturus mu kananku seratr mu, maw nanku 'ali'an. 15'azi ku lra kamawanaw mu kana pakarunan, 'alrana na pakarunan 'azi malrazam kanantu kiniyakarun na miyaruma'. ku kamawanaw mu kana 'ali'an, 'alrana ku kiningeran ziya kemay kani Amalri marengay ku lra kanmu. 16amelri i inmu na palimi' kaninku lra, a maw na palimi' ku kanmu, pawnung pakarun kanmu mukuwa mivuwa'a kanizu na kaazu marayas. nu pakalrang kananku ngadan, kiyami lra za eman kani Amalri mu, i intaw 'azika'azi veray kanmu. 17marekalramalramana mu, maw ku iveray kanmu na seratr i ini.>>
na awilesan kana trau i punapunan
18<<nu awiles kanmu na trau i punapunan mu, kalrazam i inmu, nazu iyanguwayan lra awiles kaninku. 19nu muravak mu kani punapunan, na trau i punapunanan 'azika'azi sahar kanizu na muravak kanazu. mawmu, palimi' ku kanmu kemay kani punapunan i savakan pupana; 'azi mu muravak kantaw, mawna kemani zi awiles kanmu na trau i punapunan. 20piangeru ku nirengay kanmu na ngay: <na kuli 'azi marama'izang kana tawki.> nu pakakuwatreng lra kaninku nazu, tu i pakakuwatrengaw mu nazu; nu miturus kananku ngay nazu, kuwaazu miturus kananmu ngay nazu. 21muramawan kananku nirekudayan, nazu kemakuda kanini na lremak peniya kanmu, 'alrana nazu 'azi malrazam kanizu na pazuwa kaninku. 22nu 'azi ku zuwa venavati papauwa kanazu lra mu, zi iniyan za pinamelriyan nazu; harem mu, tu pinamelriyan nazu 'azi kararuwa semukun kitumamelri lra. 23na awiles kaninku mu, kuwaazu awiles kani Amalri. 24nu 'azi ku kazu kanazu i savakan kemakuda za 'azi ziyan kemakuda za trau mu, iniyan za pinamelriyan nazu. tatena' mu, mena'u lra kananku kinakudayan nazu, mawmu awiles ziya kaninku, zi awiles kani Amalri. 25mawmu, ini mawna papula'esi kanantu kuret za vinavalrayan: <iniyan za pauwayan awiles kaninku nazu!>
26<<mawmu, izu na kemay kani Amalri na demele'us zazuwa, mawna Lu'em kana tatena' vati. a pazuwa ku kantaw kemay kani Amalri a azu mu, uwasay kaninku i intaw. 27mararesan, kuwaazu mu uwasay kaninku, 'alrana kemirakaz mukasa mu kaninku.>>
Currently Selected:
Yohanē 15: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023