Popular Bible Verses from Yohanē 15

Share

<<maw ku a kawi na budo, maw mu na sa'az. izu na marayas kurenakep kaninku, zi na marayas ku kurenakep kantaw mu, 'azika'azi mivuwa' za 'eras; 'alrana nu iniyan ku, 'azi mu karuwa kemakuda za eman ziya.

marayasa mu kurenakep kaninku, zi karayas ku kurenakep kanmu. nu 'azi kurenakep kaninku, zi 'azi mu karuwa mivuwa', kamawan kana sa'az nu 'azi kurenakep kana kawi na budo mu 'azi karuwa mivuwa'.

nu marayas mu kurenakep kaninku, zi ku vati marayas kazu kanmu i savakan mu, nu maranger mu lra za eman mu, kiyami, zi pakaelak.

amelri i inmu na palimi' kaninku lra, a maw na palimi' ku kanmu, pawnung pakarun kanmu mukuwa mivuwa'a kanizu na kaazu marayas. nu pakalrang kananku ngadan, kiyami lra za eman kani Amalri mu, i intaw 'azika'azi veray kanmu.

na trau muramawan za 'ali'an gisē kanantu uwavaawan i intaw, na lramanan i punapunan iniyan za marama'izang kanini lra.

na kurenakep ziya kaninku na sa'az zi na 'azi mivavuwa' mu, tu haretimaw; na maruwa mivuwa' na sa'az mu, tu haretimaw temulre'ay, maruwaya puwapuwa mivuwa'.

marekalramalramana mu, kamawan za lraman ku kanmu; maw nanku seratr i ini.

'alrana mivuwa' mu za sazu zi kipulihu i Amalri, zi mawna kemani mutu temakesi mu kaninku.

<<maw ku na tatena' a kawi na budo, maw na mailran i Amalri.

izu na 'azi kurenakep kaninku na trau mu 'a'atelren, kamawan kana marum na sa'az ki'atelr, tu azukaw za trau zi vulru'anay kana apuy i savakan venatri'.

<<marengay ku kanmu kananni na lremak mu, muramawan za maruwaya mu kiveray kananku semangalan, semela'a nanmu semangalan.

nu miturus mu kananku seratr, karayas mu kazu vaaw kananku lramanan i savakan, kamawan za miturus ku kanantu seratr ni Amalri, zi maresan za marayas kazu kanantu lramanan i savakan.

marekalramalramana mu, maw ku iveray kanmu na seratr i ini.>>

nu muravak mu kani punapunan, na trau i punapunanan 'azika'azi sahar kanizu na muravak kanazu. mawmu, palimi' ku kanmu kemay kani punapunan i savakan pupana; 'azi mu muravak kantaw, mawna kemani zi awiles kanmu na trau i punapunan.