Yohanē 14
14
i Yēsu maw a dalan, tatena' vati, uwavaawan
1marengay ziyan i Yēsu kanazu: <<nanmu anger amanan na mavangavang; pakutatena'a kana Viruwa i itras#14.1 <<pakutatena'a kana Viruwa i itras>> karuwa marengay za <<pakutatena' kana Viruwa i itras>>., zi pakutena' kaninku. 2ruma' ni Amalri ulra sazu a kaazuwan, mukuwa ku mu maw muramawan kanmu penadanga za kaazuwan; nu amelri kemani, zi 'azi ku rarengay kanini na ngay.#14.2 ini na vatras karuwa marengay za <<nanku ruma' ni Amalri ulra sazu a kaazuwan, nu amelri kemani mu, kemuda ku marengay kanmu za auwa ku padanga zanmu kaazuwan awa?>> 3mukuwa ku penadanga kananmu kaazuwan i likuzan lra, zazuwa ku ziya, kiyatrevunga kanmu mukuwa kaninku i kaziyu, muramawan za maruwaya mu kurekasa kaninku za kinazuwan. 4ku auwayan, izu na dalan maw na malrazam mu.>>
5marengay i Tomas kantaw: <<Luzu a, 'azi mi malrazam za auwa u i iyan, kemuda malrazam kanizu na dalan?>>
6marengay i Yēsu: <<maw ku na dalan, tatena' vati, uwavaawan; nu 'azi pakalrang kaninku mu, iniyan za trau za karuwa mukuwa kani Amalri i kaziyu. 7nu maw malrazam mu lra kaninku mu, zi kalrazam mu kani Amalri#14.7 <<inmu kemazu mu malrazam mu lra kaninku mu, kalralrazam mu kani Amalri>> zuma ulra pidaya awatranan lulun vinavalray za <<anu malrazam mu kaninku mu, inmu mu kalrazam mu lra kani Amalri>>.. kemay harem, malrazam mu kantaw, pawnung mena'u mu lra kantaw.>>
8marengay i Filip kani Yēsu: <<Luzu a, pakurena'uwaw mi kani Ama, zi pakumaw mi lra.>>
9temuvang i Yēsu: <<Filip, i inku zi i inmu mukasa lra za kemani kana sawariyan, 'azi mu ziyan malrazam kaninku ziyamaw? i eman na mena'u kaninku mu mawna mena'u kani Amalri. kemuda zi mararengay u ziya za <pakurena'uwaw mi kani Amalri> ziyamaw? 10kazu ku kanantu uwavaawan ni Amalri, i Amalri kazu kananku uwavaawan, 'azi u pakutatena' ziyamaw? ku nirengay kanmu na ngay mu amelri kemay kaninku, a maw na kazu kananku uwavaawan i Amalri na kikarun kanantu kiyakarunan i intaw. 11pakutatena'a mu kaninku, kazu ku kanantu uwavaawan ni Amalri, i Amalri kazu kananku uwavaawan; nu 'azi pakutatena' kanini na ngay mu, kuwaazu 'alrana kananku kiyakarunan zi pakutatena' kaninku. 12penazangala ku marengay kanmu, na pakutatena' kaninku na trau kuwaazu kikarun kananku kiyakarunan, arusay kiyakarun za marama'izang, 'alrana mukuwa ku kani Amalri i kazu. 13pakalrang mu kananku ngadan, nu kiyami mu lra za eman mu, 'azi ku ka'azi pula'esi, muramawan kanantu lihu ni Amalri pakalrang kana Alrak zi kurena'u. 14pakalrang mu kananku ngadan, nu kiyami mu lra za eman mu, 'azi ku ka'azi pula'esi.>>
iyatuvang kana puwaalrang na Vangesar Lu'em
15<<nu lraman mu kaninku mu, zi iturusi nanku seratr. 16kiyanun ku kani Amalri, zi i intaw vaveray kanmu za zuma a sasa na demele'us, uwakasa kanmu munayun. 17i intaw mawna Lu'em kana tatena' vati. na trau i punapunan 'azi muwai kituluz kantaw, 'alrana 'azi maruwa mena'u kantaw nazu, zi 'azi malrazam kantaw. mawmu malrazam mu kantaw, 'alrana ulra kazu i savakan kananmu uwavaawan i intaw, marayas mukasa kanmu.
18<<'azi ku i 'a'atelr kanmu putu iniyan za ma'izangan na alrak; revelaliyas ku ziya zuwa kanmu i kani. 19melavat lra za pida wariyan, na trau i punapunan 'azi lra nana'u kaninku; mawmu nana'u mu kaninku, pawnung 'alrana vaaw ku, zi uwavaaw mu. 20nu meredek izu na wari mu, kalrazam mu lra za kazu ku kanantu uwavaawan ni Amalri, zi kazu mu kananku uwavaawan, kamawan za kazu ku kananmu uwavaawan.
21<<na kituluz ziya kananku seratr zi pawnung miturus mu, mawna lraman kaninku na trau. na lraman kaninku mu, i Amalri 'azika'azi lraman kantaw; zi kuwaazu ku lralraman kantaw, pawnung pakurena'u ku kantaw.>>
22i Yoda (amelri na Iskaliotē na trau i Yoda) kiyumalr: <<Luzu a, kemuda zi mawmau pakurena'u u kaniyam, zi 'azi pakurena'u kana trau i punapunan awa?>>
23temuvang i Yēsu: <<na lraman kaninku na trau mu miyaturus kananku ngay mapiya. i Amalri 'azika'azi lraman kantaw, pawnung i Amalri zi i inku auwa kantaw i kazu, kurekasa kantaw. 24na 'azi sahar kaninku mu 'azi miyaturus kananku ngay. nanmu kiningeran na ngay ziya mu amelri mupana kaninku, a maw na mupana kanizu na pazuwa kaninku i Amalri.
25<<a kazu ku ziya mukasa kanmu mu, marengay ku lra kanmu nanni na ngay. 26mawmu izu na demele'us mu, mawna i Amalri na pakalrang kananku ngadan zi pazuwa na Vangesar Lu'em, pananadam kanmu kana lremak ziya, pawnung paparangeraw mu kananku nirengay kanmu na ngay peniya.
27<<ku vilinaw na ping-an kanmu, ku verayanay nanku ping-an kanmu. ku iveray kanmu, 'azi maresan kana iveray na trau i punapunan. amanan mavangavang i inmu, zi ikakaud. 28kinger mu lra marengay ku za <nu mukuwa ku lra, mawmu uwaveliyas ku ziya>. nu lraman mu kaninku, zi 'alrana mareveliyas ku i kazu kani Amalri zi kasasemangal, 'alrana marama'izang kaninku i intaw. 29a mureha nanni na lremak pakangawayan mu yanguwayan ku marengay kanmu, muramawan kanmu nu mureha na lremak maruwaya pakutatena'. 30harem 'azi ku maruwa masalr kemasazu marengay kanmu, 'alranu na demadikes kani punapunan uri zazuwa lra. iniyan za kakezang kemakuda kaninku i intaw; 31mawmu muramawan za malrazama na trau i punapunan za lraman ku kani Amalri, semeneng miturus ku kanantu seratr ziya.
<<karahan, kaya ta lra!>>
Currently Selected:
Yohanē 14: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023