Popular Bible Verses from Yohanē 14

Share

<<ku vilinaw na ping-an kanmu, ku verayanay nanku ping-an kanmu. ku iveray kanmu, 'azi maresan kana iveray na trau i punapunan. amanan mavangavang i inmu, zi ikakaud.

marengay i Yēsu: <<maw ku na dalan, tatena' vati, uwavaawan; nu 'azi pakalrang kaninku mu, iniyan za trau za karuwa mukuwa kani Amalri i kaziyu.

marengay ziyan i Yēsu kanazu: <<nanmu anger amanan na mavangavang; pakutatena'a kana Viruwa i itras, zi pakutena' kaninku.

mawmu izu na demele'us mu, mawna i Amalri na pakalrang kananku ngadan zi pazuwa na Vangesar Lu'em, pananadam kanmu kana lremak ziya, pawnung paparangeraw mu kananku nirengay kanmu na ngay peniya.

<<na kituluz ziya kananku seratr zi pawnung miturus mu, mawna lraman kaninku na trau. na lraman kaninku mu, i Amalri 'azika'azi lraman kantaw; zi kuwaazu ku lralraman kantaw, pawnung pakurena'u ku kantaw.>>

kiyanun ku kani Amalri, zi i intaw vaveray kanmu za zuma a sasa na demele'us, uwakasa kanmu munayun. i intaw mawna Lu'em kana tatena' vati. na trau i punapunan 'azi muwai kituluz kantaw, 'alrana 'azi maruwa mena'u kantaw nazu, zi 'azi malrazam kantaw. mawmu malrazam mu kantaw, 'alrana ulra kazu i savakan kananmu uwavaawan i intaw, marayas mukasa kanmu.

pakalrang mu kananku ngadan, nu kiyami mu lra za eman mu, 'azi ku ka'azi pula'esi, muramawan kanantu lihu ni Amalri pakalrang kana Alrak zi kurena'u. pakalrang mu kananku ngadan, nu kiyami mu lra za eman mu, 'azi ku ka'azi pula'esi.>>

<<nu lraman mu kaninku mu, zi iturusi nanku seratr.

ruma' ni Amalri ulra sazu a kaazuwan, mukuwa ku mu maw muramawan kanmu penadanga za kaazuwan; nu amelri kemani, zi 'azi ku rarengay kanini na ngay.

mukuwa ku penadanga kananmu kaazuwan i likuzan lra, zazuwa ku ziya, kiyatrevunga kanmu mukuwa kaninku i kaziyu, muramawan za maruwaya mu kurekasa kaninku za kinazuwan.

marengay i Tomas kantaw: <<Luzu a, 'azi mi malrazam za auwa u i iyan, kemuda malrazam kanizu na dalan?>>