Amós 8
8
Te moch nojel ta sit awal-ts'unubil
1Ha la ya'bon quil ini te Jehová te Ajwalil: jun moch te nojel ta sit awal-ts'unubil te sc'analixe. 2Hich la sjoc'obon: ¿Bin yac awil, Amós? xchi.
Jun moch te nojel ta sit awal-ts'unubil te sc'analix, xchihon.
La yalbon te Jehová: Talix yorahil slajibal te Israel te pueblo cu'une; ma ba ya jpasbeyix perdón.
3Ta hich ora te c'ayojetic ta templo ya sutp'ijic ta ahcan, xchi te Jehová te Ajwalil. Bayel chamen baq'uet ya xc'oht, ya yich'ic ch'ojel loq'uel ta bayuc, mayuc mach'a ya xc'opoj.
Ya xnohpojix castigo ta stojol Israel
4A'iya awa'iyic ini, ha'ex te yac ats'o'ic ta teq'uel te mach'atic mayuc bin ay yu'unic soc te yac ajinic te pobrehetic ta q'uinal, 5te hich yac awalic: ¿Bin ora ya xc'ax te q'uin yu'un yach'il u, yu'un ya jchontic te sit awal-ts'unubil; soc bin ora ya xc'ax te sc'ahc'alel cux-o'tan, yu'un ya jamtic te yawil trigo? Ya jtutubtes te sp'isol, ya jtoybetic te stojol soc ya jlo'loytic ta sp'isojibal yalal; 6ya jmantic ta taq'uin te pobrehetic, ya jeltic ta jchahp zapato te mach'atic mayuc bin ay yu'unic, soc ya jchontic te sts'ubil te trigohe, xchihex.
7Te Jehová hich la yal ta jamal ta scuenta te yutsilal Jacob: Ma ba ya xch'ayix ta co'tan te bin spasojic, xchi.
8¿Ma bal yacuc xnihc sba te q'uinal yu'un?
¿Ma bal yacuc x'oc'
spisil mach'atic nahinemic tey a?
Ya xmo bahel spisil te q'uinal
hich te bin ut'il te muc'ul-ha' Nilo;
ya syuc' sba soc ya xco bahel
hich te bin ut'il te muc'ul-ha' yu'un Egipto.
9Ta hich ora, xchi te Jehová, te Ajwalil,
ya cac' te ya xmahl c'ahc'al ta ohlil c'ahc'al,
c'alal saquix q'uinal a
ya jmuc ta yihc'al q'uinal.
10Ya jsutp'in ta oq'uel te q'uinetic awu'unic
soc spisil te c'ayojetic awu'unic
ya jsutp'in ta mel-o'tan;
ya cac' te yac alapic c'u'ul scuenta mel-o'tan
soc ya yich' quits'el spisil stsotsel ajolic.
Ya cac' te hich ya xc'oht te q'uinal
te bin ut'il oq'uel yu'un
te mach'a ch'ayem te hip jtuhl snich'an,
soc te slajibal
hich ya xc'oht te bin ut'il ch'a te sc'ahc'alele.
11Ya xtalix sc'ahc'alel, xchi te Jehová,
te ya jticon tal wi'nal ta q'uinal;
ma ha'uc te wi'nal yu'un we'elil,
o te taquinti'il yu'un ha',
ha wi'nal ta ya'iyel te sc'op Jehová.
12Xmeletic ta behel ta mar c'alal ta yan mar,
c'alal ta norte c'alal ta banti ya xloc' tal c'ahc'al;
ya xbehenic ta slehel te sc'op Jehová,
pero ma ba ya stahic.
13Ta hich ora te t'ujbil ach'ixetic soc te queremetic
ya xch'ay yo'tanic yu'un taquinti'il.
14Te mach'atic ay bin ya yalic ta jamal
ta scuenta te mulil yu'un Samaria,
te hich ya yalic:
Ta scuenta te Dios awu'un, Dan, xchihic;
soc: Ta scuenta te sbehlal Beerseba, te xchihique,
ya me xyahlic, mayuquix bin ora ya xhahchiquix.
Currently Selected:
Amós 8: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.