Matta 1
1
Iysa Masiyxtıń shejiresi
(Luk 3:23-38)
1Ibrayım hám Dawıttıń urpaǵı Iysa Masiyxtıń#1:1 Masiyx – «Basına may quyılǵan adam» degendi ańlatadı. Quday wáde etken Qutqarıwshı. Sózlikke qarań. shejiresi mınaday:
2Ibrayımnan Ísaq tuwıldı. Ísaqtan Yaqıp tuwıldı. Yaqıptan Yahuda hám onıń aǵa-inileri tuwıldı. 3Yahuda menen Tamaradan Peres hám Zerax tuwıldı. Peresten Xesron tuwıldı. Xesronnan Ram tuwıldı. 4Ramnan Amminadab tuwıldı. Amminadabtan Naxshon tuwıldı. Naxshonnan Salmon tuwıldı. 5Salmon menen Raxabtan Boaz tuwıldı. Boaz benen Ruttan Obid tuwıldı. Obidten Ishay tuwıldı. 6Ishaydan Dawıt patsha tuwıldı.
Dawıt penen burın Uriyanıń jubayı bolǵan hayaldan Sulayman tuwıldı. 7Sulaymannan Rexabam tuwıldı. Rexabamnan Abiya tuwıldı. Abiyadan Asa tuwıldı. 8Asadan Ehoshafat tuwıldı. Ehoshafattan Ehoram tuwıldı. Ehoramnan Uzziya tuwıldı. 9Uzziyadan Iotam tuwıldı. Iotamnan Axaz tuwıldı. Axazdan Xizkiya tuwıldı. 10Xizkiyadan Menashshe tuwıldı. Menashsheden Amon tuwıldı. Amonnan Ioshiya tuwıldı. 11Babiloniyaǵa súrgin etilgende, Ioshiyadan Exoniya#Mat 1:11Ioshiyadan Exoniya – Bazı qoljazbalarda «Ioshiyadan Ehoyakim, Ehoyakimnen Exoniya». hám onıń inileri tuwıldı.
12Babiloniyaǵa súrgin etilgennen keyin, Exoniyadan Shealtiel tuwıldı. Shealtielden Zerubbabel tuwıldı. 13Zerubbabelden Abihud tuwıldı. Abihudtan Elyakim tuwıldı. Elyakimnen Azor tuwıldı. 14Azordan Sadoq tuwıldı. Sadoqtan Axim tuwıldı. Aximnen Elihud tuwıldı. 15Elihudtan Elazar tuwıldı. Elazardan Mattan tuwıldı. Mattannan Yaqıp tuwıldı. 16Yaqıptan Máriyamnıń kúyewi Yusup tuwıldı. Máriyamnan Masiyx dep atalǵan Iysa tuwıldı.
17Solay etip, hámmesi bolıp: Ibrayımnan Dawıtqa deyin on tórt urpaq, Dawıttan Babiloniyaǵa súrgin etiliwge deyin on tórt urpaq, Babiloniyaǵa súrgin etilgennen Masiyxqa deyin on tórt urpaq.
Iysa Masiyxtıń tuwılıwı
(Luk 2:1-7)
18Iysa Masiyxtıń tuwılıwı bılay boldı: Onıń anası Máriyam Yusupke atastırılǵannan keyin, olar qosılmastan burın, Máriyamnıń Muxaddes Ruwxtan hámiledar ekenligi bilindi. 19Onıń kúyewi Yusup haq adam bolıp, Máriyamdı uyatqa qaldırmayın dep, oǵan úyleniwden jasırın túrde bas tartıwdı oyladı. 20Ol usılay oylap júrgende, Jaratqan Iyeniń bir perishtesi onıń túsine enip:
– Háy, Dawıttıń urpaǵı Yusup! Sen Máriyamdı ózińe hayallıqqa alıwǵa qorqpa. Onıń ishindegi balası Muxaddes Ruwxtan. 21Máriyam ul tuwadı. Sen onıń atın Iysa#1:21 Iysa – «Jaratqan Iye qutqaradı» degendi bildiredi. dep qoyasań, sebebi Ol Óz xalqın gúnalarınan qutqaradı, – dedi.
22Bulardıń hámmesi Jaratqan Iyeniń payǵambar arqalı aldın ala aytqan mına sózleriniń orınlanıwı ushın boldı:
23«Mine, qız hámiledar bolıp Ul tuwadı. Onıń atın Immanuel dep qoyadı»#1:23 Iysh 7:14..
Immanuel – «Quday bizler menen birge» degen mániste.
24Yusup uyqıdan turǵannan soń, Jaratqan Iyeniń perishtesiniń buyırǵanın islep, Máriyamǵa úylendi. 25Biraq Máriyam ulın#Mat 1:25ulın – Bazı qoljazbalarda «tuńǵısh ulın». tuwǵansha, Yusup oǵan jaqınlaǵan emes. Bala tuwılǵannan keyin, ol balanıń atın Iysa dep qoydı.
Currently Selected:
Matta 1: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022