Matta Kitap haqqında maǵlıwmat
Kitap haqqında maǵlıwmat
Bul kitaptı Iysanıń shákirti Matta jazǵan. Ol aldın salıqshı bolǵan (Mat 9:9-13). Matta Iysanıń islerin kórip, gúwa bolǵan hám sózlerin esitken on eki elshiniń biri edi. Ol óz Ustazınıń ómiri hám xızmeti haqqında bayanlaydı. Matta bul kitapta Iysanıń Eski Kelisimdegi wáde etilgen Qutqarıwshı Masiyx ekenin aytadı. Ol bunı dálillew ushın, Eski Kelisimdegi payǵambarshılıqlardıń Iysanıń ómiri hám xızmeti arqalı orınlanǵanın atap ótedi hám Qutqarıwshı Masiyx haqqında jazılǵan Eski Kelisimdegi kóp ayatlardı keltiredi.
Kitap Iysa Masiyxtıń shejiresi menen baslanadı, shejirege Ibrayımnan baslap, Iysaǵa deyingi áwladlar kiritilgen, jáne de, Iysanıń Dawıttıń Urpaǵı ekenine úlken itibar berilgen. Sonıń menen birge, yahudiyler kútken Aspan Patshalıǵı haqqında jiyi-jiyi aytıp, Iysanı Dawıt patshanıń urpaǵınan shıqqan Patsha sıpatında súwretleydi. Biraq Onıń Patshalıǵı bul dúnyada emes, al adamlardıń ishinde ekenin atap ótedi.
Matta óz kitabında Iysanıń tek yahudiy xalqınıń emes, al pútkil adamzattıń Qutqarıwshısı ekenligin hám Onıń dúnyadaǵı barlıq adamlardıń gúnaları ushın qurban bolıp, úshinshi kúni ólimnen qayta tirilgenin aytadı. Kitaptıń aqırında 28:18-20 ayatlarda Iysa Óz shákirtlerine ullı tapsırma beredi.
Currently Selected:
Matta Kitap haqqında maǵlıwmat: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022