Salmos 6
6
Da qouagaxainaxac quena' 'ue da neuogoxo
1Qami' ỹa'gaxala',
totaxan relaqairiua' quiyim 'ohi',
chaqai sqa vite ca ñouaxanaxaset quiyim roqui'raỹa'.
2Qami' ỹa'gaxala', yi'xoriñi',
ma' ñauate'e quiyim qaica ca ỹa'ñaxac.
Qami' ỹa'gaxala', rapilaxachi' ca ỹa'maxa,
ma' ná'ogue na ỹoshicmaxa i'loxol.
3¡Mashic yi'loxoltari' quena iqolonaxa!
Ca' qami' ỹa'gaxala', ¿laquio' chi novichi'?
4Qami' ỹa'gaxala', na'itquena, ¡nca'laxachirec da ñachaalataxac!
¡Yca'laxachirec queda re'xorenataxanaxa'e'!
5Qaica quet cá'maq mashic ileu, ca ỹo'leenta'a qami';
¿negue' queto' ca ishit quiyim imaqachin qami' quiyim mashic hueetañigui aca napal lahi'?
6Ỹaatqajam mashic yco'te'guesop da ñoỹenaxac.
Naua'que naua piri ñoỹentac,
vire'ta pi'guiloxolta yi ña'xanaxat quenaua ỹachi'.
7Da nqui'ic mashic sham ỹo'mate' naua ñqote';
¡sham o'me' sauaxat na ñpa'guenaxauaripi!
8¡Noỹoochiuec caỹim ma' 'viichitac da se no'uen
ma' ñi qara'gaxala' mashic 'xaỹa da ñoỹenaxac!
9Ñi qara'gaxala' na'xaỹaxana da ñi'xoresenaxac,
¡ñi qara'gaxala' icoñiguit da ñqouagaxainaxac!
10Na ñpa'guenaxauaripi ileuapeguem da lqolonaxa,
ỹaatqajam qaica ca 'negue;
¡'ec quiyim 'oonoqui' nqatagoxoñi,
ca' 'eete', paguec da layilqo'!
Currently Selected:
Salmos 6: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.