Salmos 8
8
Da lauaq ñi qota'olec chaqai da lemaqachic ca chaqai qom
1Qami' qara'gaxala' ma' cochi'sapegalo qomi',
¡da qadeenaxachi' ỹaatqajam ỹoiquentac ná'ogue na 'laua!,
¡da remaqachiqui' napacalec na piguim!
2Queda lemaqajnataxanaxa na ñaaqaipioqui'
chaqai ná'maq ñaqai llipetac,
ca no'xoñirishiguim ca re'guenaxagui'i',
sauaxat na npa'guenaxaua'e'ipi,
qaiyi nomachichiriñi na sqai huelec qami' chaqai ná'maq se reuojñi'.
3Quena' ya'iito'ot na piguim ná'maq ro'ueenachiqui',
ñi shiraigo chaqai ana huaqajñi
ỹañiso'ot na'maxare,
4ca viichigui na iuel quiyim shinacsa':
¿Negue' quet ná'maq chi ỹale?
¿Negue' quet ná'maq chaqai qom?
¿Chi'negue ma' sqa 'laxachite chaqai quelollisapega na'maxare?
5Ma' sham nalo'chiguit nqai'ñi' qami' na'le,
chaqai 'ỹaañitem quiyim qaimaqachin chaqai da lichoxoric,
6chaqai 'ỹaañitem quiyim ỹapacauec quena liỹa ro'ueenachiqui',
chaqai 'ỹaañitem quiyim ỹapacauec quená'ogue nanchaqaina:
7ỹapacauec quena qagretaipi chaqai quena ñii'lolaipi, chaqai quena iseripi neuec,
8chaqai quená'maq ỹoipi quená'maq ỹootac quena piguim,
chaqai na nalliñipi hueetañigui ana huaaxai,
¡chaqai quená'ogue ná'maq hueetañigui ana huaaxai!
9Qami' qara'gaxala' ma' cochi'sapegalo qomi',
¡da qadeenaxachi' ỹoiquentac ná'ogue na 'laua!
Currently Selected:
Salmos 8: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.