Salmos 2
2
Qami' ná'maq qami' ỹaalec
1¿Chi'negue ma' leleetecta' ná'maq ỹoreta'oguit qomyipi, ná'maq sqai huelec ñi qota'olec?
¿Chi'negue ma' ỹo'ueetetac na na'deenaxaquipi qaica ca 'negue?
2Ná'ogue na nashillipi quena 'laua,
na'maxare sqai huelec, ca' lapoỹata',
ca npa'guene'e' ñi qota'olec chaqai ñi nashi lca'acsec.
3Ca' ỹaualqatagui, 'naac:
¡Ñaqataq na lequeetenaxanqateripi coqomi'!
¡Ñosoqa'ahi naua lcoñiitaxanqate'!
4Ñi qara'gaxala' qota'olec ñí'maq nashi queda piguim
chi raỹalegueretac i'neetac na'maxare.
5Ime, ca' ro'o, ca qo'ỹoqochit;
ca na' ỹaatqajam paguec da lauel, ca 'naac:
6Mashic shi'gue sano quiyim nashi quiyi Sión añí'maq ñaqa' co'teeta.
7Ỹim sa'xat dá'maq ỹahotaque ñi qota'olec:
ñi'maxare 'naac caỹim: Qami' ná'maq qami' ỹaalec;
nagui, ca' ỹim qataa'i'.
8Yashiila'e' quiyim saañiraxarom quiyim ralamaxarichi' ná'ogue na ỹoreta'oguit qomyipi
chaqai ỹovira'a ca lqodoc na 'laua,
ca' saanem qami' quiyim ralamaxarichi'.
9Ca' viise'e ca rashillichi' lecat, ca nopoxoỹaxachiriñi na nashillipi;
¡ca poxoỹaxachirigui 'ec nqai'ñi' aca 'ueena 'laua!
10Ca' qamiri nashillipi chaqai na'gaxalateripi quena 'laua, 'yiiñita dajo ma'le,
¡ỹaatqajam napaxaguiñiỹa ma'le dajo qaỹa'xatetac!
11-12Nqouagaxaiñiỹot ñi qara'gaxala' qota'olec, qam ra'maxaichiguiñi chaqai ỹaatqajam ro'chiỹa;
'yiỹoto naua re'cootallii ñi'maxare, qam re'loxollitari',
'neeto' lotqai ro'o,
ca' qamiri rillivii quena nayic,
ma' da lonogoxonaxac ỹaatqajam se neme quiyim nachipishiguim.
¡Chalego loyac ca qom cá'maq idaantaque quiyim qaiquepaqataxanlec quiñi'maxare!
Currently Selected:
Salmos 2: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.